“አራት አገሮች ለሱዳን” የሰላምና ዴሞክራሲ ጥሪ አቀረቡ

https://gdb.voanews.com/2BF2FCB9-E878-4EA8-A380-C79B16209178_cx0_cy3_cw0_w800_h450.jpg

ዩናይትድ ስቴትስ፣ ሳኡዲ አረብያ፣ የተባበሩት አረብ ኤምሬት እና እንግሊዝ ትናንት ረቡዕ ባወጡት የጋራ መግለጫ እኤአ ጥቅምት 25 የሲቪሉ መንግሥት በወታደራዊ ግልበጣ በተወገደባት አገር   “ዴሞክራሲያዊትና ሰላማዊት ሱዳንን” እንደሚደግፉ አስታውቀዋል፡፡

በዩናይትድ ስቴትስ የውጭ ጉዳይ ሚኒስቴር አማካይነት አራቱ አገራት ለሱዳን ( QUAD for Sudan)  በሚል የወጣው መግለጫ “ በሱዳን ባለው አሳሳቢ ሁኔታ የዓለም አቀፉን ማህበረሰብ ስጋት እንጋራለን፡፡ የሲቪል መር የሽግግር መንግስትና ተቋማት በአስቸኳይ ሙሉ ለሙሉ ወደ ቦታቸው እንዲመለሱም እንጠይቃለን” ብሏል፡፡

አራቱ አገሮች “የአስቸኳይ ጊዜ አዋጁ ተነስቶ በሁሉም የፖለቲካ ድርጅቶች መካከል ንግግር እንዲጀመር ለሱዳን ህዝብ ሰላምና ደህንነት በቅድሚያ እንዲረጋገጥ” ጥሪያቸውን አቅርበዋል፡፡

የሱዳን ወታደራዊ አዛዥ ጀኔራል አቡድል ፈታ አል ቡርሃን፣ ወታደራዊ ግልበጣው የተካሄደው፣ የእርስ በርስ ጦርነቱን ለማስወገድ ነው ማለታቸው ይታወሳል፡፡

ግልበጣው ከተካሄደበት ቀን ጀምሮ  ወታደራዊ መንፈንቀል መንግስቱን የሚቃወሙ፣ የተለያዩ ሰልፎች ሲካሄዱ ቆይተዋል፡፡

ባላፈው ቅዳሜ በተካሄደው ሰልፍ ሶስት ሰዎች  በጸጥታ ኃይሎች መገደላቸውና 38 የሚደርሱት መቁሰላቸውን የሱዳን ዶክተሮች ተናግረዋል፡፡

የዩናይትድ ስቴትስ የምስራቅ አፍሪካ ልዩ ልዑክ፣ ጀፍሪ ፊልትማን፣ ባለፈው ማክሰኞ በሰጡት መግለጫ፣ የሱዳን ወታደሮች በቅዳሜው ሰልፈኞች ላይ የፈጸሙት ተግባር በአገሪቱ ስልጣን ወደ መጋራቱ ስምምነት የመመለስ አስፈላጊነትና እድልን  ከፍ ያደርገዋል ብለዋል፡፡

Source: Link to the Post

Leave a Reply