You are currently viewing “እስር ቤት ሆኘ ልጄ እንድታየኝ አልፈልግም” ጋዜጠኛ መዓዛ መሐመድ    ጥር03/2014/አሻራ ሚዲያ /    በባለፈው አንድ ወር አዲስ አበባ ፖሊስ ኮሚሽን 3ኛ ፖሊስ ጣቢያ በእስር ላይ የም…

“እስር ቤት ሆኘ ልጄ እንድታየኝ አልፈልግም” ጋዜጠኛ መዓዛ መሐመድ ጥር03/2014/አሻራ ሚዲያ / በባለፈው አንድ ወር አዲስ አበባ ፖሊስ ኮሚሽን 3ኛ ፖሊስ ጣቢያ በእስር ላይ የም…

“እስር ቤት ሆኘ ልጄ እንድታየኝ አልፈልግም” ጋዜጠኛ መዓዛ መሐመድ ጥር03/2014/አሻራ ሚዲያ / በባለፈው አንድ ወር አዲስ አበባ ፖሊስ ኮሚሽን 3ኛ ፖሊስ ጣቢያ በእስር ላይ የምትገኘውን ጋዜጠኛ መዓዛ መሐመድን የባልደራስ ፕሬዚደንት አቶ እስክንድር ነጋ ዛሬ ጥር 3 ቀን 2014 ዓ.ም ጠይቋታል። ጋዜጠኛ መዓዛ መሐመድ፤ በአንድ አንስተኛ ክፍል ውስጥ እስከ 35 ከሚሆኑ እስረኞች ጋር ታስራ የምትገኝ ሲሆን፤ የታሰረች ሰሞን ለሁለት ጊዜ ያህል መርማሪዎች መጥተው ከማናገራቸው ውጪ እስካሁን ያናገራት አካል የለም። ልጇ እንደናፈቀቻት ነገር ግን በእስር ላይ ሆና ልጇ እሷን ማየቷ” ለህሊናዋ ጥሩ ስለማይሆን እንድታየኝ አልፈለግኩም ፤ እናቴን እያለች እሷም እየጠየቀች ነው” በማለት መዓዛ በጥልቅ ሐዘን ውስጥ ሆና ገልፃለች። የባልደራስ ፕሬዚደንት አቶ እስክንድር ነጋ ጋዜጠኛ መዓዛ መሐመድን “የታሰርሽው በስራሽ ነው” በማለት አይዞሽ ፣ ጋዜጠኛ ታምራት ነገራ እንዲሁም ሌሎች አላግባብ የታሰሩ ፍትሕ እንዲያገኙ የምንችለውን ሁሉ እናደርጋለን ብሏል ። ጋዜጠኛ መዓዛ መሐመድ ለእስክንድር “ከእስር በተፈታህ ማግስት እኔንም ለመጠየቅ መጥተህ መከልከልህን ሰምቻለሁ። ዛሬም መጥተህ አይዞሽ በማለትህ ደስ ብሎኛ፤ እግዚአብሔር ያክብርልኝ” ብላዋለች ። አያይዞም እንደገለጸችው ከእንዲህ አየነቱ አዙሪት የምንወጣው መቼ ይሆን?! የአንተ እስር ሁሌም ያስቆጨኝ ነበር፤ አንተን ጨምሮ አብረው የታሰሩ የግፍ እስረኞች ነበራችሁ። ከገዢው መንግስት የተቃርኖ ሃሳብ ያለውን ፣ ነገር ግን ለሃገሬ የምችለውን ላድርግ ፣ ልናገር የሚለውን እያሳደዱ ማሰር የወያኔን ውድቀት ስለ ማፋጠኑ አሁን ላይ አለን የሚሉ ሹማምንት ካልተማሩበት እዛው አዙሪት ውስጥ መሆናችን ያሳዝነኛል” ብላለች። ለፈጣንና አዳዲስ መረጃዎች የአይበገሬዎቹ ልሳን:- https://www.facebook.com/asharamedia24 ቴሌግራም :- https://t.me/asharamedia24 ዩትዩብ:- https://bit.ly/33XmKro ለፈጣንና አዳዲስ መረጃዎች የአይበገሬዎቹ ልሳን:- https://t.me/asharamedia24 Facebook :- https://www.facebook.com/asharamedia24 ዩትዩብ:- https://bit.ly/33XmKro

Source: Link to the Post

Leave a Reply