You are currently viewing #ትምህርት_ሚኒስቴር_በፈተና_አሰጣጥ_በኩል_ያመጣውን_ለውጥ_እናደንቃለን፤ #ያልተፈተኑ_ተማሪዎችን_በተመለከተ_ያስተላለፈውን_ውሳኔ_ግን_በድጋሚ_ያጢነው_እንላለን! ጥቅምት 17 ቀን 2015 ዓ.ም…

#ትምህርት_ሚኒስቴር_በፈተና_አሰጣጥ_በኩል_ያመጣውን_ለውጥ_እናደንቃለን፤ #ያልተፈተኑ_ተማሪዎችን_በተመለከተ_ያስተላለፈውን_ውሳኔ_ግን_በድጋሚ_ያጢነው_እንላለን! ጥቅምት 17 ቀን 2015 ዓ.ም…

#ትምህርት_ሚኒስቴር_በፈተና_አሰጣጥ_በኩል_ያመጣውን_ለውጥ_እናደንቃለን፤ #ያልተፈተኑ_ተማሪዎችን_በተመለከተ_ያስተላለፈውን_ውሳኔ_ግን_በድጋሚ_ያጢነው_እንላለን! ጥቅምት 17 ቀን 2015 ዓ.ም አሻራ ሚዲያ ፣ ባህርዳር በወቅታዊ ጉዳይ ላይ ከእናት ፓርቲ የተሰጠ መግለጫ 👇🏾👇🏾👇🏾 የዓለማችን የበለጸጉ ሀገራት የእድገታቸው ምሥጢር የትምህርት ሥርዓታቸው ላይ የሠሩት ተግባር እንደሆነ የዘርፉ ምሁራን ይገልጻሉ። ሀገራችን ኢትዮጵያን ወደ ኋላ ካስቀራትና እስከአሁንም የሀገራችን ቁልፍ ተግዳሮት ሆኖ የቀጠለው የትምህርት ሥርዓታችን የተወሳሰበ ችግር ነው ብለን እናምናለን። ትምህርት ሚኒስቴር ላለፋት አስርት ዓመታት ይስተዋል የነበረውንና እንደነውር ሳይሆን እንደባህል ጭምር እየተቆጠረ የመጣውን የፈተና ሥርቆትና ማጭበርበር ለማስቀረት ተማሪዎች በዩኒቨርስቲዎች እንዲፈተኑ በማድረግ በትምህርት ጥራት ላይ ተጨባጭ ለውጥ ለማምጣት የሄደበትን ርቀትና ጥረት ፓርቲያችን በበጎ ጅምር፣ በአድናቆት ይመለከተዋል። በዚሁ ሂደት ላይ በአማራ ክልል አስራ ኹለት ሺህ ገደማ ተማሪዎች “ፈተና ተሰርቋልና አንፈተንም” በሚሉና ሌሎች ምክንያቶች በወቅቱ ይሰጥ የነበረውን ፈተና ሳይወስዱ ቀርተዋል፡፡ ይህንንም ተከትሎ ትምህርት ሚኒስቴር ጥቅምት 15 ቀን 2015 ዓ.ም በሰጠው መግለጫ ፈተናውን ያልወሰዱ ተማሪዎችን ድጋሚ እንደማይፈትን አሳውቋል። ምንም እንኳን ፈተናውን ላለመውሰዳቸው የተማሪዎቹ ጥፋትና ሓላፊነቱንም ራሳቸው የሚወስዱ ቢሆንም ምን አልባት ክልሉ በአጠቃላይ ከቆየበት ኹኔታ፣ ልጆቹ ያሉበት እድሜ እና መሰል ውዥንብሮች ተጽዕኖ አድርገውባቸው በመሆኑና በጥቂቶች ጥፋት አብዛኞቹ ሰላባ በመሆናቸው የተፈጠረ ችግር ነው ብለን እናምናለን፡፡ ሚኒስቴሩ በአንድ በኩል ለለውጥ የሄደበትን ርቀት የሚያጠለሽበት በመሆኑ፣ በሌላ በኩል እልህ መጋባቱ ከመንግስት ጠባይ የሚጠበቅ ባለመሆኑና የልጆቹን የዓመታት ድካም፣ የወላጅ ጥሪት አሟጦ ማስተማርና የሀገር ሀብት ብክነት ጭምር ግንዛቤ ውስጥ ገብቶ ለዘላለም ከመንገዳቸው ከማሰናከል ይልቅ በቀጣይ የፈተና ጊዜያትና ዓመታት ለሚፈተኑ ተማሪዎች ጭምር ጥብቅ መልዕክት በሚያስተላልፍ መልኩ ተመጣጣኝ ቅጣት በማሳለፍ ድጋሚ ሊፈተኑ የሚችሉበትን እድል እንዲያመቻችላቸው በአጽንዖት እንጠይቃለን። ፈጣሪ ሀገራችን ኢትዮጵያንና ሕዝቧን ይጠብቅ እናት ፓርቲ ጥቅምት ፲፯/፳፻፲፭ ዓ.ም ለፈጣንና አዳዲስ መረጃዎች አሻራ ሚዲያ የአይበገሬዎቹ ልሳን:- Youtube:- https://www.youtube.com/channel/UCPmgFzP2ZPmdGjHxXjigJaw Facebook:- https://www.facebook.com/asharamedia24 ቴሌግራም:- https://t.me/asharamedia24 አዲስ አበባ፣ ኢትዮጵያ

Source: Link to the Post

Leave a Reply