ባለስልጣኑ የትራማዶል መድሀኒት ላይ ጥብቅ ቁጥጥር ሊያደርግ መሆኑን አስታወቀ

ማክሰኞ ጥቅምት 22 ቀን 2015 (አዲስ ማለዳ) የኢትዮጵያ ምግብና መድሀኒት ባለስልጣን የትራማዶል መድሀኒት ላይ ጥብቅ ቁጥጥር እንደሚያደርግ አስታውቋል።

ባለስልጣኑ በመድሀኒቱ አጠቃቀም ዙሪያ በሰጠው መግለጫ፤ ከጤና ባለሙያ ትዕዛዝ ውጭ በርካታ አፍላ ወጣቶች ለህመም ማስታገሻ በሚል ያለአግባብ እንደሚጠቀሙት መረጃ እንደደረሰው አስታውቋል።

መድሀኒቱ ያለማዘዣ ከሚሰጡ መድሀኒቶች ውስጥ አንዱ እንደነበር የገለፀው ባለስልጣኑ፤ የመድሐኒቱን ሱስ የሚያስይዝ ባህሪ ከግምት ውስጥ በማስገባት ያለማዘዣ ከሚታዘዙ መድሀኒቶች ዝርዝር ውስጥ ለማውጣት የተለያዩ ሥራዎችን ሲሰራ መቆየቱን ገልፀዋል።ለዚህም የኹኔታውን አሳሳቢነት ግምት ውስጥ በማስገባት በመድሀኒቱ ላይ ጥብቅ ቁጥጥር ሊያደርግ እንደሆነ ባለስልጣኑ አስታውቋል፡፡

መድሃኒቱ ለጤናው ዘርፍ መሰረታዊ መድሀኒት በመሆኑ ከዚህ በኋላ በልዩ ማዘዣ ወረቀት እንደሚታዘዝ እና የመድሃኒቱ ማዘዣም ቁጥጥር እንደሚደረግበት ነው የተገለጸው።

የመድሃኒት ችርቻሮ ድርጅቶችና የጤና ተቋማት በመድሃኒቱ አጠቃቀም ላይ በየጊዜው ሪፖርት እንዲያቀርቡ ይደረጋልም መባሉን ኤፍ ቢሲ ዘግቧል።

ባለሰልጣኑ መድሀኒቱን አለግባብ የሚሸጡ፣ የሚያሰራጩ እና የሚጠቀሙ አካላት ላይ ህጋዊ እርምጃ እንደሚወስድም አስታውቋል።

The post ባለስልጣኑ የትራማዶል መድሀኒት ላይ ጥብቅ ቁጥጥር ሊያደርግ መሆኑን አስታወቀ first appeared on Addis Maleda.

Source: Link to the Post

Leave a Reply