You are currently viewing “አሁን በሀገሪቱ ላይ የሰፈነው አገዛዝ የፖለቲካ ንቃት ያለውን የማህበረሰብ ክፍል ሰብስቦ በማሰር ነውሩን ለመደበቅ የሚሞክር ከመሆኑም በላይ የሰብዓዊ መብትን የሚረግጥ ነው”  የአማራ ተማሪዎ…

“አሁን በሀገሪቱ ላይ የሰፈነው አገዛዝ የፖለቲካ ንቃት ያለውን የማህበረሰብ ክፍል ሰብስቦ በማሰር ነውሩን ለመደበቅ የሚሞክር ከመሆኑም በላይ የሰብዓዊ መብትን የሚረግጥ ነው” የአማራ ተማሪዎ…

“አሁን በሀገሪቱ ላይ የሰፈነው አገዛዝ የፖለቲካ ንቃት ያለውን የማህበረሰብ ክፍል ሰብስቦ በማሰር ነውሩን ለመደበቅ የሚሞክር ከመሆኑም በላይ የሰብዓዊ መብትን የሚረግጥ ነው” የአማራ ተማሪዎች ማህበር (አተማ) ገለጸ። አማራ ሚዲያ ማዕከል/አሚማ ታህሳስ 12 ቀን 2015 ዓ/ም … አዲስ አበባ ሸዋ “የአገዛዙ አፈና እና መሠወር” በሚል ርዕስ የአማራ ተማሪዎች ማህበር (አተማ) ባጋራው መረጃ ታኅሣሥ 7/2015 ዓ.ም አፈና የተፈጸመባቸው የማህበሩ ሊቀ መንበር እሸቱ ጌትነት እና መታገስ ጸጋ እስከ አሁኑ ሰዓት ድረስ አድራሻቸው አልታወቀም ብሏል። “ፍርድ ቤትም አልቀረቡም፤ ወዳጅ ዘመድ ይሁን ቤተሰብ አልጠየቃቸውም፡፡” ያለው አተማ በአጠቃላይ የት፤ በማን እጅ እና በምን ሁኔታ ላይ እንዳሉ ለማወቅ አልተቻለም ብሏል፡፡ ታኅሣሥ 8/2015 ዓ.ም በባሕር ዳር ዙሪያ ወረዳ የአድማ ብተና ፖሊስ ካምፕ እንደሚገኙ ተረጋግጦ የነበረ ቢሆንም ወዲያውኑ በመኪና ተጭነው ወደ ሰባታሚት አቅጣጫ ወዳልታወቀ ስፍራ ተወስደዋል ሲልም አክሏል፡፡ በመሆኑም ታህሳስ 11/2015 ዓ.ም ለባሕር ዳር ከተማ ወረዳ ፍርድ ቤት አካል ነጻ የማውጣት አቤቱታ ቀርቦ እንደነበር ጠቁሟል። አቤቱታውን ተከትሎም ለባሕር ዳር ከተማ አድማ ብተና ፖሊስ ብርጌድ መጥሪያ የተጻፈለት ቢሆንም ተቋሙ የፍርድ ቤቱን መጥሪያ ለመቀበል ፈቃደኛ ሳይሆን ቀርቷል ነው ያለው፡፡ የክልሉ ፖሊስ ኮሚሽንም ስለተባሉት ሰዎች መረጃ የለኝም የሚል ምላሽ ስለመስጠቱ ነው አተማ የጠቆመው፡፡ ይህም ሥርዓቱ የፍትሕ ተቋማትን የሚንቅ ፍጹም አምባገነን መሆኑን የሚያሳይ ስለመሆኑ ነው ማህበሩ የገለጸው፡፡ አገማ በመጨረሻም “አሁን በሀገሪቱ ላይ የሰፈነው አገዛዝ የፖለቲካ ንቃት ያለውን የማህበረሰብ ክፍል ሰብስቦ በማሰር ነውሩን ለመደበቅ የሚሞክር ከመሆኑም በላይ የሰብዓዊ መብትን የሚረግጥ እና ከፍርድ ቤት ትእዛዝ ይልቅ የፖሊስ ፍላጎት ሥርዓት ያነበረ ሆኗል” ሲል ነው አጠቃላይ ሂደቱን የገለጸው፡፡

Source: Link to the Post

Leave a Reply