You are currently viewing ባህር ዳር ላይ ስለአንድነት ሲመክሩ የታሰሩ ፋኖዎች ሀይማኖትን ሽፋን በማድረግ ህገ መንግስታዊ ስርዓቱን በኃይል ለመናድ እና ፋኖን መልሶ በማደራጀት ክልሉን የብጥብቅ ቀጠና ለማድረግ እየሰራች…

ባህር ዳር ላይ ስለአንድነት ሲመክሩ የታሰሩ ፋኖዎች ሀይማኖትን ሽፋን በማድረግ ህገ መንግስታዊ ስርዓቱን በኃይል ለመናድ እና ፋኖን መልሶ በማደራጀት ክልሉን የብጥብቅ ቀጠና ለማድረግ እየሰራች…

ባህር ዳር ላይ ስለአንድነት ሲመክሩ የታሰሩ ፋኖዎች ሀይማኖትን ሽፋን በማድረግ ህገ መንግስታዊ ስርዓቱን በኃይል ለመናድ እና ፋኖን መልሶ በማደራጀት ክልሉን የብጥብቅ ቀጠና ለማድረግ እየሰራችሁ ነው በሚል ምርመራ የተደረገባቸው መሆኑ ተሰማ። አማራ ሚዲያ ማዕከል/አሚማ ሀምሌ 7 ቀን 2014 ዓ.ም አዲስ አበባ ሸዋ ሰኔ 21/2014 በአንድነት ጉዳይ ባህር ዳር ከተማ ላይ ሲመክሩ በቁጥጥር ስር የዋሉት ከተለያዩ የአማራ አካባቢዎች የተወጣጡ 14 የአማራ ፋኖ አመራሮች የፊታችን አርብ ሀምሌ 8/2014 የአማራ ክልል ጠቅላይ ፍ/ቤት ይቀርባሉ። ባህር ዳር ላይ ስለአንድነት ሲመክሩ የታሰሩ ፋኖዎች ሀይማኖትን ሽፋን በማድረግ ህገ መንግስታዊ ስርዓቱን በኃይል ለመናድ እና መንግስት እየበተነው ያለውን ኢ መደበኛ ኃይልን መልሶ በማደራጀት የአማራ ክልልን የብጥብቅ ቀጠና ለማድረግ እየሰሩ ነው በሚል ምርመራ የተደረገባቸው ስለመሆኑ ለአሚማ የደረሰው መረጃ አመልክቷል። ከፌደራል ከመጣ የምርመራ ቡድን ከቀረቡባቸው ክሶች መካከልም:_ 1) መንግስት እየበተነ ያለውን ኢ_መደበኛ አደረጃጀትን መልሶ በማደራጀት፣ ፋኖን ለማለት እንደሆነም ተገልጧል። 2) ለመንግስት ተገዳዳሪ የሆነ ኃይል በመፍጠር አማራ ክልልን የብጥብጥ ቀጠና ለማድረግ መስራት የሚሉት ተጠቃሽ ናቸው። ተጨማሪ ግብረ አበሮችን ለመያዝ እና ምርመራ ለማከናወን በፊል የ14 ቀናት ጊዜ ቀጠሮ መጠየቁን ተከትሎ ፍ/ቤቱ ተቀብሎ በሰጠው ተለዋጭ ቀጠሮ መሰረት ነው የፊታችን አርብ ሀምሌ 8/2014 የሚቀርቡት። ሰኔ 23/2014 በነበረው ችሎት ወደ ጋይንት ይወሰዱልኝ በሚል በአቃቢ ህግ በኩል የቀረበ ጥያቄም በጠበቃ በኩል ተቃውሞ በማስነሳቱና ዳኛውም ባለመቀበሉ ውድቅ መደረጉ ተወስቷል። ሁሉም ድምፅ እንዲሆናቸው ጥሪ ያቀረቡ በባህር ዳር ሰባታሚት ማ/ቤት የሚገኙ የአማራ ፋኖ አመራሮችና አባላትም:_ 1.ዶ/ር ወንድወሰን አሰፋ፣ የአማራ ፋኖ ውህደት አመቻች ኮሚቴ፣ 2.ፋኖ ኢንጅነር በየነ አለማው፣ የአማራ ፋኖ በጎንደር ህዝብ ግንኙነት ኃላፊ፣ 3.ሻለቃ ዳንኤል አስረስ፣ የአማራ ፋኖ አንድነት በጎንደር፣ የቢትወደድ አዳነ ብርጌድ ዋና አዛዥ፣ 4.ሻለቃ ስጦታው ( የጎቤ መልኬ ታናሽ ወንድም)፣ የጎቤ ብርጌድ አዛዥ፣ 5.ገበየሁ ሞላ የአማራ ፋኖ በጎንደር ሎጅስቲክ ክፍል ኃላፊ፣ 6.ዶ/ር ታደሰ፣ የአማራ ፋኖ በሸዋ አደረጃጀት ኃላፊ፣ 7.አበበ ሙላቱ፣ የአማራ ፋኖ በሸዋ ደ/ብርሃን የምኒልክ ብርጌድ ህዝብ ግንኙነት ኃላፊ፣ 8.ኢሳያስ ደመቀ፣ የአማራ ፋኖ በሸዋ ሎጅስቲክ ክፍል ኃላፊ፣ 9.ታደሠ ፍቅረ፣ የአማራ ፋኖ በሸዋ ሰብሳቢ፣ 10.ሽታየ የትዋለ፣ የአማራ ፋኖ በጎጃም የፍኖተ ሠላም ምክትል ሰብሳቢ፣ 11.ጌታሁን በሬ፣ የአማራ ፋኖ በጎጃም የቡሬ ሻለቃ አዛዥ፣ 12.አትንኩት ሠርፀ ድንግል፣ የአማራ ፋኖ ዉህደት አመቻች ኮሚቴ፣ 13.ሰዋሰው አራጋው፣ የአማራ ፋኖ ውህደት አመቻች፣ 14.ናትናኤል አበባው፣ አመቻች ኮሚቴ አባል ስለመሆናቸው ለአሚማ የደረሰው መረጃ አመልክቷል። በተያያዘ ሰኔ 20/2014 በከተማዋ በ4 አካባቢዎች ቦንብ ፈንድቷል በሚል ሴራ በቁጥጥር ስር ውለዋል የተባሉት የአማራ ፋኖ በባህር ዳር አመራሮች ሰኔ 23/2014 ፍ/ቤት ቀርበው ፖሊስ ተጨማሪ የምርመራ ጊዜ ያስፈልገኛል በሚል 14 ቀን መጠየቁን ተከትሎ የአማራ ክልል ጠቅላይ ፍርድ ቤት መፍቀዱ ይታወሳል። በባህር ዳር ሰባታሚት ማ/ቤት በእስር ላይ የሚገኙት ፋኖዎችም:_ 1) ቴዎድሮስ ጌታቸው፣ 2) ማንችሎት እሱባለው፣ 3) ሀብታሙ ማንደፍሮ፣ 4) ኖላዊት ይልሃል እና 5) መንግስቱ አማረ ናቸው። በአማራ ክልል ጠቅላይ ፍ/ቤት የሚቀርቡ መሆናቸውን በመገንዘብ ከግፍ እና ከሴራ እስረኞች ጎን እንድትሆኑ፤ በችሎት ተገኝታችሁ እንድታበረታቱ የሚል ጥሪ ቀርቧል።

Source: Link to the Post

Leave a Reply