You are currently viewing በፋኖ ሄዋን ወልደ ገብርኤል ግድያ የተጠረጠረው ግለሰብ በጎንደር ከተማ ከፍተኛ ፍ/ቤት ቀርቧል፤ የከሳሽ ምስክሮች ባለመቅረባቸው ለታህሳስ 13 ተለዋጭ ቀጠሮ ተሰጥቷል። አማራ ሚዲያ ማዕከል/አ…

በፋኖ ሄዋን ወልደ ገብርኤል ግድያ የተጠረጠረው ግለሰብ በጎንደር ከተማ ከፍተኛ ፍ/ቤት ቀርቧል፤ የከሳሽ ምስክሮች ባለመቅረባቸው ለታህሳስ 13 ተለዋጭ ቀጠሮ ተሰጥቷል። አማራ ሚዲያ ማዕከል/አ…

በፋኖ ሄዋን ወልደ ገብርኤል ግድያ የተጠረጠረው ግለሰብ በጎንደር ከተማ ከፍተኛ ፍ/ቤት ቀርቧል፤ የከሳሽ ምስክሮች ባለመቅረባቸው ለታህሳስ 13 ተለዋጭ ቀጠሮ ተሰጥቷል። አማራ ሚዲያ ማዕከል/አሚማ ህዳር 19 ቀን 2015 ዓ/ም አዲስ አበባ ሸዋ ከዛሬ 8 ወራት በፊት በጎንደር ከተማ አራዳ አካባቢ በአሰቃቂ መልኩ ተገድላ የተገኘችው ፋኖ ሄዋን ወልደ ገብርኤል የአማራ ህዝብ መብት፣ጥቅም እና ፍላጎት ይከበር ዘንድ የወራሪውን ትሕነግ እንቅስቃሴ ለመግታት ግንባር ድረስ በማቅናት በመታገሏ እና ሎጅስቲክ በማቅረብ የተመሰከረላት ብርቱ ሴት ነበረች። ግድያውን ተከትሎም በቁጥጥር ስር የዋለ አንድ ተጠረጠሪ መኖሩ ይታወቃል። ግለሰቡ ህዳር 19/2015 በጎንደር ከተማ ከፍተኛ ፍ/ቤት ቀርቧል፤ በእለቱም የከሳሽ ምስክሮች ባለመቅረባቸው ለታህሳስ 13/2015 እንዲቀርቡ በሚል ተለዋጭ ቀጠሮ የተሰጣቸው መሆኑን አማራ ሚዲያ ማዕከል (አሚማ) ከቤተሰብ ያገኘው መረጃ ያመለክታል። እንደ ፋኖ ሄዋን ቤተሰብ አስተያዬት ሰጭ ከሆነ የተፈጸመውን አሰቃቂ ግድያን በተመለከተ ቀደም ሲል በወረዳ ፍ/ቤት የምስክርነት ቃላቸውን የሰጡ ሰዎች ዛሬ ላይ በከፍተኛ ፍ/ቤት እየተገኙ ያልሆነው ለደህንነታችን እንሰጋለን ከሚል ፍርሃት የመነጨ ነው ባይ ናቸው። የፍትህ ሂደቱን ሊያዛቡ የሚችሉ ማስፈራሪያ እና ዛቻ ከተለያዩ አካላት እየደረሳቸው መሆኑን አውቀናል ብለዋል የአሚማ ምንጭ ከጎንደር። በመጨረሻም የሚመለከተው አካል ኃላፊነቱን እንዲወጣ፣ የጎንደር ከተማ እነ አካባቢው ፍትህ ወዳድ ህዝብም የፍትህ ሂደቱን እስከ መጨረሻው ድረስ እንዲከታተል ተጠይቋል።

Source: Link to the Post

Leave a Reply