You are currently viewing ታምራት ነገራ ዳግም ከሀገር እንደተሰደደ ታወቀ የአማራ ሚዲያ ማእከል ህዳር 15 2015 አ/ም አዲስ አበባ የተራራ ኔትዎርክ ሚድያ መስራች እና ማኔጂንግ ኤዲተር ታምራት ነገራ እና የሚድያው…

ታምራት ነገራ ዳግም ከሀገር እንደተሰደደ ታወቀ የአማራ ሚዲያ ማእከል ህዳር 15 2015 አ/ም አዲስ አበባ የተራራ ኔትዎርክ ሚድያ መስራች እና ማኔጂንግ ኤዲተር ታምራት ነገራ እና የሚድያው…

ታምራት ነገራ ዳግም ከሀገር እንደተሰደደ ታወቀ የአማራ ሚዲያ ማእከል ህዳር 15 2015 አ/ም አዲስ አበባ የተራራ ኔትዎርክ ሚድያ መስራች እና ማኔጂንግ ኤዲተር ታምራት ነገራ እና የሚድያው ስራ አስኪያጅ ከሆነችው ባለቤቱ ሰላም በላይ ጋር ከኢትዮጵያ መሰደዳቸውን አዲስ ዘይቤ ከምንጬ አረጋገጥኩ ብላለች። ታምራትና ባለቤቱ ከሀገር የተሰደዱት ሰኞ፣ ኅዳር 12 ቀን 2015 ዓ.ም. መሆኑን ለማወቅ ተችሏል። አዲስ ዘይቤ ለታምራት ቅርበት ካላቸው ሰዎች መረዳት እንደቻለችው ታምራት ነገራ ከሀገር የወጣበት ምክንያት ከእስር ከተለቀቀ ሰባት ወራት ያስቆጠረ ቢሆንም በመንግስት በኩል እስካሁን ምንም ዓይነት ክስ አለመመስረቱ አልያም የክስ መዝገቡ ባለመዘጋቱ በድጋሚ የመታሰር ስጋት ስለተፈጠረበት እንዲሁም የጋዜጠኝነት ሰራውን በነፃነት መቀጠል ባለመቻሉ ነው። ታምራት ነገራ ታህሳስ 4 ቀን 2014 ዓ.ም. በቁጥጥር ስር ከዋለ በኋላ በመጋቢት ወር መጨረሻ ከእስር መለቀቁ የሚታወስ ሲሆን ከምርጫ 2002 በፊት በተመሳሳይ ሁኔታ ከአዲስ ነገር ጋዜጣ ጋር በተያያዘ ለስደት ተዳርጎ ነበር። ባለፈው ዓመት ከ118 ቀናት እስር በኋላ የተለቀቀው ታምራት ነገራ ከስደት ወደ ኢትዮጵያ የተመለሰው ጠቅላይ ሚኒስትር አቢይ አህመድ ወደ ስልጣን በመጡበት እና የሚዲያ ነፃነትን ለማሻሻል በወሰዱት እርምጃ ምክንያት ነበር። ምንጭ አዲስ ዘይቤ

Source: Link to the Post

Leave a Reply