ኢትዮጵያ መጎብኘት ካለባቸው 5 ምርጥ የዓለማችን የቱሪዝም መዳረሻዎች መካከል አንዷ ስለመሆኗ ተገልጧል። አማራ ሚዲያ ማዕከል/አሚማ ጥር 2 ቀን 2015 ዓ/ም አዲስ አበ…

ኢትዮጵያ መጎብኘት ካለባቸው 5 ምርጥ የዓለማችን የቱሪዝም መዳረሻዎች መካከል አንዷ ስለመሆኗ ተገልጧል። አማራ ሚዲያ ማዕከል/አሚማ ጥር 2 ቀን 2015 ዓ/ም አዲስ አበባ ሸዋ ናሽናል ጂኦግራፊ መጎብኘት አለባቸው ካላቸው የዓለማችን አምሥት ምርጥ የቱሪዝም መዳረሻዎች መካከል ኢትዮጵያን አካቷል፡፡ ናሽናል ጂኦግራፊ – ብሪታኒያ የፈረንጆቹን 2023 አዲስ ዓመት ዕትምን ይዞ ወጥቷል፡፡ በሰሜን ኢትዮጵያ አፋር ውስጥ ዳሎልን አካሎ የሚገኘው የደናክል አካባቢ በቀዳሚነት የቱሪስቶችን ቀልብ ይገዛል ተብሎ በዲጂታል ዕትሙ ተጠቁሟል፡፡ የደናክል አካባቢ የምድራችን ደረቁ ፣ እጅግ ሞቃታማው እና ረባዳማው አካባቢ እንደመሆኑ ፈተና እና ጀብዱ የሚወዱ ቱሪስቶች ሳይጎበኙት እንዳያልፉም በመረጃው አስታውሷል፡፡ አካባቢው በውስጡ ጨዋማ ወንዞችን ፣ ቢጫ ቀለም ያላቸው አሲዳማ እና እንፋሎታማ ምንጮችን እንደ ጅረት የሚፈሱ እሳተ-ገሞራዎችን እንደያዘም ጠቅሷል፡፡ ናሽናል ጂኦግራፊ -ብሪታኒያ በተለይ በጎንደር እና በላሊበላ አካባቢ በኦርቶዶክስ አማኞቸ ዘንድ በደመቀ ሥነ-ሥርዓት የሚከበሩት የጥምቀት እና የገና በዓላት ምርጥ የቱሪስት መስኅቦች መሆናቸውን አንስቷል፡፡ በ17ኛው ክፍለ-ዘመን እንደተገነባ የሚነገርለት የጎንደር ቤተ መንግስ እንዲሁም የላሊበላ ውቅር አቢያተ-ክርስቲያናትም መጎብኘት አለባቸው ብሏል-በመረጃው፡፡ በተጨማሪም በተጠቀሱት አካባቢዎች የሚደረጉት ሃይማኖታዊ ጉዞዎች ምግቦች ፣ መጠጦች እና ባሕላዊ ጭፈራዎች ሌላ የቱሪስቶችን ዕይታ የሚስቡ ትዕይንቶች መሆናቸውንም ዘርዝሯል፡፡ ቱሪስቶች የአስደናቂ መልክዓ-ምድሮች እና የበርካታ ጎሳዎች መገኛ የሆነውን እስከ ኦሞ ሸለቆ የሚዘልቀው ደቡባዊ ክፍል ያለውን አካባቢ እንዲጎበኙም ተጠቁሟል፡፡ ዘገባው የኤፍቢሲ ነው።

Source: Link to the Post

Leave a Reply