You are currently viewing አማራ ህዝብ ላይ የዘር ማጥፋት ወንጀል የፈጸሙ አካላትን ለዓለም አቀፍ የወንጀለኞች -ፍርድ ቤት ለማቅረብ የፊርማ ማሰባሰቢያ መርሐ -ግብር ተጀመረ። አማራ ሚዲያ ማዕከል/አሚማ    ታህሳስ 6…

አማራ ህዝብ ላይ የዘር ማጥፋት ወንጀል የፈጸሙ አካላትን ለዓለም አቀፍ የወንጀለኞች -ፍርድ ቤት ለማቅረብ የፊርማ ማሰባሰቢያ መርሐ -ግብር ተጀመረ። አማራ ሚዲያ ማዕከል/አሚማ ታህሳስ 6…

አማራ ህዝብ ላይ የዘር ማጥፋት ወንጀል የፈጸሙ አካላትን ለዓለም አቀፍ የወንጀለኞች -ፍርድ ቤት ለማቅረብ የፊርማ ማሰባሰቢያ መርሐ -ግብር ተጀመረ። አማራ ሚዲያ ማዕከል/አሚማ ታህሳስ 6 ቀን 2015 ዓ/ም አዲስ አበባ ሸዋ “የእሱ ቤት ሲንኳኳ ከእኛ ቤት ይሰማል” በማለት ወንጀለኞች ለአለም አቀፍ ፍርድ ቤት ለማቅረብ ለጀመርነው ዘመቻ ሁሉም ኢትዮጵያዊያን ከጎናችን እንድትቆሙ የአማራ ህዝባዊ ማህበራት ፎረም ጥሪ ያቀርባል፡፡ ከ2010 ዓ.ም እስከ 2015 ዓ.ም በቤንሻጉል ጉምዝ ካማሸ ፤ መተከል፣ አሶሳ ዞን፣ በኦሮሚያ ክልላዊ መንግስት ወለጋ ፤አርሲ ዞን ፤ ባሌ፤ ኢልባቡር፤ ጅማ፤ ዝዋይ ኢቲያ፤ በደቡብ ክልላዊ መንግስት እና በአሸባሪው የትግራይ ወራሪ ሐይል አማካኝነት ማንነትን መሰረት ያደረገ የአማራ ተወላጆችን የማጽዳት የዘር ማጥፋት ወንጀል ላይ በቀጥታም ሆነ በተዘዋዋሪ የተሳተፉ አካላትን ዘሄግ በሚገኘው አለም አቀፉ የወንጀለኞች ፍርድ ቤት ለመክሰስ የፊርማ ማሰባሰብ ዘመቻ ከታህሳስ 6/2015 ዓ.ም ጀምሮ በአማራ ህዝባዊ ማህበራት ፎረም አማካኝነት ተጀምሯል፡፡ በፎረሙ አስተባባሪነት የተጀመረው የዲጅታል የፊርማ ማሰባሰብ ዘመቻ፣ኦነግ ሸኔ፤ የጉምዝ አማጺ ሐይል፤ የአገው ሸንጎ፤ የቅማንት ቡድን፤ የትግራይ ወራሪ ሐይልና ሌሎች የመንግስት ባለስልጣናትን ለፈጸሙት ኢ-ሰብዓዊ የወንጀል ድርጊት በአለም አቀፉ ፍርድ ቤት አቅርቦ የማስቀጣት ግብ እንዳለው እናሳውቃለን። ግቡን ለማሳካት ቢያንስ የሁለት ሚሊዮን ሰዎች ፊርማ ማሰባሰብ እንደሚጠበቅብን በማሳሰብ ለዚህ ታሪካዊ ሰውን የማዳን ዘመቻ ግንባር ቀደም ተሳታፊ እንድትሆኑ በማሳሰብ ጭምር ነው፡፡ በመሆኑም መላው በሀገር ውስጥና በውጭ ሀገር የምትኖሩ:_ 1) ኢትዮጵያዊያን፣ 2) የተፎካካሪ ፓርቲ ድርጅቶች መሪዎችና አባላት፣ 3) ምሁራን፣ 4) ታዋቂ ግለሰቦች፣ 5) አርቲስቶች፣ 6) ማህበራዊ አንቂዎች፣ 7)ጋዜጠኞች፣ 😎 የሲቪል ማህበረሰብ ድርጅቶች፣ 9) የሰብዓዊ መብት ተሟጋቾች፣ 10) የህግ ባለሙያዎች፣ 11) የሚዲያ አካላት፣ 12) የተለያዩ አደረጃጀቶች ለዚህ ታላቅ ወገን የመታደግና ወንጀለኛን ለፍርድ የማቅረብ ታሪካዊ ስራ በጋራ አብራችሁን እንድትሰሩ እንጠይቃለን። በእያላችሁበት አካባቢና በምትሰሩበት ቦታ የድጅታል የፊርማ ማሰባሰብ ስራውን በበጎ ፈቃደኝነት ለማስተባበር የምትፈልጉ ወይም በአጋርነት መስራት የምትፈልጉ አካላት እና የፎረም አባል ማህበራት ለዚህ ስራ ብቻ በሚያገለግለው አድራሻችን እንድታሳውቁን ከታላቅ አክብሮት ጋር እናሳውቃለን ብሏል። የድጅታል የፊርማ አሰጣጥ አጭር መግለጫ እንደሚከተለው ቀርቧል፡፡ ቻናሉን በመቀላቀል ( join ) በማድረግ ለፍርድ እንዲቀርቡ እፈልጋለሁ የሚለውን መጠይቅ ይጫኑ (click) ያድርጉ፡፡ እናመሰግናለን!! ኢሜል፤[email protected] በስ/ቁ 09-07-04-30-20 ደውለው ሙሉ መረጃ ማግኘት ይችላሉ፡፡ ከመግለጫ ያለፈ የተግባር ስራ ለመስራት እንበርታ! እናብር! እንተባበር!

Source: Link to the Post

Leave a Reply