You are currently viewing ኢትዮጵያ የሃምሳ ዓመት የፖለቲካ ታሪክ ቢኖራትም የአራት ዓመቱ አብን ያዙኝ ልቀቁኝ ማለት አብዝቷል! አቶ ታዘበው አሰፋ ባህርዳር:- ግንቦት 01/2014 ዓ.ም                 አሻራ…

ኢትዮጵያ የሃምሳ ዓመት የፖለቲካ ታሪክ ቢኖራትም የአራት ዓመቱ አብን ያዙኝ ልቀቁኝ ማለት አብዝቷል! አቶ ታዘበው አሰፋ ባህርዳር:- ግንቦት 01/2014 ዓ.ም አሻራ…

ኢትዮጵያ የሃምሳ ዓመት የፖለቲካ ታሪክ ቢኖራትም የአራት ዓመቱ አብን ያዙኝ ልቀቁኝ ማለት አብዝቷል! አቶ ታዘበው አሰፋ ባህርዳር:- ግንቦት 01/2014 ዓ.ም አሻራ ሚዲያ እኔ እንደ አንድ የኢህአፓ ታጋይ፣ ድርጅታዊ መርህ እንጂ አካባቢያዊ ቀረቤታም ሆነ ሌላ የቡድን ፍላጎት አያጠቃኝም ብየ አስባለሁ። እንደ ኢህአፓ ከትግራዮ፣ ከኦሮሞው፣ ከጉራጌው፣ ከወላይታው ጋር ተስማምቸ ሰርቻለሁ። እንደ ኢህአፓ መርህአችን ድርጅታዊ እንጂ አካባቢ አልነበረም። ግልገሏ አብን ግን ፣ የመተዳደሪያ ደንብ እና የለውጥ ሀሳብ መተግበር አቅቷት በምርጫ ቦርድ ጉባዔዋ ተሽሮባታል። ጉባዔ ማድረግ ያቃተው ድርጅት የተሻሉ ለሚባሉት ማስጠንቀቂያ እና ማገጃ ሲያወጣ ሳይ አብን በፖለቲካ ምች እንደተመታች ገባኝ። አቶ ክርስቲያን ብዙ ጊዜ በሀሳብ ደረጃ ተቃርኘው አውቃለሁ። ወንድሜ ክርስቲያን የምቃረነው ሀሳብ ስላለው ነው። አሟጋች ስለሆነ ። የሚደመጥ አንደበት ስላለው እና ሀሳቡ ለንግግር በር ከፋች በመሆኑ ነው። የምተቸው አክብሮት ስላለኝ ነው። ካለ ክርስቲያን አብንን ማሰብ የደበዘዘ ስሜት ይሰጠኛል። በአብን ጉዳይ ፖለቲካዊ ስሜቴ ደብዟል። ከገዥው መንግስት በጓሮ በር ወንበር የተጋሩ መርህ የለሾች የተሻለ መርህ ያላቸውን ለማገድ መሞከራቸው ደግሞ የበለጠ አብን እንድታዘበው አድርጎኛል። ህገወጥ ሆኖ ህግ ለማስከበር መንቀሳቀስ፣ ለገዥው መንግስት ገባሪ ሆኖ ተፎፎካሪ ነኝ ማለት፣ በምርጫ ቦርድ ጉባዔው ተሽሮበት ፓርቲ ነኝ ብሎ የተሻሉትን ለማጥፋት መሞከር የለየለት እብደት ነው ካልሆነ ሌላ ምን ሊባል ይችላል?! አብን የህገወጥነት፣ የአድርባይነት፣ የሎሌነት፣ የምቀኝነት እና የመከዳዳት መገለጫ ይሆናል ብየ አስቤ አላውቅም ነበር። ግን ሆነ ። በጣም ያሳዝናል። ለማንኛውም እኔ ውግንናየ ለእውነት በመሆኑ ከወንድሜ ከክርስቲያን ታደለ ጎን ቁሜያለሁ። በስሜት እና በአላዋቂነት የሚነዳ መንጋ ሁሌ በማጨብጨብ መኖር የለበትም። በአብን ጉዳይ ምርጫ ቦርድም፣ የተሻሉ ሰዎችም ጣልቃ ገብተው በእውነት እና በሀቅ ጣልቃ ገብተው አብንን ከሞት እንዲያድኑት ምኞቴ ነው። ለሆድ ተብሎ ወንበር ነካሽ መሆን ነውረኝነት ነው። ለፈጣንና አዳዲስ መረጃዎች የአይበገሬዎቹ ልሳን:- ቴሌግራም :- https://t.me/asharamedia24 Facebook :- https://www.facebook.com/asharamedia24 youtube :- https://www.youtube.com/channel/UChir2nIy58hlLQRYyHIQeHA

Source: Link to the Post

Leave a Reply