You are currently viewing እነ መ/ር ደህናሁን ቤዛ፣ 8 ተጠርጣሪዎች በፌደራሉ ከፍተኛ ፍ/ቤት ቀርበው ለህዳር 23/2015 እንዲቀርቡ በሚል ተለዋጭ ቀጠሮ ተሰጣቸው። አማራ ሚዲያ ማዕከል/አሚማ     ህዳር 14 ቀን 2…

እነ መ/ር ደህናሁን ቤዛ፣ 8 ተጠርጣሪዎች በፌደራሉ ከፍተኛ ፍ/ቤት ቀርበው ለህዳር 23/2015 እንዲቀርቡ በሚል ተለዋጭ ቀጠሮ ተሰጣቸው። አማራ ሚዲያ ማዕከል/አሚማ ህዳር 14 ቀን 2…

እነ መ/ር ደህናሁን ቤዛ፣ 8 ተጠርጣሪዎች በፌደራሉ ከፍተኛ ፍ/ቤት ቀርበው ለህዳር 23/2015 እንዲቀርቡ በሚል ተለዋጭ ቀጠሮ ተሰጣቸው። አማራ ሚዲያ ማዕከል/አሚማ ህዳር 14 ቀን 2015 ዓ/ም አዲስ አበባ ሸዋ በዳኛ አለመሟላት ምክንያት ከሰኞ ህዳር 12 እስከ ረቡዕ ህዳር 14/2015 ለተከታታይ 3 ቀናት በፌደራሉ ከፍተኛ ፍ/ቤት ሲመላለሱ የሰነበቱት እነ መ/ር ደህናሁን ቤዛ፣ 8 ተከሳሾች በይደር በተሰጣቸው ቀጠሮ መሰረት ዛሬ ህዳር 15/2015 ፍ/ቤት ቀርበዋል። በቀደመው ችሎት አንደኛዋ ዳኛ አያስከስስም በሚል የልዩነት ሀሳብ በማቅረቧ አልተሰየመችም፤ ከሁለቱ ዳኞችም አንደኛው አልተገኘም ነበር። በዚህም ምክንያት ዳኞች ተሟልተው መዝገቡን ይመለከቱ ዘንድ ለዛሬ ህዳር 15/2015 ተለዋጭ ቀጥሮ ተሰጥቶ ነበር። በቀጠሮው መሰረትም እነ ደህናሁን ቤዛ 8ቱ ከአማራ ክልል ወደ አዲስ አበባ እንዲመጡ የተደረጉ ተጠርጣሪዎች በችሎት ተገኝተዋል። ከአማራ ክልል እንዲመጡ የተደረጉ እነዚህ 8ቱ ወጣቶች:_ 1) ደህናሁን ቤዛ፣ 2)አንማው ሙላት፣ 3) ብሩክ አያልነህ፣ 4) አምሳያው አዳሙ፣ 5) ዳንኤል ዮሐንስ፣ 6) ታሪኩ በላይ፣ 7) ጥላሁን ደምሴ እና 😎 ጋሻው ሲሳይ ሲሆኑ ጉዳያቸው በሁለት መዝገብ በፌደራል ከፍተኛ ፍ/ቤት ልደታ ምድብ ችሎት እየታዬ የቆዬ ቢሆንም ከእለተ ማክሰኞ ህዳር 13/2015 ጀምሮ መዝገባቸው እንደተጠበቀ ሆኖ በአንድ ላይ እየተጠሩ ጎን ለጎን እየቀረቡ ይገኛሉ። አማራ ሚዲያ ማዕከል (አሚማ) በስፍራው ተገኝቶ እንደተመለከተው ሶስቱም ዳኞች ተሟልተው በሰጡት ውሳኔ ፖሊስ ለምርመራ ተጨማሪ 14 ቀን የጊዜ ቀጠሮ መጠየቁን በመግለጽ ችሎቱ የ8 ቀናት የምርመራ ጊዜ መፈቀዱን አስታውቋል። በዚህም መሰረት ህዳር 23/2015 እንዲቀርቡ በሚል ተለዋጭ ቀጠሮ ተሰጥቷል። ተጠርጣሪዎቹ “የዘገዬ ፍትህ እንዳልተሰጠ ይቆጠራል”የሚል መርህን እከተላለሁ የሚለው የፌደራሉ ከፍተኛ ፍ/ቤት መርሁን እየተከተለ ባለመሆኑ የፍትህ ሂደቱ እየተጓተተባቸው መሆኑን ለአሚማ ገልጸዋል።

Source: Link to the Post

Leave a Reply