You are currently viewing ተቀዳሚ ሙፍቲ ሐጂ ዑመር እድሪስ ሕዝብን ከሕዝብ የሚያጋጩ አካላት ከድርጊታቸው እንዲቆጠቡ አሳሰቡ።  አማራ ሚዲያ ማዕከል/አሚማ   ሚያዝያ 20 ቀን 2014 ዓ.ም         አዲስ አበባ ሸ…

ተቀዳሚ ሙፍቲ ሐጂ ዑመር እድሪስ ሕዝብን ከሕዝብ የሚያጋጩ አካላት ከድርጊታቸው እንዲቆጠቡ አሳሰቡ። አማራ ሚዲያ ማዕከል/አሚማ ሚያዝያ 20 ቀን 2014 ዓ.ም አዲስ አበባ ሸ…

ተቀዳሚ ሙፍቲ ሐጂ ዑመር እድሪስ ሕዝብን ከሕዝብ የሚያጋጩ አካላት ከድርጊታቸው እንዲቆጠቡ አሳሰቡ። አማራ ሚዲያ ማዕከል/አሚማ ሚያዝያ 20 ቀን 2014 ዓ.ም አዲስ አበባ ሸዋ ሕዝብን ከሕዝብ የሚያጋጩ አካላት ከድርጊታቸው መቆጠብ እንዳለባቸው የኢትዮጵያ እስልምና ጉዳዮች ጠቅላይ ምክር ቤት ፕሬዚዳንት ተቀዳሚ ሙፍቲ ሐጂ ዑመር እድሪስ አሳስበዋል። በጎንደር ከሰሞኑ የተከሰተው ግጭት አሳዛኝና የትኛውንም ሃይማኖት የማይወክል እንደሆነም ገልጸዋል። ለሕዝቡ ቅርብ የሆኑና ተሰሚነት ያላቸው አካላት ግጭት አባባሽ መልእክቶችን በማሰራጨት እልቂት እንዲፈጠር እየሠሩ እንደሚገኙ አመልክተው፤ ሕዝቡ የተነገረው ሁሉ አምኖ መቀበል እንደሌለበትና መርምሮ ሊያረጋግጥ እንደሚገባ አስረድተዋል። በጎንደር የተፈጠረውን ክስተት ከነግጭት ጠንሳሹ ለማጣራት ኮሚቴ አቋቁሞ እንደሚልክም ጠቅላይ ምክርቤቱ አስታውቋል። በጥፋተኞች ላይ በአፋጣኝ እርምጃ መወሰድ እንዳለበትም ተቀዳሚ ሙፍቲህ ሃጅ ኡመር እድሪስ ጠይቀዋል። ፕሬዚዳንቱ እንዳሉት ሰው ከዳር እስከዳር ውሸት እየዋሸ አስቸግሯል፤ ውሸት ለማንም አይጠቅምም፤ አላህ ውሸት የዋሸ፣ የከዳ ለይቅረታም ለጀነትም አይሆንም ብሏል። እርስ በርሳችሁ ተዋደዱ አንጂ ተጎዳዱ አይልም ነው ያሉት። የሚቋቋመው አጣሪ ኮሚቴ ማን ክስተቱን እንደፈጠረ እንደሚያጣራ ገልጸዋል። ቤተክርስቲያን ተቃጠለ፣ መስጂድ ተቃጠለ፣ መፈናቀል ተከሰተ ምን አተረፍን? ትርፍ የምናገኘው ከልማት፣ ከመከባርና ከመተዛዘን ነው ብለዋል። የአማራ ክልል መንግሥት በጥፋተኞች ላይ አፋጣኝ እርምጃ መውሰድ እንዳለበትም አስገንዝበዋል። ሁሉም ሰው ይሄ ነገር ለምን መጣ ብሎ መጠየቅ አለበት ያሉት ፕሬዝደንቱ እኛ ኢትዮጵያ ውስጥ ሙስሊሙ ቤተክርስቲያን ሢሠራ፣ ክርስቲያኑ መስጅድ ሲሠራ ነው የምናውቀው ይሄ የተበላሸ ሃሳብ አይጠቅምም፤ ኢትዮጵያ የሁላችንም ሀገር ናት ሲሉ ተቀዳሚ ሙፍቲህ መልእክት አስተላልፈዋል ሲል አሚኮ ዘግቧል።

Source: Link to the Post

Leave a Reply