You are currently viewing አማራ ሚዲያ ማዕከል (አሚማ) ለመላው የክርስትና እምነት ተከታዮች እንኳን ለገና በዓል አደረሳችሁ ይላል! አማራ ሚዲያ ማዕከል/አሚማ  ታህሳስ 28 ቀን 2014 ዓ.ም       አዲስ አበባ ሸ…

አማራ ሚዲያ ማዕከል (አሚማ) ለመላው የክርስትና እምነት ተከታዮች እንኳን ለገና በዓል አደረሳችሁ ይላል! አማራ ሚዲያ ማዕከል/አሚማ ታህሳስ 28 ቀን 2014 ዓ.ም አዲስ አበባ ሸ…

አማራ ሚዲያ ማዕከል (አሚማ) ለመላው የክርስትና እምነት ተከታዮች እንኳን ለገና በዓል አደረሳችሁ ይላል! አማራ ሚዲያ ማዕከል/አሚማ ታህሳስ 28 ቀን 2014 ዓ.ም አዲስ አበባ ሸዋ አማራ ሚዲያ ማዕከል (አሚማ) ለመላው የክርስትና እምነት ተከታዮች እንኳን ለገና በዓል አደረሳችሁ ይላል። በዓሉ በመተሳሰብ፣ በመደጋገፍ፣ በመናበብ እና በመከባበር በአብሮነት መንፈስ ለለውጥ የምታደርጉት ትግል ተጨባጭ ውጤት የምታዩበት ያደርግላችሁ ዘንድ መልካሙን ሁሉ ይመኛል። አዎ ለውጥ ስለፈለግን ብቻ አይመጣም፤ ስለታገልን እንጅ። የምንፈልገውን ለውጥ የምናመጣው ደግሞ እኛው ነን፤ ባለቤቶቹም እኛው ነን። በመሆኑም ሀገራችን ኢትዮጵያ ከአሸባሪዎች የጸዳች ትሆን ዘንድ ሁሉም የድርሻውን መወጣት አለበት። የተፈናቀሉ ወገኖችን መርዳት፣ የሰማዕታት ቤተሰቦችን መደገፍ፣ ጀግኖቻችን ማወቅና የሚገባቸውን ክብር መስጠት ይገባናል። የተሰው ጀግኖችን መዘከር፣ የተሻለ ሁለንተናዊ ለውጥ ይመጣ ዘንድ ታሪካዊ ኃላፊነትን መወጣት፣ መከባበር፣ መቻቻል፣ አብሮነትን ማጠናከርና ከምንም በላይ ሀገር ጠል በሆነ ብልሹ እይታ ለጎበጡት አለመንበርከክ፣ ቀደምቶቻችንን ማስታወስ፣ አርዓያነታቸውን መውሰድ፣ ታሪክን መስራት የምንችልበትን ሁኔታ የመፍጠር ኃላፊነት እንደ ዜጋ በሁላችን እጅ ላይ መሆኑን እንገነዘባለን። በተለያዩ አካባቢዎች በንጹሃን ወገኖቻችን ላይ የሚፈጸመውን የለየለት ግፍ እና በተለይ ደግሞ በአማራ እና በአፋር ህዝብ ላይ የሚደርሰውን የዘር ማጥፋት ወንጀል የበለጠ በተባበረ ክንድ የምናወግዝበት፣ የምንታገልበትና የተሻለ ውጤትም የምናስመዘግብበት ያድርግልን ዘንድ ምኞታችን ነው። መንግስት ላይ የሚታዩ ችግሮችን በግልጽ በመናገር እና በመታገል ጭምር የተሻለ ነገን የምንፈጥርበት ጊዜ እንዲሆን የበለጠ የምንሰራበት መሆን ይኖርበታል። ለኢትዮጵያዊያን ሁሉ በጎውን ሁሉ በመመኘት በድጋሜ ለክርስትና እምነት ተከታዮች በሙሉ እንኳን ለገና በዓል አደረሳችሁ፤ መልካም በዓል ይሁንላችሁ እንላለን! የሀገር ጠሎችን የተመረዘ ወንዝ የማያሻግር እሳቤን እንጠየፈዋለን፤ እንታገለዋለንም! አካባቢያችን ከአሸባሪ እና ከወራሪዎች የደመ ነፍስ ጥቃት ነቅተን እንጠብቃለን! በመጨረሻም አማራ ሚዲያ ማዕከል (አሚማ) በመረጃ የበለጸገ ማህበረሰብ ይኖር ዘንድ አቅሙ በፈቀደ መጠን የሚችለውን ሁሉ ለማድረግ ዝግጁ መሆኑን ይገልጻል።

Source: Link to the Post

Leave a Reply