በ5 ሚሊዮን ዶላር የተገነባው ግሎኬር የተሰኘ መድሃኒት ማምረቻ ፋብሪካ ተመረቀ፡፡ ግለሎኬር የተሰኘው የህንድ መድሃኒት አምራች ኩባንያ በቂሊንጦ ኢንደስትሪ ዞን ውስጥ የገነባውን ፋብሪካ በ…

https://cdn4.telesco.pe/file/h21uy7Y0Cmns5_ts2s-gRoqsbDZ9OHUJrehnm8z9BYy2BCyDU5cUp4dhgR7jintyl8KNSNzQ8jisCdpCuVKpvjcT4rIO3EW1wkYBCl16qFfoh3-3CQvKMWkNZvtTkzUkir9NHyRkb771MqeRr_3erLciv_dc53jBvS3dT-Wpb9a06yrxEp-ocBDCKvgiDAYfMtd4fJ2fjCIih9pTGqdRO1_D1JOJg6vnT1mkydRinnz8sL7ykqHFNTQnFpjBZ031Bz_bVNIzwWZfb1b3Me7ZGBSKNekCWH9hHulYUm9HuCy5lfWHchok5CPODiboGisSK6U_V9vPG1GC8I1cD2nO4w.jpg

በ5 ሚሊዮን ዶላር የተገነባው ግሎኬር የተሰኘ መድሃኒት ማምረቻ ፋብሪካ ተመረቀ፡፡

ግለሎኬር የተሰኘው የህንድ መድሃኒት አምራች ኩባንያ በቂሊንጦ ኢንደስትሪ ዞን ውስጥ የገነባውን ፋብሪካ በዛሬው እለት አስመርቋል፡፡

በ5 ሚሊዮን ዶላር የተገነባው ፋብሪካ የምረቃ ስነስርአቱ ላይ ከፍተኛ የመንግስት ባለስልጣናት ተገኝተዋል፡፡

ኢትዮጵያ የመድሃኒት ምርቶችን ከውጭ ለማስገባት የሚወጣውን የውጭ ምንዛሬ በሃገር ውስጥ ምርቶች ለመተካት ከፍተኛ እንቅስቃሴ እያደረገች የምትገኝ ሲሆን ግሎኬር የመድሃኒት ፋብሪካ ለዚሁ የድርሻውን እንደሚወጣም ተጠቁሟል፡፡

ፋብሪካው በአመት 600 ሚሊዮን ታብሌት እና 7 ሚሊዮን ፈሳሽ (ሽሮፕ) መድሃኒቶችን እንደሚያመርት ኢትዮ ኤፍ ኤም ሰምቷል፡፡ አሁን ላይ 60 ለሚሆኑ ባለሙያዎች የስራ እድል መፍጠሩን ያስታወቀው ፋብሪካ፣ በአመቱ መጨረሻም እስከ 250 ለሚሆኑ ሰዎች የስራ እድል ይፈጥራል ተብሎ ተስፋ ተጥሎበታል፡፡

ፋብሪካው የ2ተኛ እና ሶስተኛ ምእራፍ ግንባታዎችን እያከናወነ ሲሆን 4.5 ሚሊየን ዶላር ወጪ እንደሚያደርግም ከኢትዮጵያ ኢንቨስትመንት ኮሚሽን ያገኘነው መረጃ ያመለክታል፡፡

አብዱልሰላም አንሳር
የካቲት 30 ቀን 2014 ዓ.ም

Source: Link to the Post

Leave a Reply