You are currently viewing ”አሸባሪ ኃይሎቹ አመጣጣቸው አገርን ባዶ አድርጎ ለመሄድ ነው”  – አቡነ አትናቴዎስ የደቡብ ወሎ ሃገረስብከት ሊቀጳጳስ እና የቅዱስ ሲኖዶስ አባል። አማራ ሚዲያ ማዕከል/አሚማ  ታህሳስ 15…

”አሸባሪ ኃይሎቹ አመጣጣቸው አገርን ባዶ አድርጎ ለመሄድ ነው” – አቡነ አትናቴዎስ የደቡብ ወሎ ሃገረስብከት ሊቀጳጳስ እና የቅዱስ ሲኖዶስ አባል። አማራ ሚዲያ ማዕከል/አሚማ ታህሳስ 15…

”አሸባሪ ኃይሎቹ አመጣጣቸው አገርን ባዶ አድርጎ ለመሄድ ነው” – አቡነ አትናቴዎስ የደቡብ ወሎ ሃገረስብከት ሊቀጳጳስ እና የቅዱስ ሲኖዶስ አባል። አማራ ሚዲያ ማዕከል/አሚማ ታህሳስ 15 ቀን 2014 ዓ.ም… አዲስ አበባ ሸዋ አባትነት ልጅን አንጾ ለቁምነገር ማብቃት ብቻ ሳይሆን፤ ስለ ልጅ ራስን አሳልፎ መስጠት ነው። በሃይማኖት ደረጃ ሲሆን ደግሞ ከዚህ ከፍ ያለ ኃላፊነትን መወጣት ይጠይቃል። ምዕመናንን ከጥፋት መንገድ መክሮ፣ አስተምሮና ገስጾ ከመመለስ በዘለለ፤ ምዕመናንን ሊጎዳ ከሚችል ማናቸውም ነገር ከፊት ቀድሞ መከላከልን፤ ስለ ሕዝባቸው ሲሉ ዋጋ መክፈልን ይጠይቃል። በዚህ ረገድ የአሸባሪው ሕወሓት ወራሪ ኃይል ወደ አማራ ክልል ሂሳብ አወራርዳለሁ ብሎ ከገባ ጀምሮ በርካታ ንጹሃንን ሲጨፈጭፍ፤ ቤተ እምነቶችን ሲያወድምና አገልጋዮችን ጭምር በግፍ ሲገድል ሰምተናል፤ ተመልክተናልም። ይህን ሁነት ከፊት ሆነው የተጋፈጡ፤ ስለ ሕዝባቸውና ሃይማኖታቸው ከፊት ቀድመው የታገሉ አባቶችንም አሳይቶናል። ከእነዚህ አባቶች መካከል ደግሞ የደቡብ ወሎ ሃገረስብከት ሊቀ ጳጳስ እና የቅዱስ ሲኖዶስ አባል አቡነ አትናቴዎስ አንዱ ናቸው። አቡነ አትናቴዎስ፣ ደሴ በአሸባሪው ቡድን ስትያዝ ለቅዱስ ሲኖዶስ ስብሰባ አዲስ አበባ ነበሩ። ሆኖም ደሴ መያዟን ሲሰሙ ሕዝባቸውን ትተው ስብሰባ ላይ መቀመጥ፤ አዲስ አበባ መቆየት አልተቻላቸውም። አዕምሯቸውም ከህዝባቸው ጎን ሆነው እንዲያጽናኑ አዘዛቸው እና አደረጉት። አቡነ አትናቴዎስ ስለጉዳዩ እንዲህ ሲሉ ያስረዳሉ፤ እነዚህ ኃይሎች ወደ ደሴ መቅረባቸውን ስሰማ አዲስ አበባ ለሲኖዶስ ስብሰባ ነበርኩ። ሆኖም አመጣጣቸው ሰላምን ያዘለ አለመሆኑን፣ ያገኙትን ሁሉ ዝም ብለው የሚያጠፉና የሚያበላሹ መሆኑን ሰማሁ ሲል ኢፕድ ዘግቧል።

Source: Link to the Post

Leave a Reply