ኢትዮጵያ ለኢትዮ ሱዳን የድንበር ልዩነት ጦርነት መፍትሄ አይደለም ብላ ታምናለች ሲሉ አምባሳደር ዲና ሙፍቲ ተናገሩ። አማራ ሚዲያ ማዕከል/አሚማ ታህሳስ 27 ቀን 2013 ዓ.ም         አ…

ኢትዮጵያ ለኢትዮ ሱዳን የድንበር ልዩነት ጦርነት መፍትሄ አይደለም ብላ ታምናለች ሲሉ አምባሳደር ዲና ሙፍቲ ተናገሩ። አማራ ሚዲያ ማዕከል/አሚማ ታህሳስ 27 ቀን 2013 ዓ.ም አ…

ኢትዮጵያ ለኢትዮ ሱዳን የድንበር ልዩነት ጦርነት መፍትሄ አይደለም ብላ ታምናለች ሲሉ አምባሳደር ዲና ሙፍቲ ተናገሩ። አማራ ሚዲያ ማዕከል/አሚማ ታህሳስ 27 ቀን 2013 ዓ.ም አዲስ አበባ ሸዋ የኢትዮጵያ የውጭ ጉዳይ ሚኒስትር ቃል አቀባይ አምባሳደር ዲና ሙፍቲ ዛሬ ታህሳስ 27 ቀን 2013 ሳምንታዊ ጋዜጣዊ መግለጫ ሰጥተዋል። በመግለጫቸውም ከኢትዮጵያ እና ሱዳን ድንበር ጋር በተያያዘ ያለውን ጉዳይ የሚከታተል የድንበር ኮሚሽን እና ባለሙያዎች መኖራቸውን ተናግረዋል፡፡ አሁን ላይ ኢትዮጵያ ሃገራቱ ወደነበሩበት ውይይት እንመለስ የሚል አቋም እንዳላት ያነሱት ቃል አቀባዩ ኢትዮጵያ ጦርነት ለድንበር ልዩነቱ መፍትሄ አይደለም ብላ ታምናለችም። ሆኖም የድንበር ሉዓላዊነቷን ለማሥከበር ጠንካራ ስራዎችን ታከናውናለች ብለዋል ቃል አቀባዩ። አምባሳደር ዲና አያይዘው በመግለጫቸው ለአንድ ወር ተቋርጦ የነበረው የህዳሴ ግድብ የሶስትዮሽ ውይይት ተጠናክሮ መቀጠሉን አንስተው በወቅቱ የአፍሪካ ህብረት ሊመቀንበር በደቡብ አፍሪካው ፕሬዚዳንት ሲሪል ራማፎሳ የተሰየሙ ባለሙያዎች ባቀረቧቸው ሰነዶች ላይ ውይይት እየተካሄደ እንደሚገኝም ጠቁመዋል። ባለፈው እሁድ በነበረው የሶስትዮሽ ውይይት መቋጫ ላይ በቀረበው ሰነድ ላይ ኢትዮጵያና ሱዳን ሲስማሙ ግብፅ አልተስማማችም ብለዋል። እሁድ በነበረው ውይይት ላይ ሀገራቱ እስከአሁን የነበሯቸውን ልዩነቶች እና ስምምነቶች ባለሙያዎች እንዲያቀርቡ በሚል ውይይቱ ቢቋጭም በትናንትናው ዕለት ሱዳን ባለመገኘቷ ውይይቱ አለመካሄዱንና ጉዳዩን በተመለከተም ለሰብሳቢዎቹ ሪፖርት መደረጉን አስረድተዋል። ዛሬን ጨምሮ በቀጣይ ቀናት ሱዳን በውይይቱ ላይ ለምን እንዳልተገኘች መልስ ትሰጣለች ተብሎ እየተጠበቀ መሆኑንም አምባሳደሩ አስታውቀዋል። ነገር ግን በህዳሴ ግድብ ዙሪያ የሚካሄደው የሶስትዮሽ ውይይት አሁንም ይቀጥላል ነው ያሉት አምባሳደር ዲና በሳምንታዊ መግለጫቸው። ኢትዮጵያ ችግሩ በሰላም መንገድ እንዲፈታ በሚል ከፍተኛ ጥረት እያደረገች መሆኗ ቢገለፅም በሱዳን በኩል ግን የመግፋት ሁኔታ እንዳለ እየተስተዋለ ነው። በተለይም በምዕራብ ጎንደር ዞን በመተማ፣በቋራ እና በምዕራብ አርማጭሆ በኩል በባለሀብቶችና አርሶ አደሮች ላይ ሳይቀር የሱዳን ጦር ዲሽቃ በመተኮስና ሉአላዊነትን በመድፈር እየተስፋፋ ስለመሆኑ ነው እየደረሱን ያሉ መረጃዎች የሚያመለክቱት።

Source: Link to the Post

Leave a Reply