አሸባሪው ህወሓት በአማራ እና በአፋር ክልሎች 3 ሺህ 598 ንፁሃኖችን መግደልን ጨምሮ የተለያዩ የሰብዓዊ መብት ጥሰቶችን ፈጽሟል:: መስከረም 10 ቀን 2015 ዓ.ም (አሻራ ሚዲያ) አሸባሪ…

አሸባሪው ህወሓት በአማራ እና በአፋር ክልሎች 3 ሺህ 598 ንፁሃኖችን መግደልን ጨምሮ የተለያዩ የሰብዓዊ መብት ጥሰቶችን ፈጽሟል:: መስከረም 10 ቀን 2015 ዓ.ም (አሻራ ሚዲያ) አሸባሪው ህወሓት በአማራ እና በአፋር ክልሎች ከሕግ ውጪ 3 ሺህ 598 ንፁሃን ሰዎችን መግደልን ጨምሮ በጦር ወንጀል የሚያስጠይቁ የተለያዩ የሰብዓዊ መብት ጥሰቶችን መፈጸሙ ተጠቆመ። የኢትዮጵያ ሰብአዊ መብት ኮሚሽን እና የተመድ የሰብአዊ መብት ከፍተኛ ኮሚሽነር ጽ/ቤት የጋራ ምርመራ ውጤቶችን ተከትሎ በኢትዮጵያ መንግሥት የተቋቋመው የሚኒስትሮች ግብረ ኃይል የምርመራ እና ክስ ኮሚቴ የተፈጸመውን የሰብዓዊ መብት ጥሰት ሲያጣራ መቆየቱ ይታወቃል። የግብረ ኃይሉ የምርመራ እና ክስ ኮሚቴ በአፋር እና አማራ ክልሎች በሚገኙ ዘጠኝ አካባቢዎች የተፈጸሙ ጥፋቶችን የምርመራ ውጤት የመጀመሪያ ምዕራፍ ሪፖርቱን ረቂቅ አውጥቷል። በዚህም በወልዲያ፣ ላሊበላ፣ ሰቆጣ፣ ጃማ፣ ወረኢሉ፣ ደሴ እና ኮምቦልቻ አካባቢዎች እንዲሁም፣ ሰሜን ሸዋ ዞን፣ ኦሮሞ ብሔረሰብ ዞን እና በአፋር ክልል እ.አ.አ ከመስከረም 15 እስከ ጥር 31/2021 ድረስ የተፈጸሙ የሰብዓዊ መብት ጥሰቶችን አጣርቷል። የምርመራ እና ክስ ኮሚቴው ባደረገው ማጣራት ዓለም አቀፍ የሰብዓዊ ሕግ የጣሱ በጦር ወንጀል የሚያስጠይቁ በርካታ ጥፋቶችን አሸባሪዎቹ ህወሓት እና ሸኔ መፈጸማቸውን ማረጋገጡን ገልጿል። በዚህም ከሕግ ውጪ 3 ሺህ 598 ሰዎች ተገለዋል፣ 1 ሺህ 315 ሰዎች የአካል ጉዳት ደርሶባቸዋል፣ 2 ሺህ 212 ሰዎች የአስገድዶ መድፈር እና ፆታዊ ጥቃት ተፈጽሞባቸዋል እንዲሁም 452 ሰዎች ሰብዓዊ ክብራቸው ተነክቷል ሲል ሪፖርቱ አመላክቷል። ይህ አሰቃቂ የሆነ የሰብዓዊ መብት ጥሰት በአሸባሪዎቹ ህወሓት እና ሸኔ አማካኝነት መፈጸማቸውን ገልጿል። ከሕግ ውጪ የተፈጸመውን ግድያ በተመለከተ ሪፖርቱ እንዳመለከተው በወልዲያ እና አካባቢው ብቻ 1 ሺህ 181 ሰዎች በአሸባሪው ህወሓት ግድያ የተፈጸመባቸው መሆኑን ገልጿል። በሰሜን ሸዋ እና በኦሮሞ ብሔረሰብ ዞኖች አሸባሪዎቹ ህወሓት እና ሸኔ በፈጸሙት ግድያ በሰሜን ሸዋ ዞን 257 ሰዎች እንዲሁም በኦሮሞ ብሔረሰብ 162 ሰዎች ሕይወታቸውን አጥተዋል። በአፋር ክልል ከፍተኛ ጥፋት ያደረሰው አሸባሪው ህወሓት የ263 ሰዎችን ሕይወት መቅጠፉንም ሪፖርቱ ጠቁሟል ሲል ኢዜአ ዘግቧል። ለፈጣንና አዳዲስ መረጃዎች የአይበገሬዎቹ ልሳን:- Youtube:- https://www.youtube.com/channel/UCPmgFzP2ZPmdGjHxXjigJaw Facebook:- https://www.facebook.com/asharamedia24 ቴሌግራም:- https://t.me/asharamedia24

Source: Link to the Post

Leave a Reply