You are currently viewing አዲስ አበባን በተመለከተ “ወንበርሽ” የተሰኘ አነጋጋሪ ነጠላ ዜማ የለቀቀው ቴዎድሮስ አሰፋ /ቴዲዮ ከአንድ ቀን እስር ቆይታ በኋላ ተፈቷል። አማራ ሚዲያ ማዕከል/አሚማ    ታህሳስ 22 ቀን…

አዲስ አበባን በተመለከተ “ወንበርሽ” የተሰኘ አነጋጋሪ ነጠላ ዜማ የለቀቀው ቴዎድሮስ አሰፋ /ቴዲዮ ከአንድ ቀን እስር ቆይታ በኋላ ተፈቷል። አማራ ሚዲያ ማዕከል/አሚማ ታህሳስ 22 ቀን…

አዲስ አበባን በተመለከተ “ወንበርሽ” የተሰኘ አነጋጋሪ ነጠላ ዜማ የለቀቀው ቴዎድሮስ አሰፋ /ቴዲዮ ከአንድ ቀን እስር ቆይታ በኋላ ተፈቷል። አማራ ሚዲያ ማዕከል/አሚማ ታህሳስ 22 ቀን 2015 ዓ/ም አዲስ አበባ ሸዋ የሙዚቃ ባለሙያ የሆነው ቴዎድሮስ አሰፋ በመድረክ ስሙ ቴዲዮ ታህሳስ 21/2015 ቦሌ ክ/ከተማ ገርጅ አካባቢ ከመኖሪያ ቤቱ በአዲስ አበባ ፖሊሶች ተይዞ ወደ ሶስተኛ ፖሊስ ጣቢያ መወሰዱ ይታወቃል። እስሩን ተከትሎም በሀገር ውስጥ እና ከሀገር ውጭ የሚኖሩ ፍትህ እና ሀገር ወዳድ ወገኖች በከፍተኛ ሁኔታ ድምጻቸውን ማሰማታቸው ይታወሳል። ይህን ተከትሎም ታህሳስ 22/2015 ጠዋት ላይ ከአዲስ አበባ ፖሊስ ኮሚሽን የተላኩ ፖሊሶች በመኖሪያ ቤቱ ላይ ፍተሻ ማድረጋቸው እና ቴዲዮን ለመወንጀል የሚያስችል ምንም ነገር አለማግኘታቸው ታውቋል። በዚህም ታህሳስ 22/2015 ከቀኑ 10:30 አካባቢ ከአዲስ አበባ ፖሊስ ኮሚሽን/ሶስተኛ ፖሊስ ጣቢያ በመታወቂያ ዋስ ከእስር መለቀቁ ታውቋል። ከእስር የተፈታው ቴዲዮም ባስተላለፈው አጭር የቪዲዮ መልዕክት ድምጽ ለሆኑት ኢትዮጵያዊያን ወገኖች በሙሉ ያለውን አክብሮትና ምስጋና አቅርቧል።

Source: Link to the Post

Leave a Reply