You are currently viewing አንገር ጉትን እና አንዶዴ ዲቾ ላይ ተኩስ ከፍተው ጥቃት የፈጸሙ የኦሮሚያ ልዩ ኃይል፣ ኦነግ ሸኔ እና ሌሎች አጋሮቹ ወደ አንገር ጉትን በገባው መከላከያ ሰራዊት ላይ ተኩስ ከፍተው ጉዳት ማድ…

አንገር ጉትን እና አንዶዴ ዲቾ ላይ ተኩስ ከፍተው ጥቃት የፈጸሙ የኦሮሚያ ልዩ ኃይል፣ ኦነግ ሸኔ እና ሌሎች አጋሮቹ ወደ አንገር ጉትን በገባው መከላከያ ሰራዊት ላይ ተኩስ ከፍተው ጉዳት ማድ…

አንገር ጉትን እና አንዶዴ ዲቾ ላይ ተኩስ ከፍተው ጥቃት የፈጸሙ የኦሮሚያ ልዩ ኃይል፣ ኦነግ ሸኔ እና ሌሎች አጋሮቹ ወደ አንገር ጉትን በገባው መከላከያ ሰራዊት ላይ ተኩስ ከፍተው ጉዳት ማድረሳቸው ተሰማ። አማራ ሚዲያ ማዕከል/አሚማ ህዳር 26 ቀን 2015 ዓ/ም አዲስ አበባ ሸዋ ህዳር 24/2015 በምስራቅ ወለጋ ዞን ጊዳ አያና ወረዳ አንገር ጉትን እና አንዶዴ ዲቾ ሻሾ በር/ጠጋጊጊ ከተማ በሚኖሩ አማራዎች ላይ ተኩስ ከፍተው ጥቃት የፈጸሙ የኦሮሚያ ልዩ ኃይል፣ ኦነግ ሸኔ፣ የስርዓት ጋሻ፣ ሽምቅ ተዋጊዎች እና ሌሎች የከባቢ አጋሮቹ ወደ አንገር ጉትን በገባው መከላከያ ሰራዊት ላይ ተኩስ ከፍተው ጉዳት ማድረሳቸው ተሰምቷል። አማራ ሚዲያ ማዕከል (አሚማ) ህዳር 25/2015 ኔት ወርክ ከመዘጋቱ በፊት ንጋት ላይ ያነጋገራቸው የአንገር ጉትን ነዋሪ እንደገለጹት ህዳር 23/2015 ምሽት ላይ መከላከያ ሰራዊት መግባቱን አረጋግጠዋል። ይሁን እንጅ በእለቱ ከግለሰቦች ፎቅ ላይ ሆነው በሰላማዊ አማራዎች ላይ ጭምር በቡድን መሳሪያ በመታገዝ ጥቃት ሲፈጽሙ የነበሩ የኦሮሚያ ልዩ ኃይል አባላት፣ የኦነግ ሸኔ እና ሌሎች አጋር የከባቢ የጸጥታ አካላት አመሻሹን በገባው የመከላከያ ሰራዊት ላይ በመተኮስ ሁለት አባላትን የገደሉ ስለመሆናቸው ተገልጧል። ፎቅ ላይ ሆነው ጠምደው ሲተኩሶ የነበሩ የኦሮሚያ ልዩ ኃይል አባላት ሌሊቱን የወረዱ ቢሆንም ከአንገር ጉትን መዘጋጃ ቤት አካባቢ በመሆን ህዳር 25/2015 ከንጋት ጀምሮም በመከላከያ ሰራዊት ላይ ተኩስ መክፈታቸው ከታማኝ ምንጮች የተገኘው መረጃ አመልክቷል፤ ተጨማሪ ሌሎች ሁለት የመከላከያ ሰራዊት አባላት ስለመገደላቸውም ከነዋሪዎች የተገኘ መረጃ አመልክቷል። መከላከያ ወደ አንገር ጉትን በመግባት ጥቃቱን ለማስቆም የሚያደርገው እንቅስቃሴ ከልዩ ኃይሎቹ ከባድ ፈተና እንደገጠመው ነዋሪዎች እየገለጹ ነው። በተያያዘ ከነቀምት እና ከአምቦ መስመር ከፍተኛ ቁጥር ያለው የኦሮሚያ ልዩ ኃይል ስምሪት በማድረግ እያቀና ስለመሆኑ የአካባቢው ነዋሪዎች እየተናገሩ ነው። አሚማ በአንገር ጉትን ከሰዓት በኋላ ስላለው ሁኔታ ለማወቅ ያደረገው ሙከራ ስልክ ባለመስራቱ ለጊዜው አልተሳካለትም።

Source: Link to the Post

Leave a Reply