You are currently viewing አትሌት ጎይትቶም ገብረ ሥላሴ የአቦሸማኔ ጥበቃ የክብር አምባሳደር በመሆን ተሰየመች፡፡

አትሌት ጎይትቶም ገብረ ሥላሴ የአቦሸማኔ ጥበቃ የክብር አምባሳደር በመሆን ተሰየመች፡፡

በመጥፋት ላይ የሚገኘውን አቦሸማኔን ለመጠበቅ እንዲሁም በጋራ ለመስራት አትሌቷ ከኢትዮጵያ የዱር እንስሳና ጥበቃ ባለስልጣን ጋር ተፈራርማለች፡፡

የኢፌድሪ ቱሪዝም ሚንስትር ናሲሴ ጫሊ አቦሸማኔ በከፍተኛ ስጋት ውስጥ ነው፣ እናም በፍጥነት ወደ መጥፋት እያመራ በመሆኑ ሊጠበቅ እንደሚገባ ገልፀዋል።

ሚኒስትሯ ጨምረውም ይህንን በመጥፋት ላይ የሚገኘውን አቦሸማኔን ለመታደግ ህብረተሰቡ ላይ ግንዛቤ መፍጠር እንሚገባ አንስተዋል።

የኢትዮጵያ የዱር እንስሳት ጥበቃ ባለስልጣን ዋና ዳይሬክተር አቶ ኩመራ ዋቅጅራ በበኩላቸው አቦሸማኔ በአብዛኞቹ የኢትዮጵያ አካባቢዎች ቢገኝም በበርካታ ሠው ሠራሽና እና የተፈጥሮ ችግሮች ምክንያት ቁጥሩ ከጊዜ ወደ ጊዜ እየተመናመነ መጥቶ የመጥፋት አደጋ ውስጥ ያሉ የዱር እንስሳት ዝርዝር ውስጥ መካተቱን አንስተዋል፡፡

በኢትዮጵያ የመጥፋት አደጋ ውስጥ የሚገኙ የዱር እንስሳትን ህልውና ለመታደግ እንደ ጎይትቶም ገ/ሥላሴ ያሉ በዓለምን አሸንፈው አገራቸውን በክብር ያስጠሩ አትሌቶች ሚና የጎላ መሆኑን በመግለፅ እንደ ጓይትቶም ሁሉ ተግባሩን ደግፈው ከጎኑ እንዲቆሙ ጥሪ አቅርበዋል።

በለዓለም አሰፋ

ጥር 29 ቀን 2016 ዓ.ም

Facebooktwitterredditpinterestlinkedinmail

Source: Link to the Post

Leave a Reply