You are currently viewing ታዲዎስ ታንቱ ባቀረቡት የክስ መቃወሚያ ላይ ከሳሽ የፌዴራል ጠቅላይ ዐቃቤ ሕግ አስተያየት እንዲሰጥበት ለነሐሴ 11 ቀን ተለዋጭ ቀጠሮ ተሰጠ፤ ሁለተኛ ተከሳሽ ጋዜጠኛ ጌጥዬ ያለው በሌለበት ጉ…

ታዲዎስ ታንቱ ባቀረቡት የክስ መቃወሚያ ላይ ከሳሽ የፌዴራል ጠቅላይ ዐቃቤ ሕግ አስተያየት እንዲሰጥበት ለነሐሴ 11 ቀን ተለዋጭ ቀጠሮ ተሰጠ፤ ሁለተኛ ተከሳሽ ጋዜጠኛ ጌጥዬ ያለው በሌለበት ጉ…

ታዲዎስ ታንቱ ባቀረቡት የክስ መቃወሚያ ላይ ከሳሽ የፌዴራል ጠቅላይ ዐቃቤ ሕግ አስተያየት እንዲሰጥበት ለነሐሴ 11 ቀን ተለዋጭ ቀጠሮ ተሰጠ፤ ሁለተኛ ተከሳሽ ጋዜጠኛ ጌጥዬ ያለው በሌለበት ጉዳዩ እንዲታይ ዐቃቤ ሕግ ጠይቋል። አማራ ሚዲያ ማዕከል/አሚማ ነሃሴ 2 ቀን 2014 ዓ.ም አዲስ አበባ ሸዋ ጋዜጠኛ እና የታሪክ ጸሀፊ ታዲዎስ ታንቱ ባቀረቡት የክስ መቃወሚያ ላይ ከሳሽ የፌዴራል ጠቅላይ ዐቃቤ ሕግ አስተያየት እንዲሰጥበት ለነሐሴ 11 ቀን 2014 ዓ.ም. ተለዋጭ ቀጠሮ መስጠቱ ታውቋል። ሁለተኛ ተከሳሽ ጋዜጠኛ ጌጥዬ ያለው ደግሞ በሌለበት ጉዳዩ እንዲታይ የፌደራል ጠቅላይ ዐቃቤ ሕግ ጠይቋል። በአምስት ተደራራቢ የሽብር ክሶች ተከሰው በእስር ላይ የሚገኙት አዛውንቱ ጋዜጠኛ ታዲዎስ ታንቱ ሰኞ ነሐሴ 2 ቀን 2014 ዓ.ም. የፌዴራሉ ከፍተኛ ፍርድ ቤት ልደታ ምድብ 3ኛ የጸረ ሽብርና ሕገ መንግሥታዊ ጉዳዮች ወንጀል ችሎት ቀርበዋል፤ የክስ መቃወሚያቸውንም አቅርበዋል። ባቀረቡት የክስ መቃወሚያ ላይ ከሳሽ የፌዴራል ጠቅላይ ዐቃቤ ሕግ አስተያየት እንዲሰጥበት ለነሐሴ 11 ቀን 2014 ዓ.ም. ተለዋጭ ቀጠሮ መሰጠቱንም ጠበቃቸው አቶ አዲሱ ጌታነህ ተናግረዋል። በተያያዘ 2ተኛ ተከሳሽ ጋዜጠኛ ጌጥዬ ያለው በሌለበት ጉዳዩ እንዲታይ ከሳሽ ዐቃቢ ህግ መጠየቁን ተከትሎ በጉዳዩ ላይ ብይን ለመስጠት ፍርድ ቤቱ የፌዴራል ፖሊስ በተከሳሹ የእደና ሁኔታ ላይ በቀጣዩ ቀጠሮ ተጨማሪ ማብራሪያ እንዲያቀርብ ትዕዛዝ ሰጥቷል። ከዚህ ቀደም ፖሊስ ጌጥዬ ያለውን በአድራሻው ፈልጎ እንዳጣው መግለጹ እና በተገኘበት ሁሉ አድኖ እንዲያቀርብ በድጋሜ መታዘዙ ይታወሳል። ጋዜጠኛ ታዲዎስ ታንቱ በግፍ ከታሰሩ የፊታችን ነሐሴ 10 ቀን 2014 ዓ.ም. ሦስት ወር እንደሚሆናቸው ለአሚማ የደረሰው መረጃ ያመለክታል።

Source: Link to the Post

Leave a Reply