You are currently viewing አሜሪካ በኤርትራውያን ባለስልጣናት እና ተቋማት ላይ ማዕቀብ ጣለች

አሜሪካ በኤርትራውያን ባለስልጣናት እና ተቋማት ላይ ማዕቀብ ጣለች

አሜሪካ በኢትዮጵያ እየተካሄደ ባለው ጦርነት ምክንያት፤ በኤርትራ አራት ተቋማት እና ሁለት ባለስልጣናት ላይ ማዕቀብ ጣለች። የአሜሪካ ግምጃ ቤት ዛሬ አርብ የወሰደው ይህ እርምጃ፤ “የኢትዮጵያን መረጋጋት እና አንድነትን ላናጋው ቀውስ እና ግጭት አስተዋጽኦ ያበረከቱ ኤርትራውያን ተዋናዮች ላይ ያነጣጠረ“ መሆኑን ይፋ አድርጓል።

በማዕቀቡ ከተካተቱት መካከል የኤርትራ ገዢ ፓርቲ ህዝባዊ ግንባር ለዴሞክራሲ እና ለፍትህ (PFDJ) እንዲሁም የኤርትራ መከላከያ ሰራዊት ይገኙበታል። የኤርትራ ብሔራዊ ደህንነት ቢሮ ኃላፊ አብርሃ ካሳ ነማርያም እና የገዢው ፓርቲ የኢኮኖሚ ጉዳዮች አማካሪ ሐጎስ ገብረሕይወት ወልደኪዳንም ማዕቀብ የተጣለባቸው ባለስልጣናት ሆነዋል።

ማኦዕቀብ ከተጣለባቸው የኤርትራ ባለስልጣናት ውስጥ የገዢው ፓርቲ የኢኮኖሚ ጉዳዮች አማካሪ ሐጎስ ገብረሕይወት ወልደኪዳን ይገኙበታል

በአሜሪካ ግምጃ ቤት የውጭ ሃብት ቁጥጥር ቢሮ (OFAC) ዛሬ ይፋ በተደረገው መግለጫ መሠረት፤ የኢኮኖሚ ጉዳዮች አማካሪው አቶ ሐጎስ በዋና ስራ አስፈጻሚነት በሚመሩት “ሬድ ሲ ትሬዲንግ ኮርፖሬሽን” [ፎቶ] ላይም የአሜሪካ መንግስት ማዕቀብ ጥሏል። ከ27 አመታት ገደማ በፊት የተመሠረተው እና የገዢው ፓርቲ የንግድ ተቋማትን በበላይነት የሚያስተዳድረው “ህድሪ ትረስት” የተባለው ድርጅትም የማዕቀቡ ሰለባ ሆኗል። ሁለቱ ተቋማት በአሜሪካ የሚገኝ ጥሪታቸውን ከማንቀሳቀስ እንደታገዱ የውጭ ሃብት ቁጥጥር ቢሮ አስታውቋል። (ኢትዮጵያ ኢንሳይደር)

The post አሜሪካ በኤርትራውያን ባለስልጣናት እና ተቋማት ላይ ማዕቀብ ጣለች appeared first on Ethiopia Insider.

Source: Link to the Post

Leave a Reply