You are currently viewing ትምህርት ሚኒስቴር የሕዝብን ጥያቄ የመመለስ ኃላፊነት አለበት! ባህርዳር:- መጋቢት 08/2014 ዓ.ም                 አሻራ ሚዲያ የ12ኛ ክፍል ተማሪዎች ፈተና ውጤት ጉዳይ እንዲሁ…

ትምህርት ሚኒስቴር የሕዝብን ጥያቄ የመመለስ ኃላፊነት አለበት! ባህርዳር:- መጋቢት 08/2014 ዓ.ም አሻራ ሚዲያ የ12ኛ ክፍል ተማሪዎች ፈተና ውጤት ጉዳይ እንዲሁ…

ትምህርት ሚኒስቴር የሕዝብን ጥያቄ የመመለስ ኃላፊነት አለበት! ባህርዳር:- መጋቢት 08/2014 ዓ.ም አሻራ ሚዲያ የ12ኛ ክፍል ተማሪዎች ፈተና ውጤት ጉዳይ እንዲሁ «ተራ ስህተት» ተደርጎ የሚወሰድ ብቻ ነው የሚል እምነት የለኝም። በአስተራረሙ ላይ ጥርጣሬ ያደረባቸው ተማሪዎች በራሳቸው ጥረት ውጤታቸውን ለማስተካከል የሄዱበትን አደንቃለሁ። ጉዳዩ ግን በጥቅሉ መሰረታዊ ችግር ያለበት ስለሆነ ግለሰቦች በተናጠል በሚያደርጉት መፍጨርጨር ብቻ እጅግ ግዙፍ የሆነውን ስህተት ከሥሩ የሚያርመው አይሆንም። ከወላጆችና ተማሪዎች ከተለያዩ አካባቢዎች በርካታ ቅሬታዎች ደርሰውኛል። የደረሱኝን ቅሬታዎችና ጥቆማዎች በስልክና ልዩ ልዩ መገናኛ ዘዴዎች ጭምር በሕዝብ ተወካዮች ምክርቤት ለሰው ሀብት ልማት፣ ቴክኖሎጂና ሥራ ስምሪት ቋሚ ኮሚቴ አድርሻለሁ። ቋሚ ኮሚቴው ከትምህርት ሚኒስቴር አመራሮች ጋር እየተነጋገረበት ነው። ምናልባትም በመጋቢት ወር ሦስተኛ ሳምንት ሚኒስቴር መስሪያ ቤቱ በሕዝብ ተወካዮች ምክርቤት ሪፖርቱን ሲያቀርብ በጉልህ ከሚነሱበት ጥያቄዎች የመጀመሪያው የ12ኛ ክፍል ተፈታኞች አስተራረምና የዩኒቨርሲቲ መግቢያ መቁረጫ ነጥብ ጉዳይ ይሆናል። የተማሪዎች ጉዳይ የግለሰብ አጀንዳ ስላልሆነ፤ በፖለቲካ አስተሳሰብ ልዩነትም የታጠረ ስላልሆነ፤ በተለይ የሕዝብ እንደራሴዎች ለሕዝባቸው ጥብቅና እንዲቆሙ ማስታወስ እፈልጋለሁ። ወቅቱ የመራጭ ተመራጭ ውይይት የሚካሄድበት በመሆኑም ወላጆች፣ ተማሪዎችና መምህራን ለየወረዳችሁ የሕዝብ ተወካዮች ቅሬታዎቻችሁን ብታሳውቁ መልካም ነው። የወጣቶቻችን ተስፋ በተቋማዊ የማስፈፀም አቅም ልምሻ ምክንያት ሲጨልም እጃችንን አጣጥፈን የዳር ተመልካች ልንሆን አንችልም። የኢትዮጵያ ነገ የሚያሳስባችሁ ሁሉ ጉዳዩን ትኩረት እንድትሰጡት ጥሪዬን አቀርባለሁ። በዚሁ አጋጣሚ አጀንዳውን ትኩረት ሰጥታችሁ ጉትጎታ ለምታደርጉ ሁሉ ምስጋናዬን እያቀረብሁ፤ የትምህርት ሚኒስቴር የተሰራውን ስህተት በአግባቡ ማረም እስኪችል ድረስም አዎንታዊ ጫናችሁን አጠናክራችሁ ትቀጥሉ ዘንድ እጠይቃችኋለሁ። Via : Chirstian Tadele ለፈጣንና አዳዲስ መረጃዎች የአይበገሬዎቹ ልሳን:- ቴሌግራም :- https://t.me/asharamedia24 Facebook :- https://www.facebook.com/asharamedia24 youtube :- https://www.youtube.com/channel/UChir2nIy58hlLQRYyHIQeHA

Source: Link to the Post

Leave a Reply