You are currently viewing አሸባሪው ትሕነግ በደቡብ ጎንደር ወረራ በፈጸመበት ወቅት ለጠላት መረጃ በማቀበል እና በመምራት የተጠረጠረን ሰው ገድላችኋል በሚል የተያዙ ወጣቶች ፍ/ቤት እየቀረቡ አለመሆናቸው ተነገረ። አማራ…

አሸባሪው ትሕነግ በደቡብ ጎንደር ወረራ በፈጸመበት ወቅት ለጠላት መረጃ በማቀበል እና በመምራት የተጠረጠረን ሰው ገድላችኋል በሚል የተያዙ ወጣቶች ፍ/ቤት እየቀረቡ አለመሆናቸው ተነገረ። አማራ…

አሸባሪው ትሕነግ በደቡብ ጎንደር ወረራ በፈጸመበት ወቅት ለጠላት መረጃ በማቀበል እና በመምራት የተጠረጠረን ሰው ገድላችኋል በሚል የተያዙ ወጣቶች ፍ/ቤት እየቀረቡ አለመሆናቸው ተነገረ። አማራ ሚዲያ ማዕከል/አሚማ ታህሳስ 18 ቀን 2014 ዓ.ም አዲስ አበባ ሸዋ አሸባሪው ትሕነግ “በአማራ ላይ ሂሳብ አወራርዳለሁ” በሚል በወሎ ከዛም በደቡብ ጎንደር ወረራ በፈጸመበት ወቅት ለጠላት መረጃ በማቀበል እና በመምራት ተጠርጥሯል በሚል አቶ ገብረ ህይወት መኳንንት የተባለን ሰው በነሃሴ 2013 ገድላችኋል በሚል የተያዙ 5 ወጣቶች ፍ/ቤት እየቀረቡ አለመሆናቸው ተነግሯል። ወጣቶቹ ታህሳስ 4 ቀን 2014 ከቀኑ 11 ሰዓት አካባቢ በስማዳ ወረዳ ተይዘው ከዛም ሌሊቱን ወደ ደብረ ታቦር ማ/ቤት እንዲመጡ መደረጉ ተገልጧል። ታህሳስ 5 ቀን 2014 መጀመሪያ ወደ ፖሊስ መምሪያ፣ በመቀጠልም ወደ ወረዳ ፍ/ቤት አቅርበዋቸዋል፤ የ14 ቀን ጊዜ ቀጠሮ ተጠይቆ ችሎቱ 10 ቀን በፈቀደመው መሰረት ታህሳስ 15 ቀን 2014 በቀጠሮአቸው አልቀረቡም። ማ/ቤቱን ለምን ፍ/ቤት እንደማይቀርባቸው ቢጠይቁም ተገቢ ምላሽ እንዳላገኙ ነው መረጃዎች ያመለከቱት። እነዚህ የታሰሩት ወጣቶች የትሕነግ ወራሪ ቡድን እየመከቱና በተጨማሪም የኬላ ጥበቃ ስራ ይሰሩ እንደነበር ምንጮች ለአሚማ ያደረሱት መረጃ አመልክቷል። በደብረ ታቦር ማ/ቤት በእስር ላይ የሚገኙት ተጠርጣሪዎችም:_ 1. አማረ እንደግ 2. ደረጀ ጥላሁን 3. ዳዊት ታሪኩ 4. ሙሉቀን ገዛኸኝ እና 5. ምስጋናው ተሾመ ናቸው። አቶ ገብረ ህይወት ከመገደሉ በፊት በተመሳሳይ እለት በሽጉጥ አንድ ሰው መግደሉና ሌላም ያቆሰለ ስለመሆኑ ተጠቁሟል፤ “መረጃ አሳልፎ ሰጥቷል፤ የባንዳ ስራ ሰርቷል” በሚል ከፍተኛ ቁጣ እንደነበርና በሁኔታው የተበሳጩ አካላት ጥቃቱን ስለመፈጸማቸው ተነግሯል። ተጠርጥሮ ከታሰረ በኋላ ከስማዳ ፖሊስ ጣቢያ ተለቆ ሲጓዝ ተገኝቶ በወቅቱ የወረዳው ባለስልጣናት ወጣቶችን አመስግነው፣ ሰውየው እንዴትና በማን አማካይነት ከእስር ሊወጣ እንደቻለ ተገርመው በድጋሚ ማሰራቸውም ተወስቷል፡፡ ገብረ ህይወት አዳነ በብ/ጄኔራል አሳምነው ጽጌ አስከሬን ላይ ስለመሳለቁና ከወራሪው ህወሃት ጋር ግንኙነት እንደነበረው ብዙዎች ይናገራሉ።

Source: Link to the Post

Leave a Reply