ነሃሴ 12 የታላላቅ መሪዎቻችን የልደት መሆኑን አስመልክቶ በተለያየ ክንውኖች አስበነው እንውላለን ሲል የአማራ ወጣቶች በባህርዳር አስታወቀ ‼️ ነሀሴ 12 የእምዬ ሚኒልክ ፣የእቴጌ ጣይቱ እ…

ነሃሴ 12 የታላላቅ መሪዎቻችን የልደት መሆኑን አስመልክቶ በተለያየ ክንውኖች አስበነው እንውላለን ሲል የአማራ ወጣቶች በባህርዳር አስታወቀ ‼️ ነሀሴ 12 የእምዬ ሚኒልክ ፣የእቴጌ ጣይቱ እና የፊት አውራሪ ገበየሁ ልደት ቀን ነው ። እምዬ ሚኒሊክ ነሃሴ 12 ቀን በ1836 ዓ.ም በአማራ ምድር በሸዋ ክፍለ ሀገር በአንኮበር ተወለዱ ።የአፄ ልብነ ድንግል ልጅ ከሆኑት ከአፄ ያዕቆብ ትውልድ 13ኛ የዘር ሀረግ ይቀመጣሉ ።አያታቸው ሳህለስላሴ የሸዋውን ንጉስ ሐይለመለኮትን ይወልዳሉ ።ሐይለመለኮት ወ/ሮ እጅግአየሁ ያገቡና ልጅ ሚኒሊክ ይወልዳሉ ። ነሃሴ 12 ቀን 1836 ዓ.ም የተወለዱት ልጅ ሚኒሊክ በ11 ዓመታቸው አፄ ቴዎድሮስ ወደ ሸዋ በመጡ ጊዜ ይዘዋቸው ወደ ጎንደር ሄደው ነበር ….. <<ብርሃን ዘ ኢትዮጵያ >> በሚል ቅፅል ስም የሚታወቁት ጣይቱ አባታቸው ደጃዝማች ብጡል ኃይለማሪያም ፤እናታቸው ወ/ሮ የውብዳር ይባላሉ ። የተወለዱት ነሃሴ 12 1832 ዓ.ም ነው ። የጦሩ ጀነራል ገበየሁ ካሳ በቀድሞ አጠራር በሸዋ ግዛት በአንጎለላ ነው የተወለዱት ። ክርስትና የተነሱትም በአፄ ናኦድ ዘመነ መንግስት በተቆረቆረችው የአንጎለላ ኪዳነ ምህረት ቤተ ክርስትያን ነው ። እርሳቸው “በጦርነት ስዋጋ በጥይት ተመትቼ ብወድቅ የተመታሁት ጀርባዬን ከሆነ ስሸሽ ነው አሞራ ይብላኝ እዛው ተውኝ ፤ግንባሬን ከተመታሁ ግን ሃገሬ ቅበሩኝ ” ብለው መናገራቸው ታሪክ መዝግቦታል ። በአድዋ ጦርነት ለተገኘው አኩሪ ድል የአንበሳውን ድርሻ የሚይዙ የጦር መሪ ነበሩ ። የእነዚህን ታላላቅ መሪዎች የልደት ቀን በተለያየ ክንውኖች አስበነው እንውላለን ። ዘላለማዊ ክብርና ሞገስ ደማቅ ታሪክ ሰርተው ፤ አገር ሰርተው ላስረከቡን ቀደምት አማራ አያቶቻችን ‼️ ስቶክሆልም :- ነሀሴ 11/2014 ዓ.ም አሻራ ሚዲያ ለፈጣንና አዳዲስ መረጃዎች የአይበገሬዎቹ ልሳን:- Youtube:- https://www.youtube.com/channel/UCPmgFzP2ZPmdGjHxXjigJaw Facebook:- https://www.facebook.com/asharamedia24 ቴሌግራም:- https://t.me/asharamedia24

Source: Link to the Post

Leave a Reply