ነገ ለተሽከርካሪ ዝግ የሚሆኑ መንገዶች የሀገርን ህልውናን እየተፈታተነ ያለውን ሽብርተኛውን የህወሃት ቡድን ለማውገዝ እና የሀገርን አንድነት ለማስከበር የሚፋለመው…

ነገ ለተሽከርካሪ ዝግ የሚሆኑ መንገዶች

የሀገርን ህልውናን እየተፈታተነ ያለውን ሽብርተኛውን የህወሃት ቡድን ለማውገዝ እና የሀገርን አንድነት ለማስከበር የሚፋለመው የሀገር መከላከያ ሰራዊት እየወሰደ ያለውን እርምጃ ለመደገፍ ነገ በመስቀል አደባባይ ሰላማዊ ሰልፍ ይደረጋል፡፡

ሰልፉ ተጀምሮ እስከሚጠናቀቅ ድረሰ በመስቀል አደባባይ እና በዙሪያው የሚገኙ መንገዶች ለተወሰነ ሰዓት ለተሽከርካሪ ዝግ እንደሚሆኑ የአዲስ አበባ ፖሊስ አስታውቋል፡፡

በዚህም መሰረት፦
• ከቦሌ አየር መንገድ በሚሊኒዬም አዳራሽ ወደ መስቀል አደባባይ የሚወስደው መንገድ ኦሎምፒያ አደባባይ

• ከመገናኛ ወደ መስቀል አደባባይ የሚወስደው መንገድ ቅዱስ ኡራኤል ቤተ ክርስቲያን ላይና ታች

• ከ4ኪሎ በውጭ ጉዳይ ሚ/ር ወደ መስቀል አደባባይ የሚወስደው መንገድ ብሔራዊ ቤተ መንግስት

• በቸርችልር ጎዳና ወደ መስቀል አደባባይ የሚወስደው መንገድ ሐራምቤ ሆቴል

• ከሜክሲኮ አደባባይ ወደ መስቀል አደባባይ የሚወስደው መንገድ ለገሃር መብራት

• ከሜክሲኮ አደባባይ ፣ በሰንጋ ተራ በድሉ ህንፃ ወደ መስቀል አደባባይ የሚወስደው መንገድ ኢትዮጵያ ንግድ ባንክ ዋና መ/ቤት

• ከሳሪስ ፣ በጎተራ ወደ መስቀል አደባባይ የሚወስደው መንገድ ለከባድ ተሽከርካሪዎች አጎና ሲኒማ ለቀላል ተሽከርካሪዎች ደግሞ የቀድሞ አራተኛ ክፍለ ጦር አካባቢ
ነገ ጥቅምት 28 ቀን 2014 ዓ/ም ከሌሊቱ 11 ሰዓት ጀምሮ ለተሽከርካሪ ዝግ እንደሆኑ እና ከዛሬ ምሽት ጀምሮ በመስቀል አደባባይ እና በዙሪያው ባሉ መንገዶች ተሽከርካሪ ለረጅም ሆነ ለአጭር ጊዜ አቁሞ መሄድ የተከለከለ መሆኑን አሽከርካሪዎች ተገንዝበው የተለመደውን ትብብር እንዲያደርጉ የአዲስ አበባ ፖሊስ መልእክቱን አስተላልፏል፡፡

ውድ አድማጮቻችን እና ተከታዮቻችን የኢትዮ ኤፍ ኤም ስርጭቶችን፣ዜናዎችን እና ሌሎች ዝግጅቶችን ለመከታተል ድረ ገጻችንን https://ethiofm107.com/ ይጎብኙ::

ጥቅምት 27 ቀን 2013 ዓ.ም

Source: Link to the Post

Leave a Reply