You are currently viewing ኖርማል ሳይላይን /Normal saline/ የተባለ መድሃኒት በዳንግላ አጠቃላይ ሆስፒታል የታካሚዎችን ህይወት ቀጠፈ።  አማራ ሚዲያ ማዕከል/አሚማ   ጥቅምት 18 ቀን 2015 ዓ.ም…

ኖርማል ሳይላይን /Normal saline/ የተባለ መድሃኒት በዳንግላ አጠቃላይ ሆስፒታል የታካሚዎችን ህይወት ቀጠፈ። አማራ ሚዲያ ማዕከል/አሚማ ጥቅምት 18 ቀን 2015 ዓ.ም…

ኖርማል ሳይላይን /Normal saline/ የተባለ መድሃኒት በዳንግላ አጠቃላይ ሆስፒታል የታካሚዎችን ህይወት ቀጠፈ። አማራ ሚዲያ ማዕከል/አሚማ ጥቅምት 18 ቀን 2015 ዓ.ም አዲስ አበባ ሸዋ በአማራ ክልል አዊ ብሄረሰብ ዞን የዳንግላ ከተማ የመጀመሪያ ደረጃ ሆስፒታል የኖርማል ሳይላይን /Normal saline/ እና የሪንገር ላክታት /Ringer Lactate/ ፍሉድ የተባሉ ሁለት መድኀኒቶች የሆስፒታሉ ታማሚዎች ላይ ሞትን ጨምሮ ችግሮች እየፈጠሩ መሆኑ ተነግሯል። ሳይላይን (Normal Saline) የተባለ መድሃኒት ለበሽተኞች ሲሰጥ ችግር እየተፈጠረ መሆኑን እና አስካሁን የሶስት ሰው ህይወት በሆስፒታሉ የድንገተኛ ህክምና ክፍል ማለፉን የሆስፒታሉ ዳይሬክተር ጥቅምት 17 በተፃፈ ደብዳቤ ለኢትዮጵያ መድሃኒት አቅራቢ ድርጅት ገልጿዋል። አዲስ ዘይቤ በተመለከተችው ደብዳቤ እንደ ዳንግላ ጠቅላላ ሆስፒታል ሜድካል ዳይሬክተር ገለፃ “የሆስፒታሉ የድንገተኛ ህክምን ክፍል ውስጥ የሶስት ሰዎች ህይወት ማለፉን እና በወላድ ክፍል እና በቀዶ ጥገና ክፍል ውስጥ መድኀኒቱን የወሰዱ ታማሚዎች ላይ ተጨማሪ የጤና እከል ተከስቷል” ብለዋል። በሌላ በኩል የዳንግላ የመጀመሪያ ደረጃ ሆስፒታል ኖርማል ሳይላይን /Normal Saline/ በማሸጊው እና በውስጡ በሚገኘው መድኀኒት ይዘት ልዩነት ያለው በመሆኑ በታካሚዎች ላይ ችግር እየተፈጠረ መሆኑን ለኢትዮጵያ መድሃኒት አቅራቢ ድርጅት በደብዳቤው ገልጿል። ነገር ግን ይህንን ሳይላይን /Normal saline/ የተባለውን እና ሞት አስከተለ የተባለውን መድሃኒት ያመረተው የሚድሮክ ኢንቨስትመንትስ አባል የሆነው ፋርማኪዮር ለኢትዮጵያ መድሃኒት አቅራቢ ድርጅት በጥቅምት 17 ቀን 2015 በፃፈው ደብዳቤ መድሃኒቱ ተጨማሪ ምርምራ እስከሚደረግ መድኀኒቱ ጥቅም ላይ እንዳይውል አሳስቧል። የአማራ ክልል መድሃኒት አቅራቢ ድርጅቱን በጉዳዩ ላይ ምላሽ እንዲሰጥ ያደረገው ጥረት አለመሳካቱን ገልጾ የዘገበው አዲስ ዘይቤ ነው።

Source: Link to the Post

Leave a Reply