You are currently viewing “አዲስ ብድርና ቁጠባ ተቋምን እከሳለሁ” #አስካለ ደምሌ ! ባህርዳር :- የካቲት 24/2014 ዓ.ም                 አሻራ ሚዲያ  በእነ #እስክንድር ነጋ መዝገብ በሀሰት የሽብር ክ…

“አዲስ ብድርና ቁጠባ ተቋምን እከሳለሁ” #አስካለ ደምሌ ! ባህርዳር :- የካቲት 24/2014 ዓ.ም አሻራ ሚዲያ በእነ #እስክንድር ነጋ መዝገብ በሀሰት የሽብር ክ…

“አዲስ ብድርና ቁጠባ ተቋምን እከሳለሁ” #አስካለ ደምሌ ! ባህርዳር :- የካቲት 24/2014 ዓ.ም አሻራ ሚዲያ በእነ #እስክንድር ነጋ መዝገብ በሀሰት የሽብር ክስ ተመስርቶባቸው ከአንድ አመት ከመንፈቅ የግፍ እስር በኋላ ባለፈው ታህሳስ 29 ቀን 2014 ዓ.ም. ከቃሊቲ ወህኒ ቤት የወጡት የባልደራስ ለእውነተኛ ዴሞክራሲ ፓርቲ (ባልደራስ) የሴቶች አደረጃጀት ዘርፍ ሓላፊዋ ወ/ሪት አስካለ ደምሌ ሙያዊ ከገልግሎት በሚሰጡበት መንግሥታዊው አዲስ ብድርና ቁጠባ ተቋም ወከባ እየተፈፀመባቸው መሆኑን ገልፀዋል። በእስር በቆዩባቸው ጊዜያት ተቋሙ መክፈል የሚገባውን የሠራተኝነት ማሕበራዊ ዋስትና አገልግሎት ከልክሏቸዋል። ከሳሽ መንግሥትም ተገቢውን ካሣም ሆነ የማህበራዊ ዋስትና ማረጋገጫ አልሰጣቸውም። በመሆኑም አዲስ ብድርና ቁጠባ ተቋምን በሕግ ለመክሰስ እንቅስቃሴ መጀመራቸውን ወ/ሪት አስካለ ደምሌ ተናግረዋል። ተቋሙ የፖለቲካ አመለካከታቸውን መሰረት ያደረገ መድሎ እና እንግልት እየፈፀመባቸው መሆኑን ይናገራሉ፥ ከእስር በኋላ ወደ ሙያቸው ቢመለሱም ያለ አንዳች ምክንያት ከሥራ ደረጃቸው (ርከን) ዝቅ ተደርገዋል። ከፈቃዳቸው ውጭ፣ ከሕግ እና ከተቋሙ አሠራርም በአፈነገጠ መልኩ በፊት ይሠሩበት ከነበረው የአዲስ ብድርና ቁጠባ ተቋም ቅርንጫፍ ወደ ሌላ ቅርንጫፍ መሥሪያ ቤት ተዘዋውረዋል። ይህም በተቋሙ ውስጥ ምቹ የሥራ ከባቢ እንዳይኖራቸውና በሰቀቀን የተሞላ የሥራ ጊዜን እንዲኖሩ ለማድረግ ያለመ መሆኑን ተናግረዋል። በመሆኑም በእነዚህና በእስር ጊዜያቸው ማግኘት ሲገባቸው ለተከለከሉት የሠራተኝነት የማሕበራዊ ዋስትና አገልግሎት ተቋሙን በፍርድ ቤት ሊከሱ መሆኑን ገልፀዋል። እየደረሰባቸው ያለውን ወከባ እንዲያስቆሙ ለተቋሙ ከፍተኛ አመራሮች የቅሬታ ማመልከቻ ደብዳቤ ቢፅፉም ይህ ዜና እስከተጠናቀረበት ጊዜ ድረስ ምላሽ አልተሰጣቸውም። በዚህ አውድ በሥራ ቦታው ለመቀጠል መቸገራቸውንም ወ/ሪት አስካለ ገልፀዋል። ለፈጣንና አዳዲስ መረጃዎች የአይበገሬዎቹ ልሳን:- ቴሌግራም :- https://t.me/asharamedia24 Facebook :- https://www.facebook.com/asharamedia24 youtube :- https://www.youtube.com/channel/UChir2nIy58hlLQRYyHIQeHA

Source: Link to the Post

Leave a Reply