You are currently viewing ባልደራስ በዓይነት እና በገንዘብ ሲያሰባስብው የነበረውን የመጀመሪያ ዙር ድጋፍ በስኬት ማጠናቀቁን አስታወቀ፤ ለተሳታፊዎችም ምስጋና አቅርቧል። አማራ ሚዲያ ማዕከል/አሚማ  ታህሳስ 3 ቀን 20…

ባልደራስ በዓይነት እና በገንዘብ ሲያሰባስብው የነበረውን የመጀመሪያ ዙር ድጋፍ በስኬት ማጠናቀቁን አስታወቀ፤ ለተሳታፊዎችም ምስጋና አቅርቧል። አማራ ሚዲያ ማዕከል/አሚማ ታህሳስ 3 ቀን 20…

ባልደራስ በዓይነት እና በገንዘብ ሲያሰባስብው የነበረውን የመጀመሪያ ዙር ድጋፍ በስኬት ማጠናቀቁን አስታወቀ፤ ለተሳታፊዎችም ምስጋና አቅርቧል። አማራ ሚዲያ ማዕከል/አሚማ ታህሳስ 3 ቀን 2014 ዓ.ም አዲስ አበባ ሸዋ ባልደራስ ለእውነተኛ ዲሞክራሲ ፓርቲ በሰሜኑ ጦርነት ምክንያት ከቀያቸው ለተፈናቀሉ ወገኖቻችን እና ከአሸባሪው የወያኔ ኃይል ጋር ፊት ለፊት እየተፋለሙ ላሉት የወገን ጦር አባላት የገቢ ማሰባሰቢያ መርሃ ግብር ማከናወኑ ይታወቃል። ይህ “እንደ አቅሜ፤ ድጋፍ ለሀገሬ !” እኔ እያለሁ ወገኔ አይደፈርም፤ አይራብም፤ አይሰደድም!” በሚል መርህ ቃል ያዘጋጀው የአንድ ሳምንት የመጀመሪያው ዙር ድጋፍ የማሰባሰብ ዘመቻውን ታኅሣሥ 3 ቀን 2014 ዓ.ም ማጠናቀቁን ባልደራስ አስታውቋል። ባልደራስ ያስተላለፈውን ጥሪ ተከትሎ በሃገር ውስጥ እና በውጪ የሚገኙ አገር ወዳድ ኢትዮጵያዊያን በአይነት እና በጥሬ ገንዘብ ድጋፍ አድርገዋል ብሏል። ለዚህ በጎ ተግባር ለተባበሩና ድጋፍ ላደረጉ በሙሉ ባልደራስ ለእውነተኛ ዲሞክራሲ ፓርቲ እጅግ የላቀ አክብሮትና ምስጋና እንዳለው ገልጧል። ባልደራስ ያሰባሰበው የገንዘብና የቁሳቁስ እርዳታ በተዋቀረው ኮሚቴ አማካኝነት በተመረጡ ቦታዎች ድጋፍ የሚደርግ ሲሆን ፤ ይህን ጉዳይ አስመልክቶ ፓርቲው ዝርዝር መረጃ በቀጣይ ቀናት ይፋ የሚያደርግ ይሆናል ብሏል። በዛሬው ዕለት የባልደራስ ለእውነተኛ ዲሞክራሲ ፓርቲ የሥራ አስፈጻሚ ኮሚቴ አባላት ግምቱ አስራ ሁለት ሺህ ብር የሆነ የቁሳቁስ ድጋፍ ማድረጋቸውንም ገልጧል።

Source: Link to the Post

Leave a Reply