ቦርዱ ከፓለቲካ ፓርቲዎች ጋር ውይይት እያካሄደ ነው

ቦርዱ ከፓለቲካ ፓርቲዎች ጋር ውይይት እያካሄደ ነው

አዲስ አበባ፣ ሚያዚያ 6፣ 2013(ኤፍ ቢ ሲ) የኢትዮጵያ ብሄራዊ ምርጫ ቦርድ ከፓለቲካ ፓርቲዎች ጋር ውይይት እያካሄደ ነው።

የቦርዱ ሰብሳቢ ወይዘሪት ብርቱካን ሚዴቅሳ በተገኙበት እየተካሄደ በሚገኘው ውይይት የፓለቲካ ፓርቲዎች እየተሳተፉ ይገኛሉ።

በውይይቱ የምርጫ ሂደቱ የእስካሁን ጉዞና በሂደቱ ያጋጠሙ ሁኔታዎች ትኩረት ተደርጎባቸዋል።

በዋናነትም ቦርዱ የመራጮች ምዝገባ ሂደት ጋር በተገናኘ ያለውን አጠቃላይ ሁኔታ እና ያጋጠሙ ችግሮችን አቅርቧል።

ለምዝገባው አስፈላጊ የሆኑ ቁሳቁሶች ማጓጓዝ ጋር በተገናኘ የገጠሙ ችግሮችን ለመፍታት ቦርዱ የሰራቸውን ስራዎችንም አቅርቧል።

በ674 የምርጫ ክልሎችና 50 ሺህ የምርጫ ጣቢያዎች ቁሳቁሶቹን ለማሰራጨት መሰራቱ ተገልጿል።

ለዚህም መርከብና አውሮፕላንን ጨምሮ ሌሎች አማራጮችንም መጠቀሙን ገልጿል።

የቦርድ ሰብሳቢዋ ከትራንስፓርት ችግር በተጨማሪ ሌሎች እንቅፋት የነበሩ ተግዳሮቶችን ጠቅሰዋል።

በዚህም የልዩ ምርጫ ጣቢያዎች (ማለትም ተፈናቃዬች የሚገኙባቸውና ወታደራዊ መኖሪያዎች አካባቢ) ማደራጀት መዘግየት፣ በየተለያዩ አካባቢዎች ያሉ የጸጥታ ችግሮች፣ የተጣበበ የምርጫ ጊዜ ሰሌዳ ዋና ዋና ችግሮች መሆናቸውን ጠቅሰዋል።

የቦርዱ ሰብሳቢ በጸጥታ ችግር ምክንያት የመራጮች ምዝገባ የዘገየባቸው እና ያልተጀመረባቸው አካባቢዎችንም ይፋ አድርገዋል።

በሀብታሙ ተ/ስላሴ

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን

 

The post ቦርዱ ከፓለቲካ ፓርቲዎች ጋር ውይይት እያካሄደ ነው appeared first on Welcome to Fana Broadcasting Corporate S.C.

Source: Link to the Post

Leave a Reply