አቶ አብነት ገ/መስቀል በተከሰሱበት የሙስና ወንጀል በማረሚያ ቤት ሆነው እንዲከታተሉ ታዘዘ፡፡የፌደራል ከፍተኛ ፍርድ ቤት ልደታ ምድብ 1ኛ የሙስና ወንጀል ችሎት አቶ አብነት ገ/መስቀል የተከ…

https://cdn4.cdn-telegram.org/file/otbde_NNOZYXPU1HJUrIledSjTuZiRRPrUaOfiaEG955-2vVyHuZ5tWMrfYoO_GgxA50vDUswCe--t14iEIYxeP6reUv4xpsfsoPT80cbCeJ6Q-YdWeFRUMtljLwkieunr6o-y0TufslcGJ077LLD_F1wDtiwjqm8qYqzl3LPVgaHqd1jM0peYIfz33xCnRSJS0bS4uuc05CDiyV52lV2uYrrmfhZhWFn-xKgFZk8_x88mStRDYmwWVzJBt3c2Q_jlkKjxMGP1CgEOjcDVG0uVMj8CfC7m-6TLKZ7lXjKvs4KrNsP_Hz4uzR-yrTNrrJVBZWpduReYr9Qk4NN2VMRg.jpg

አቶ አብነት ገ/መስቀል በተከሰሱበት የሙስና ወንጀል በማረሚያ ቤት ሆነው እንዲከታተሉ ታዘዘ፡፡

የፌደራል ከፍተኛ ፍርድ ቤት ልደታ ምድብ 1ኛ የሙስና ወንጀል ችሎት አቶ አብነት ገ/መስቀል የተከሰሱበትን የሙስና ወንጀል በማረሚያ ቤት ሆነው እንዲከታተሉ አዝዟል።

ችሎቱ በአቶ አብነት ጠበቆች በኩል የክስ ዝርዝሩ እንዲሻሻል የቀረቡትን የመጀመሪያ ደረጃ የክስ መቃወሚያና የዐቃቤ ሕግን መልስ መርምሮ ብይን ለመስጠት ለታሣሳስ 2 ቀን 2016 ዓ.ም ተለዋጭ ቀጠሮ መስጠቱም ታውቋል፡፡

የፍትህ ሚኒስቴር የሙስና ጉዳዮች ዳይሬክቶሬት ዐቃቤ ሕግ አቶ አብነት ገ/መስቀልን ጨምሮ በአጠቃላይ በአምስት ግለሰቦች ላይ የሙስና ወንጀል ክስ መመስረቱ ይታወቃል፡፡

በዚህም ዐቃቤ ሕግ አቅርቦት በነበረው ክስ ላይ እንዳመለከተው÷ አቶ አብነት ከሼክ አላሙዲን መሀመድ ጋር የጋራ ንብረታቸው የሆነውን በቂርቆስ ክ/ከተማ ወረዳ 2 የሚገኘውን የ1 ሺህ 971 ካሬ ሜትር ይዞታ ከሌሎች ተከሳሶች ጋር በመመሳጠር ቦታው ላይ ካርታ በማዘጋጀት ይዞታውን በ83 ሚሊየን ብር በመሸጥ ያለአግባብ መብት ተፈጥሮላቸዋል በሚል ነበር በሙስና ወንጀል ክስ ያቀረበው።

በዚህ ክስ የተካተቱ አራት ተከራሾች ግን በችሎት ያልቀረቡ ሲሆን፤ ክሱን በሚመለከት ከጊዜ ቀጠሮ ምርመራ ጀምሮ እስካሁን ድረስ በፌደራል ፖሊስ ጊዜያዊ እስረኛ ማቆያ በእስር ላይ የነበሩት አቶ አብነት የቀረበባቸውን የሙስና ወንጀል ክስ በማረሚያ ቤት ሆነው ጉዳያቸውን እንዲከታተሉ አዝዟል።

ህዳር 20 ቀን 2016 ዓ.ም

Source: Link to the Post

Leave a Reply