ብልጽግና ፓርቲ በኦሮሚያ ክልል ያጋጠሙትን ፈተናዎችና ጫናዎች በፅናት በማለፍ በማህበራዊና ኢኮኖሚያዊ ድል እያስመዘገበ መሆኑን የክልሉ ርዕሰ መስተዳድር ሽመልስ አብዲሳ ገለጹ።”ቃል በተግባር…

https://cdn4.cdn-telegram.org/file/c1VEmjFgKPu7og3cSta-XAkpGDS9LkJpPE-4h9n782L0wqPZHMhyWrRpts1yy3El_6cozn4ijWee0Y17YYF2XeGFxBpMEoIlmC_tHYdJZw5_u4OS9N9e9NP04ve1EKIZLVRyLpZkZWgliiP_9zMQypPcoyLB4h-BOIcLBfSjV5dB2Nyl9wbsQp3oP44zDow0UU3XuPK6WSIWr7lXVlybIHVxR7w7yGYpZl1-kb6TUyFMVrZq6u3baY98jy8a_u1ugKLzImTeZJkcU8wJXj2CKBO54IMcoBHrPG3v9BjfzLXYEJZX7NoLipxPL4oiOPH6DMRfkzx2q8Y0BNiApCMzZQ.jpg

ብልጽግና ፓርቲ በኦሮሚያ ክልል ያጋጠሙትን ፈተናዎችና ጫናዎች በፅናት በማለፍ በማህበራዊና ኢኮኖሚያዊ ድል እያስመዘገበ መሆኑን የክልሉ ርዕሰ መስተዳድር ሽመልስ አብዲሳ ገለጹ።

”ቃል በተግባር ለኢትዮጵያ ብልፅግና” በሚል መሪ ሃሳብ በኦሮሚያ ክልል ደረጃ የፓርቲው ኮንፍረንስ በአዳማ አባገዳ አዳራሽ እየተካሄደ ነው።

አቶ ሽመልስ አብዲሳ በዚሁ ጊዜ እንደገለጹት÷ ፓርቲው ባለፉት ዓመታት የኢኮኖሚ ስብራትን መጠገን የሚያስችል መሰረት የተጣለበት ተግባር አከናውኗል።

ፓርቲው ሀገሪቱ ከነበረችበት ችግሮች እንድትወጣ በሙሉ አቅሙ በመስራት በፖለቲካ፣ ማህበራዊና ኢኮኖሚያዊ መስኮች ድል እያስመዘገበ ይገኛል ብለዋል።

በፈተናዎችና ጫናዎች ተስፋ ሳንቆርጥ መላው ህዝቡንና አባላቱን በማሰባሰብ ድል አስመዝግበናል ያሉት ርዕሰ መስተዳድሩ÷ኮንፍረንሱ ያሉትን ችግሮች በመለየት ቀጣይ አቅጣጫ ያስቀምጣል ነው ያሉት።

በቀጣይ ሁለት ዓመታት ተኩል የማህበራዊና ኢኮኖሚያዊ የልማት ዕቅዶችን በአግባቡ በመለየት በጥራትና በፍጥነት መፈፀም እንደሚገባ አስገንዝበዋል።

ብልሹ አሰራር፣ ሌብነትና ህገ-ወጥ ተግባራትን በማረምና ስርዓት በማስያዝ የብልጽግና ጉዞን በአንድነት ለማሳካት ርብርብ እንደሚደረግ መግለጻቸውንም ኢዜአ ዘግቧል፡፡

መጋቢት 20 ቀን 2016 ዓ.ም

Source: Link to the Post

Leave a Reply