You are currently viewing ኢትዮጵያዊው ተማሪ በዓለም አቀፍ የሳይንስ ውድድር አሸናፊው በሕዝብ ድምፅ ከሚለይበት ደረጃ ደረሰ። የአማራ ሚዲያ ማእከል መስከረም 11 2015 ዓ/ም አዲስ አበባ የ18 ዓመቱ ኢትዮጵያዊ አቤ…

ኢትዮጵያዊው ተማሪ በዓለም አቀፍ የሳይንስ ውድድር አሸናፊው በሕዝብ ድምፅ ከሚለይበት ደረጃ ደረሰ። የአማራ ሚዲያ ማእከል መስከረም 11 2015 ዓ/ም አዲስ አበባ የ18 ዓመቱ ኢትዮጵያዊ አቤ…

ኢትዮጵያዊው ተማሪ በዓለም አቀፍ የሳይንስ ውድድር አሸናፊው በሕዝብ ድምፅ ከሚለይበት ደረጃ ደረሰ። የአማራ ሚዲያ ማእከል መስከረም 11 2015 ዓ/ም አዲስ አበባ የ18 ዓመቱ ኢትዮጵያዊ አቤል አሰፋ በዓለም አቀፍ የሳይንስ ውድድር ለግማሽ ፍጻሜ ውድድር ከተለዩት ምርጥ 30 ተወዳዳሪዎች ውስጥ ተካተተ። ‘ብሬክስሩ’ [Breakthrough] የተሰኘ ግብረ ሰናይ ድርጅት የሚያዘጋጀው ይህ ውድድር፣ በየዓመቱ የሚካሄድ ሲሆን፣ በዚህ የፈረንጆች ዓመት 2 ሺህ 400 ተወዳዳሪዎች ለመሳተፍ አመልክተው ነበር። ውድድሩ ውስብስብ እና ጥልቅ የሆኑ የሳይንስ፣ የሒሳብ እና የፊዚክስ ጽንሰ ሐሳቦችን ምንም የሳይንስ እውቀት የሌላቸው ሰዎች በቀላሉ ሊረዱት በሚችሉት መልኩ በ90 ሰከንድ ቪዲዮ ማቅረብ ነው። ‘ብሬክስሩ’ ወጣት ተማሪዎች ጥልቅ እና ውስብስብ የሆኑ ሳይንሳዊ ጽንሰ ሐሳቦችን አሳታፊ እና ተጨባጭ በሆነ መልኩ በቪዲዮ እንዲያቀርቡ ያበረታታል። አቤል፣ በዚህ ውድድር ላይ የድምፅ ሞገድ ጽንሰ ሐሳብ ላይ ትኩረት ያደረገ ቪዲዮ ነው ለውድድር ያቀረበው። አቤል የድምፅ ሞገድ ጽንሰ ሐሳብ ላይ ትኩረት ያደረገ ቪዲዮው በዚህ ሊንክ https://www.youtube.com/watch?v=PzTAhCHoIMQ ይገኛል። https://fb.watch/fDQKULZAxN/ ደግሞ የፌስቡክ ሊንኩ ነው። ሳይንሱ ‘ኖይዝ ካንስሌሽን’ ይባላል፤ በከባቢ ያሉ ተደርበው የሚገቡ ድምፆችን እንዴት ማጥፋት እንደሚቻል የሚያስረዳ ነው። ይህንን ቪዲዮ ጨምሮ በዙሩ የተመረጡት ቪዲዮዎች በድርጅቱ የፌስቡክ ገጽ እና የዩቲዩብ ቻናል ላይ የተጫኑ ሲሆን ሕዝብ ድምፅ እንዲሰጥባቸው ቀርበዋል። ቪዲዮው በፌስቡክ እና በዩቲዩብ ከፍተኛ የሕዝብ ድምፅ (ብዙ ላይክ) ያገኘለት ተወዳዳሪም ወደ ምርጥ 15 ተፎካካሪነት ይገባል። ለዚህ ዙር የድምፅ አሰጣጥ ሂደቱ እስከ ሰኞ መስከረም 09/2014 ዓ.ም ድረስ የሚቀጥል ሲሆን በቀጣዩ ቀንም ወደ ምርጥ 15ቱ ውስጥ የተካተቱ ሥራዎች ይፋ ይሆናሉ ተብሎ ይጠበቃል። እነዚህ ሒደቶችን አልፎ በመጨረሻ አሸናፊ የሚሆነው ተወዳዳሪ፣ የ250 ሺህ ዶላር የትምህርት ዕድል ሽልማት የሚያገኝ ሲሆን፣ አሸናፊ/አሸናፊዋ ተማሪን ለፈጠራ ሥራ ያነሳሳ የሳይንስ መምህር/መምህርት ደግሞ የ50 ሺህ ዶላር ሽልማት እንዲሁም አሸናፊው ትምህርት ቤት የ100 ሺህ ዶላር ሽልማት ይበረከትላቸዋል። ብርቱ ፉክክር ባለበት በዚህ ውድድር ከምርጥ 30ዎቹ ውስጥ መግባት የቻለው አቤል፣ የውድድሩ አሸናፊ ሊሆን ይችላል በሚል ተስፋ ተጥሎበታል። አዲስ አበባ ውስጥ የተወለደው አቤል ከቤተሰቦቹ ጋር ወደ አየርላንድ የተጓዘው የ11 ወር ሕፃን ሳለ ቢሆንም ለሀገሩ ኢትዮጵያ ያለው ፍቅር ከፍተኛ እንደሆነ ቢቢሲ ዘግቧል። ምንጭ አሚኮ

Source: Link to the Post

Leave a Reply