”ኢትዮጵያ በህዳሴው ግድብ ምክንያት የተፈጠሩ 70 ደሴቶችን መጠቀም ትችላለች”:- ጠቅላይ ሚኒስትር ዐቢይ አህመድ

ጠቅላይ ሚኒስትሩ የታላቁ ህዳሴ ግድብን ሦስተኛ ዙር ውሃ ሙሌት መጠናቀቅ አብስረዋል

አርብ ነሐሴ 6 ቀን 2014 (አዲስ ማለዳ) ኢትዮጵያ የታላቁ ህዳሴ ግድብ ካበረከታቸው 70 በላይ ደሴቶች መጠቀም እንደምትችል ጠቅላይ ሚኒስትር ዶክተር ዐቢይ አህመድ ተናገሩ።

ጠቅላይ ሚኒስትሩ በዛሬው ዕለት የታላቁ ህዳሴ ግድብን ሦስተኛ ዙር ውሃ ሙሌት ማጠናቀቂያ አብስረዋል።

የሦስተኛውን ዙር የውሃ ሙሌት ባበሰሩበት ወቅት እንዳሉት፤ በህዳሴው ግድብ ምክንያት 70 ደሴቶች ተፈጥረዋል።

ከ40 በላይ የሚሆኑት ደሴቶች እያንዳንዳቸው ከ10 ሄክታር በላይ ቦታ የያዙ መሆናቸውን ገልጸዋል።

ከ800 ሄክታር እሰከ 2000 ሄክታር በላይ ደሴት መኖሩን ጠቅሰው፣ ዝቅተኛው ደሴት 5 ሄክታር የሚይዝ ነው ብለዋል።

እያንዳንዱ ደሴት ላይ ሪዞርቶች ቢገነቡና ውሃ ላይ የሚደረጉ ጨዋታዎች ቢካተቱ የሚኖረውን የቱሪስት መስህብ አንስተዋል።

“በማንኛውም ግዜ ጎብኚዎች በዚህ ሥፍራ መተው ሊዝናኑ ሊያዩ ግዜያቸውን በደስታ ሊያሳልፉ የሚያስችል ከፍተኛ ብቃት አለው” ሲሉም መናገራቸውን ኢዜአ ዘግቧል።

“አባይ የኛ የፈጠራ ውጤት አይደለም አባይ የፈጣሪ ስጦታ ነው የፈጣሪን ስጦታ በአግባቡ እንድንጠቀምበት በአግባቡ እንድንገለገልበት ታስቦ የተሰጠን ነው” ሲሉም ጠቅላይ ሚኒስትር ዐቢይ ተናግረዋል።

Source: Link to the Post

Leave a Reply