You are currently viewing አቶ ታዬ ደንደኣ በኦሮሚያ ጨፌ አጀንዳ ለማስያዝ እድል ቢሰጣቸውም መናገር እንዳልቻሉ ገለጹ  ሰ.ሜሪካ :- ሐምሌ 14/2014 ዓ.ም                    አሻራ ሚዲያ የሰላም ሚኒስቴ…

አቶ ታዬ ደንደኣ በኦሮሚያ ጨፌ አጀንዳ ለማስያዝ እድል ቢሰጣቸውም መናገር እንዳልቻሉ ገለጹ ሰ.ሜሪካ :- ሐምሌ 14/2014 ዓ.ም አሻራ ሚዲያ የሰላም ሚኒስቴ…

አቶ ታዬ ደንደኣ በኦሮሚያ ጨፌ አጀንዳ ለማስያዝ እድል ቢሰጣቸውም መናገር እንዳልቻሉ ገለጹ ሰ.ሜሪካ :- ሐምሌ 14/2014 ዓ.ም አሻራ ሚዲያ የሰላም ሚኒስቴር ሚኒስትር ዲኤታ እና የኦሮሚያ ብልጽግና አባሉ አቶ ታዬ ደንደኣ፤ ትላንት ረቡዕ ሐምሌ 13፣ 2014 በነበረው የኦሮሚያ ጨፌ ጉባኤ ላይ አጀንዳ ለማስያዝ እድል ቢሰጣቸውም መናገር እንዳልቻሉ ገልጸዋል፡፡ አቶ ታዬ ይህንኑ በፌስቡክ ገጻቸው ላይ ባሰፈሩት ማስታወሻ ላይ አመልክተዋል፡፡ በጉባኤው ላይ በአጀንዳነት ሁለት አጀንዳዎች እንዲያዝላቸው እቅድ እንደነበራቸው ያመለከቱት አቶ ታዬ፤ ከአጀንዳዎቹ መካከል ያሽቆለቆለውን የክልሉን ጸጥታ ሁኔታ እና መልካም አስተዳደር ሁኔታን መምራት ያልቻሉ አመራሮች በክልሉ ሕገ መንግሥት አንቀጽ 12(2) እና አንቀጽ 49(3) መሠረት የመተማመኛ ድምጽ ተነፍጓቸው በሕግ እንዲጠየቁ የሚል እንደሚገኝበት ጠቅሰዋል፡፡ ሚኒስትር ዲኤታው እድሉ ቢሰጣቸውም ለምን መናገር እንዳልቻሉ ሲጠቅሱ፤ ዕድሉ ከተሰጠኝ በኋላ ተናጋሪው ማይክራፎኑን አጥፍቶ ድምፁን ዘጋው ብለዋል፡፡ ይህን ተከትሎም ‹‹በቃ እድሉን መጠቀም አልተቻለም›› መባላቸውንም አንስተዋል፡፡ አቶ ታዬ አያይዘውም ማይክሮፎኑ እየታወቀ ወይም በድንገት ይዘጋ ‹‹ፈጣሪ ይወቀው›› ሲሉ አክለዋል፡፡ አሁን አጀንዳ ለማስያዝ ማይክ እንደተዘጋባቸው ቅሬታ ያቀረቡት አቶ ታዬ ደንደኣ፤ ከክልሉ አመራሮች ጋር የፖለቲካ ልዩነት እንዳላቸው ሲዘገብ ቆይቷል፡፡ በተያዘው ዓመት መስከረም ወር ላይ የክልሉ አዲስ መንግሥት ሲመሠረትም ከነበሩበት የብልጽግና ፓርቲ የኦሮሚያ ሕዝብ ግንኙነት ኃላፊነት ተነስተው ወደ ፌዴራል መንግሥት ሥልጣን መምጣታቸው ይታወቃል፡፡ አቶ ታዬ ደንደኣ ባለፉት ወራት በኦሮሚያ ክልል በንጹሐን ላይ ለተፈጸሙ ጥቃቶች በክል ተጠያቂነት እንዲሰፍን ሲጠይቁ ነበር፡፡ የሰላም ሚኒስቴር ሚኒስትር ዲኤታው በቄለም ወለጋ የተፈጸመውን የንጹሐን ጥቃት ተከትሎ በጻፉት ማስታወሻ፤ ባለፉት ሦስት ዓመታት ኦሮሚያ ክልል ውስጥ የፀጥታ ችግር እንደገነነ ጠቅሰው፤ ከመቼውም ጊዜ በላይ ሕዝብ መከራ ውስጥ ቢሆንም እውነታውን መናገር ሥልጣን ፈላጊ ያስብላል ብለው ነበር፡፡ አቶ ታዬ ደንደኣ በኦሮሚያ ጨፌ ላይ አጀንዳ አስይዤ ማይኩ ተዘግቶብኛል ማለታቸውን ተከትሎ ከሚመለከተው የክልሉ መንግሥት ጋር ተሰጠ ምላሽ የለም፡፡ ለፈጣንና አዳዲስ መረጃዎች የአይበገሬዎቹ ልሳን:- Youtube:- https://www.youtube.com/channel/UCPmgFzP2ZPmdGjHxXjigJaw Facebook:- https://www.facebook.com/asharamedia24 ቴሌግራም:- https://t.me/asharamedia24

Source: Link to the Post

Leave a Reply