ኔታንያሁ በጋዛ ጦርነት ምክንያት በቁጥጥር ሥር እንዲውሉ ጥያቄ መቅረቡን አጥብቀው ተቃወሙ

የእስራኤሉ ጠቅላይ ሚኒስትር ቤንያሚን ኔታንያሁ እሳቸውን ጨምሮ የሐማስ መሪዎች በጋዛ ግጭት ፈጽመዋል በተባለው ወንጀል ምክንያት የዓለም አቀፉ የወንጀል ፍርድ ቤት (አይሲሲ) የእስር ትዕዛዝ እንዲወጣባቸው መጠየቁን በቁጣ አውግዘዋል።

ኔታንያሁ “ዲሞክራሲያዊት እስራኤል” “ከጅምላ ገዳዮች” ካሏቸው ጋር እኩል መፈረጇን በመጸየፍ እንደማይቀበሉትም ገልጸዋል።

የኔታንያሁን አስተያየት የዩናይትድ ስቴትስ ፕሬዝዳንት ጆ ባይደን አስተጋብተውታል። በእስራኤል እና በሃማስ መካከል ምንም ዓይነት ተመሳሳይነት የለም ሲሉ አስተያየታቸውን ሰጥተዋል።

ኔታንያሁ እና የመከላከያ ሚኒስትሩ ዮአቭ ጋላንት በጋዛ ለተፈጸሙ የጦር እና በሰው ልጆች ላይ ለተፈጸሙ ወንጀሎች ተጠያቂ ናቸው ብሎ ለማመን የሚበቁ ምክንያቶች አሉ ሲሉ የአይሲሲ ዋና ዓቃቤ ህግ ካሪም ኻን ገልጸዋል።

በጋዛ የሚገኘውን ሐማስን የሚመሩት ያህያ ሲንዋር ላይም ተቋሙ በጦር ወንጀለኞች ምክንያት የእስር ማዘዣ እንዲወጣባቸው ጠይቋል።

እስራኤል እና ዋነኛ አጋሯ ዩናይትድ ስቴትስ እአአ በ2002 የተቋቋመው የአይሲሲ አባል አገራት አይደሉም።

ግንቦት 13 ቀን 2016 ዓ.ም

Facebooktwitterredditpinterestlinkedinmail

Source: Link to the Post

Leave a Reply