You are currently viewing ቤተሰቦቻችን የጦርነት ቀጠና በሆኑት በወለጋ እና በወሎ የሚኖሩ መሆናቸው እየታወቀ በልዩ ሁኔታ ሊታይልን ሲገባ ከግቢ እንድንወጣ መደረጉ ተገቢ አይደለም ሲሉ የባ/ዳር ዩኒቨርስቲ ተማሪዎች ተና…

ቤተሰቦቻችን የጦርነት ቀጠና በሆኑት በወለጋ እና በወሎ የሚኖሩ መሆናቸው እየታወቀ በልዩ ሁኔታ ሊታይልን ሲገባ ከግቢ እንድንወጣ መደረጉ ተገቢ አይደለም ሲሉ የባ/ዳር ዩኒቨርስቲ ተማሪዎች ተና…

ቤተሰቦቻችን የጦርነት ቀጠና በሆኑት በወለጋ እና በወሎ የሚኖሩ መሆናቸው እየታወቀ በልዩ ሁኔታ ሊታይልን ሲገባ ከግቢ እንድንወጣ መደረጉ ተገቢ አይደለም ሲሉ የባ/ዳር ዩኒቨርስቲ ተማሪዎች ተናገሩ። አማራ ሚዲያ ማዕከል/አሚማ ህዳር 5 ቀን 2014 ዓ.ም አዲስ አበባ ሸዋ ቤተሰቦቻችን የጦርነት ቀጠና በሆኑት በወሎ እና በወለጋ አካባቢዎች ያሉ መሆናቸውን በመግለጽ ከግቢ እንዳንወጣ የጠየቅን የባ/ዳር ዩኒቨርስቲ ተማሪዎች ጥያቄያችን በአመራሩ ዘንድ ተቀባይነት አላገኘንም ብለዋል። በመሆኑም ከሰሞኑ እንደማንኛውም ተማሪ ከግቢ እንድንወጣ በመደረጉ ለኑሮ ምስቅልቅል ተዳርገናል ሲሉ አማረዋል። ዩኒቨርስቲው አሁንም ወቅታዊ የሀገራችንን እንዲሁም የወሎ እና የወለጋ አካባቢዎችን ነባራዊ ሁኔታን ታሳቢ በማድረግ በግቢ ውስጥ እንድንቆይ ሊተባበረን ይገባል ብለዋል። እንደአብነትም ከወራት በፊት ጀምሮ ከጎጃም ወደ ወለጋ የሚወስደው መንገድ በአሸባሪው ኦነግ ሸኔ በመዘጋቱ ከቤተሰብ ጋር ለመገናኘት ያልቻሉ 22 የወለጋ አማራ ተማሪዎች እንዳሉ ተገልጧል። የተማሪዎችን ቅሬታ መነሻ በማድረግ አሚማ ያነጋፈራቸው የባ/ዳር ዩኒቨርስቲ ም/ፕሬዝዳንትና የዘንዘልማ ካምፓስ ዲን ዶ/ር ነጋ በአካባቢው ባልነበሩበት ሁኔታ ተማሪዎች ስልክ በመደወል ቅሬታቸውን እንዳቀረቡ አውስተው በወቅቱም ግቢው ውስጥ በስራ ላይ ላሉ ተወካይ ማቅረብ እንደሚችሉ አቅጣጫ መስጠታቸውን ገልጸዋል። በመሆኑም በቦታው ስልነበሩ በተነሳው ቅሬታ ዙሪያ በቂ ምላሽ እንደማይችሉ ለአሚማ በመጠቆም ጉዳዩን ወደ ተወካዩ ዶ/ር ዳዊት መርተውታል። ዶ/ር ዳዊት በበኩላቸው በተነሳው ቅሬታ ዙሪያ ምላሽ ሳይሰጡ በቀጥታ ወደ ዩኒቨርስቲው የኮሚዩኒኬሽን ጉዳይ ተጠሪ ዶ/ር ዘውዱ የመሩት ሲሆን ተጠሪውም ተነስቷል በተባለው ቅሬታ ዙሪያ መረጃው እንደሌላቸው ተናግረዋል። የዩኒቨርስቲው ተማሪዎች በተወካዮቻቸው በኩል ወገኖቻችን እናግዝ በሚል በጠየቁት መሰረት ተፈቅዶላቸው መውጣታቸውን የነገሩን ዶ/ር በልዩ ሁኔታ አካል ጉዳተኛ የሆኑ ተማሪዎች ባቀረቡት ጥያቄ መሰረት በግቢ ውስጥ መቅረታቸውን አክለው ገልጸዋል። ቤተሰቦቻቸው በወለጋ በአፈና ላይ ያሉ የባህር ዳር ዩኒቨርስቲ ተማሪዎች መንግስት ኃይል በመመደብ ከጎጃም ቡሬ ወደ ነቀምትና ሌሎች አካባቢዎች የሚወስዱ መንገዶችን ጭምር እንዲያስከፍት መጠየቃቸው አይዘነጋም፤ ምላሽ ባያገኙም ቅሉ።

Source: Link to the Post

Leave a Reply