You are currently viewing አሸባሪውና ወራሪው ትሕነግ በዳባት ወረዳ ጭና ቀበሌ በአማራዎች ላይ የፈፀመውን የጅምላ ፍጅት እንደሚያወግዝ የአፋር ብሄራዊ ክልላዊ መንግስት አስታወቀ፤ ንፁሀን ዜጎችን ዘርን መርጦ ጭፍጨፋ ማ…

አሸባሪውና ወራሪው ትሕነግ በዳባት ወረዳ ጭና ቀበሌ በአማራዎች ላይ የፈፀመውን የጅምላ ፍጅት እንደሚያወግዝ የአፋር ብሄራዊ ክልላዊ መንግስት አስታወቀ፤ ንፁሀን ዜጎችን ዘርን መርጦ ጭፍጨፋ ማ…

አሸባሪውና ወራሪው ትሕነግ በዳባት ወረዳ ጭና ቀበሌ በአማራዎች ላይ የፈፀመውን የጅምላ ፍጅት እንደሚያወግዝ የአፋር ብሄራዊ ክልላዊ መንግስት አስታወቀ፤ ንፁሀን ዜጎችን ዘርን መርጦ ጭፍጨፋ ማካሄድ የአረመኔት እና አውሬነት ጥግ ነው ብሎታል በመግለጫው። አማራ ሚዲያ ማዕከል/አሚማ ጳጉሜ 4 ቀን 2013 ዓ.ም አዲስ አበባ ሸዋ የአፋር ብሄራዊ ክልላዊ መንግስት አሸባሪውና ወራሪው ትሕነግ በሰሜን ጎንደር ዞን በዳባት ወረዳ ጭና ቀበሌ የፈፀመውን የጅምላ ፍጅት አውግዟል። በመግለጫውም በንፁሀን ዜጎች ላይ ዘርን መርጦ ጭፍጨፋ ማካሄድ የአረመኔት እና አውሬነት ጥግ ነው ብሎታል። ሙሉ መግለጫው እንደሚከተለው ቀርቧል:_ ጁንታው በአማራ ክልል ጭና ቀበሌ ባደረሰው የዘር ማጥፋት በተገደሉ ንፁሀን ዜጎች የተሰማንን ሀዘን እንገልፃለን! አሸባሪው የህወሀት ጁንታ ንፁሀንን ማሸበር እና የዘር ማጥፋት ወንጀል መፈፀም ዋና ተግባሩ አድርጎት ካሁን በፊት በአፋር ክልል ጋሊኮማ እና በተለያዩ አካባቢዎች እንዳደረገው በአማራ ክልልም በሰሜን ጎንደር ዞን ዳባት ወረዳ ጭና ቀበሌ በርካታ ንፁሀንን ጨፍጭፏል። ጁንታው በተለያዩ ግንባሮች ሽንፈትን እያስተናገደ መሆኑ የሚታወቅ ቢሆንም ንፁሀን ህፃናት፣ ሽማግሌዎችና ሴቶችን ሰለባ ያደረገ የዘር ማጥፋት በመፈፀም አረመኔያዊነቱን እና ኢ-ሰብአዊነቱን በተደጋጋሚ በተለያዩ ቦታዎች እያሳየ ይገኛል፣ ይሄም በጭና ቀበሌ የተፈፀመው ጭፈጨፋ አንድኛው ነው። በዚህ ጭፍጨፋ ውድ ህይወታቸውን በአሸባሪው ህወሀት ያጡ ንፁሀን ዜጎቻችን ትልቅ ሀዘን ተሰምቶናል፣ ሀዘናቹህ ሀዘናችን ነው። ንፁሀን በምንም አይነት መስፈርት ኢላማ ሊሆኑ አይገባም። ይህ አይነቱ እኩይ ተግባር ለመቃወም እና ለማውገዝ ሰው መሆኑ ብቻ በቂ በመሆኑ በየትኛውም ጫፍ የሚገኝ የሰው ዘር በሙሉ ሊኮንነው ግድ ይላል። ንፁሀን ዜጎችን ዘርን መርጦ ጭፍጨፋ ማካሄድ የአረመኔት እና አውሬነት ጥግ መገለጫው ነው። በመሆኑም ይህን ሰው በላ አውሬ ላንዴና ለመጨረሻ ጊዜ የኢትዮጵያችን ራስ ምታት የማይሆኑበትን ሁኔታ ለመፍጠር ግብአተ መሬታቸው የግድ መፈፀም ስላለበት ሁላችንም ኢትዮጵያውያን ለአንድ አላማ በጋራ በመሰለፍ የጁንታውን አረመኔያዊ እና ኢ-ሰብአዊ አስተሳሰብ መቅበር ግድ ይላል። በመጨረሻም በጭፍጨፋው ህይወታቸውን ላጡ ንፁሀን ዜጎች የተሰማንን ጥልቅ ሀዘን እየገለፅን ለቤተሰቦቻቸው፣ ለአማራ ክልል ህዝብና በጠቅላላ ለመላው ኢትዮጵያውያን መፅናናትን እንመኛለን።

Source: Link to the Post

Leave a Reply