You are currently viewing በፋኖ ሄዋን ወ/ገብርኤል መገደል የተሰማቸውን ጥልቅ ሀዘን የገለጹ ቤተሰቦቿ፣ የጎንደር ፋኖ አባላት እና ነዋሪዎች በንጹሃን ላይ የሚፈጸም ግድያ መደጋገም አሳሳቢ እየሆነ መምጣቱን ገለጹ። አማ…

በፋኖ ሄዋን ወ/ገብርኤል መገደል የተሰማቸውን ጥልቅ ሀዘን የገለጹ ቤተሰቦቿ፣ የጎንደር ፋኖ አባላት እና ነዋሪዎች በንጹሃን ላይ የሚፈጸም ግድያ መደጋገም አሳሳቢ እየሆነ መምጣቱን ገለጹ። አማ…

በፋኖ ሄዋን ወ/ገብርኤል መገደል የተሰማቸውን ጥልቅ ሀዘን የገለጹ ቤተሰቦቿ፣ የጎንደር ፋኖ አባላት እና ነዋሪዎች በንጹሃን ላይ የሚፈጸም ግድያ መደጋገም አሳሳቢ እየሆነ መምጣቱን ገለጹ። አማራ ሚዲያ ማዕከል/አሚማ መጋቢት 12 ቀን 2014 ዓ.ም አዲስ አበባ ሸዋ መንግስት የዜጎችን ሰላም እና ደህንነት የማስጠበቅ ኃላፊነቱን በአግባቡ እየተወጣ ባለመሆኑ ክቡር የሆነው የሰው ልጅ ህይወት እየተቀጠፈ ነው የሚሉት በጎንደር ከተማ አራዳ አካባቢ በግፍ በተገደለችው ጀግናችን በፋኖ ሄዋን ወ/ገብርኤል ቤተሰቦች ቤት ለቅሶ ላይ የተገኙ ወገኖች ናቸው። አማራ ሚዲያ ማዕከል (አሚማ) ወደ ጎንደር ከተማ ባቀናበት ወቅት በከፍተኛ ህመም እየተሰቃዩ ያሉ የፋኖ ሄዋንን አባት አባ ወልደ ገብርኤልን፣ እናቷን ወ/ሮ መርከብ ወርቁን፣ ወንድሟን መ/ር የሰውልክ ወ/ገብርኤልን፣ የሀይማኖት አባት፣ የጎንደር ፋኖ መሪ ሰለሞን አጠናውንና አባላቱን፣ ሌሎች ቤተሰቦችን፣ጎረቤቶችን እንዲሁም በርካታ የጎንደር ከተማ ነዋሪዎችን አግንቷል። እኒህ አሚማ ያነጋገራቸው የጎንደር ከተማ ነዋሪዎችም በፋኖ ሄዋን ወ/ገብርኤል የተሰማቸውን ጥልቅ ሀዘን በመግለጽ መንግስትን በተለይም የጸጥታ ክፍሉ የህግ የበላይነትንና የዜጎችን ደህንነት አላስከበረም ሲሉ ክፉኛ ወቅሰዋል። ፋኖ ሰለሞን አጠናው በበኩሉ ሄዋን ወልደ ገብርኤል በትግሉ ላይ ያበረከተችው አስተዋጽኦ ከፍተኛ ስለመሆኑ አውስቷል፤ ገዳይ የህግ በትር እንዲያርፍበት ጠንክረው የሚሰሩ መሆናቸውንም አረጋግጧል። በጎንደር ከተማ እና አካባቢው እየተስተዋሉ ያሉ በንጹሃን ላይ የሚፈጸሙ ጥቃቶች እንደሚያሳስቧቸው ገልጸዋል። የጎንደር ህዝብ ከፋኖ ሄዋን ወ/ገብርኤል ቤተሰቦች ጎን በመሆን በሻማ ማብራት ስነ ስርዓት ጥልቅ ሀዘኑን ስለመግለጹና አሰቃቂ ግድያዎች እንዲቆሙ ስለመጠየቁ የነገሩን አስተያየት ሰጭዎች ከፍ ያለ ምስጋና አቅርበዋል። የጀግናዋ ሰማዕት ፋኖ ሄዋን ወ/ገብርኤል ቤተሰቦችን መደገፍ ለምትፈልጉ ወገኖች:_ እናቷን ወ/ሮ መርከብ ወርቁ ተመስገንን ለማግኘት፣ በ 0918297309 እንዲሁም፣ ወንድሟን መ/ር የሰውልክ ወ/ገብርኤልን ማነጋገር ለምትፈልጉ በ 0918080837 መደወል ትችላላችሁ። መደገፍ የምትፈልጉ በኢትዮጵያ ንግድ ባንክ የተከፈተ አካውንት ቁጥር:_ 1000032452802 መርከብ ወርቁ ተመስገን ሙሉ መረጃውን በአሚማ የዩቱብ አድራሻ የምናጋራ ይሆናል

Source: Link to the Post

Leave a Reply