ኢትዮጵያ ዴሞክራሲን ለመገንባት በትክክለኛ ጎዳና ላይ ትገኛለች – አምባሳደር ሂሩት ዘመነ

ኢትዮጵያ ዴሞክራሲን ለመገንባት በትክክለኛ ጎዳና ላይ ትገኛለች – አምባሳደር ሂሩት ዘመነ

አዲስ አበባ ፣ህዳር 22 ፣ 2013 (ኤፍ.ቢ.ሲ) በቤልጅየም የኢትዮጵያ አምባሳደር ሂሩት ዘመነ ኢትዮጵያ ዴሞክራሲን ለመገንባት በትክክለኛ መንገድ ላይ መሆኗን ገለጹ።
አምባሳደር ሂሩት በብራሰልስ በተካሄደው ስብሰባ በትግራይ የተካሄደው የህግ ማስከበር ዘመቻ የውስጥ ጉዳይ መሆኑን አመላክተዋል።
ይህም ህገ መንግስታዊ ስርዓቱን እና የሀገር አንድነትና ሉዓላዊነትን የመጠበቅ ጉዳይ መሆኑን በመጥቀስም፥ አሁን ያለው ሁኔታም የፌደራል መንግስት ቁጥጥር ስር መሆኑን አብራርተዋል።
ከህግ ማስከበር እርምጃው ጋር በተያያዘም 40 ሺህ የሚደርሱ ዜጎች ወደ ሱዳን ገብተዋልም ነው ያሉት፡፡
በአካባቢው ያሉትን ንጹሃን ዜጎች ለመርዳት እና ለመጠበቅ መንግስት የሰብአዊ መተላለፊያ መንገድ መክፈቱን ጠቅሰው ይህ ተደራሽነት እየሰፋ እንደሚሄድም አስረድተዋል፡፡
ተልዕኮው ከተጠናቀቀ በኋላም ዜጎችን ወደ ሀገራቸው ለመመለስ ከሱዳን ጋር ውይይት ስለመደረጉም አንስተዋል፡፡
አምባሳደሯ አያይዘውም በኢትዮጵያ ኮቪድ 19፣ ጎርፍ እና በአንዳንድ የሃገሪቱ ክፍሎች በተከሰተው የአንበጣ መንጋ ሳቢያ ሰብዓዊ ችግር እንደነበር ጠቁመዋል ፡፡
መሰል አጋጣሚዎች ሁኔታውን የበለጠ ፈታኝ አድርጎታል ያሉት አምባሳደሯ÷ ዓለም አቀፍ አጋር አካላት ላደረጉት ድጋፍና የአውሮፓ ህብረት በቅርቡ ለስደተኞቹ ድጋፍ ለመስጠት ቃል መግባቱን አስታውሰው ለዚህም ምስጋና አቅርበዋል።
አምባሳደሯ አያይዘውም የኢትዮጵያ ቀዳሚ ትኩረት በልማት እቅዶች እና በዴሞክራሲያዊ ስርዓት ግንባታ የህዝቡን ኑሮ ማሻሻል ነው ብለዋል፡፡
በማብራሪያቸውም የሃገሪቱን አዲሱን የ10 ዓመት የልማት ዕቅድን በተመለከተ ገለጻ አድርገዋል፡፡
ዕቅዱ በስራ ዕድል ፈጠራ፣ በፆታ እኩልነት እና በአረንጓዴ ኢኮኖሚ ላይ ያተኩራልም ነው ያሉት ፡፡
ምንጭ፡-ዘ ብራሰልስ ታይምስ
የዜና ሰዓት ሳይጠብቁ የፋና ብሮድካስቲንግ ኮርፖሬትን ትኩስ እና ሰበር ዜናዎችን በፍጥነት በአጭር የፅሁፍ መልዕክት መልክ በስልክዎ ላይ እንዲደርስዎ ወደ 8111 OK ብለው ይላኩ።

The post ኢትዮጵያ ዴሞክራሲን ለመገንባት በትክክለኛ ጎዳና ላይ ትገኛለች – አምባሳደር ሂሩት ዘመነ appeared first on Welcome to Fana Broadcasting Corporate S.C.

Source: Link to the Post

Leave a Reply