ኢትዮጵያ በፓሪስ እየተካሄደ ባለው የዩኔስኮ የትምህርት ቅድመ-ጉባኤ ላይ እየተሳተፈች ነው

ዕረቡ ሰኔ 22 ቀን 2014 (አዲስ ማለዳ) ኢትዮጵያ በፓሪስ እየተካሄደ ባለው የተመድ የትምህርት፣ ሳይንስ እና ባህል ድርጅት (ዩኔስኮ) የትምህር ቅድመ-ጉባኤ ላይ እየተሳተፈች ትገኛለች።

በከፍተኛ ባለሥልጣናት ደረጃ በሚደረገው በዚህ ጉባኤ ላይ ፕሬዚዳንት ሳህለወርቅ ዘውዴ ኢትዮጵያን በመወከል ተገኝተዋል።

ፕሬዚዳንቷ በጉባኤው ላይ ባደረጉት ንግግር፤ ትምህርት የዜጎችን ኹለንተናዊ አቅም የመለወጥ ሚናው የጎላ መሆኑን አንስተው፣ ለዓለም አቀፍ ዜግነት፣ ለሰላም እና ለኹሉን አቀፍ ማኅበረሰብ የሚያበረክተውን አስተዋፅኦ ከፍ ለማድረግ ትምህርትን የበለጠ ማሻሻል አስፈላጊ ነው ብለዋል።

ፕሬዚዳንት ሳህለወርቅ ዘውዴ የዓለም የትምህርት የወደፊት እጣ ፈንታ ላይ ጥናት እንዲያደርግ በዩኔስኮ የተቋቋመው ዓለም አቀፍ ኮሚሽን ሊቀመንበር ናቸው።

በዚህ ጉባኤ ላይም የ154 አገራት የትምህርት ሚኒስትሮች እየተሳተፉ ይገኛሉ።

ቅድመ-ጉባኤው የፊታችን መስከረም ወር በኒውዮርክ ለሚካሄደው የትምህርት ማሻሻል ጉባኤ አስፈላጊውን ዝግጅት ለማድርግ ያለመ መሆኑ መገለፁን ፓሪስ ከሚገኘው የፈረንሳይ ኤምባሴ ያገኘነው መረጃ አመላክቷል።

Source: Link to the Post

Leave a Reply