You are currently viewing “አብን የሚያካሂደውን የሪፎርም ሂደት ባስቸኳይ ግልፅ፣ አሳታፊ እና ዴሞክራሲያዊ ማድረግ አለበት።” ሲል አቶ የሱፍ ኢብራሂም ገለጸ፤ ራሱ ነፃ ያልሆነ አካል ህዝብን ነፃ ሊያወጣ እንደማይችልም…

“አብን የሚያካሂደውን የሪፎርም ሂደት ባስቸኳይ ግልፅ፣ አሳታፊ እና ዴሞክራሲያዊ ማድረግ አለበት።” ሲል አቶ የሱፍ ኢብራሂም ገለጸ፤ ራሱ ነፃ ያልሆነ አካል ህዝብን ነፃ ሊያወጣ እንደማይችልም…

“አብን የሚያካሂደውን የሪፎርም ሂደት ባስቸኳይ ግልፅ፣ አሳታፊ እና ዴሞክራሲያዊ ማድረግ አለበት።” ሲል አቶ የሱፍ ኢብራሂም ገለጸ፤ ራሱ ነፃ ያልሆነ አካል ህዝብን ነፃ ሊያወጣ እንደማይችልም ጠቁሟል። አማራ ሚዲያ ማዕከል/አሚማ ሀምሌ 18 ቀን 2014 ዓ.ም አዲስ አበባ ሸዋ አቶ የሱፍ ኢብራሂም ወቅታዊ የአብንን ሁኔታ በተመለከተ በሚከተለው መልኩ በይፋዊ የማህበራዊ ትስስር ገጹ አጋርቷል:_ አብን የሚያካሂደውን የሪፎርም ሂደት ባስቸኳይ ግልፅ፣ አሳታፊ እና ዴሞክራሲያዊ ማድረግ አለበት። ይሄን ስንል ግን አብን ማን ነው? የሚል ጥያቄ መነሳቱ አይቀርም። ይህ እንደሁኔታው ስለሚታይ አስቸጋሪ ሊሆን ይችላል። በተለይ ከመነሻው የሪፎርም ጥያቄ ያቀረቡ አባላቱን በመግፋትና በማግለል በምትካቸው ተቀባይ ስብስብ ለመፍጠር የሚደረግ ሙከራ ትክክል አይደለም። ይህ የህዝብ ተቋም ጉዳይ ስለሆነ ልክ እንደግለሰብ ሰርግ የተወሰኑ ባለሟሎች በድብቅ ብቻ መክረው የሚቋጩት ጉዳይ አይሆንም። ይህ የሚቻል ቢሆን ሌላ ዙር ጉባዔ ባልተጠራን ነበር! ለአንድ የፖለቲካ ድርጅት ከፍተኛው አደጋ የሚመጣበት ከሰፊው አባላቱ እና መዋቅሩ በኩል ሳይሆን በሂደት ሁሉንም ነገር ለጊዜያዊ ፍጆታ መቆጣጠር ከሚፈልጉ ፀረ-ዴሞክራሲ cliques በኩል መሆኑን መረዳት ያስፈልጋል። ለማንኛውም ህዝባችን የሚያስፈልገው ንቁ የሆነ አታጋይ ድርጅት እንጂ በህይወትና ሞት መካከል —vegitative state— የሚቆይ ትርጉም አልባ ተቋም አይደለም። በርግጥ አሁንም የምንነጋገረው ስለተቋምና ስለመርኃ ነው። ዋናው ችግር ከፖለቲካ መስመር ጋር የተገናኘ ነው! ሌላ ማጣቀሻ ሊቀርብ አይችልም። በዚህ ጉዳይ ላይ ብይን የማይሰጥ ኃይል ተከፋፍሎ ከመፈራረጅ ያለፈ ስራ ሊያከናውን አይችልም! አሁን ችግሩን በቀላሉ በውስጥ ለመፍታት ብንሞክርም አልተቻለም። ይህ እንዳይጋለጥ ጭምር የሚታትሩት ግን ፍላጎታቸው ምንድን ነው? እሽ፣ ችግሩ ሳይፈታና ብልሽቱ ተባብሶ ሲቀጥል እኛም እንዳላየና እንዳልሰማ ዝም ብለን እንለፈው? በዋናነት ያጋጠመን ችግር Bully tricks የሚባለው አይነት ነው! በመጀመሪያ ደረጃ ራሱ ነፃ ያልሆነ አካል ህዝብን ነፃ ሊያወጣ አይችልም! የግለሰቦችን ስም የማንሳት ፍላጎት የለኝም። ሆኖም እንደህልም በመሰለው መፍታት የሚፈልግ ካለ ችግሩ የራሱ ይሆናል! በዝርዝር እንመለስበታለን! ሲል መልዕክቱን አስተላልፏል።

Source: Link to the Post

Leave a Reply