You are currently viewing እነ ታጋይ ዘመነ ካሴ የይግባኝ መልስ አቅርቡ የተባለበት ጉዳይ በህግ ስርዓት ሽፋን ፖለቲካዊ ዓላማን ለማሳካት እንዳልሆነ የማስረዳት ሸክም ያለበት የወቅቱ የመንግስት አመራር ነው ሲል የአማራ…

እነ ታጋይ ዘመነ ካሴ የይግባኝ መልስ አቅርቡ የተባለበት ጉዳይ በህግ ስርዓት ሽፋን ፖለቲካዊ ዓላማን ለማሳካት እንዳልሆነ የማስረዳት ሸክም ያለበት የወቅቱ የመንግስት አመራር ነው ሲል የአማራ…

እነ ታጋይ ዘመነ ካሴ የይግባኝ መልስ አቅርቡ የተባለበት ጉዳይ በህግ ስርዓት ሽፋን ፖለቲካዊ ዓላማን ለማሳካት እንዳልሆነ የማስረዳት ሸክም ያለበት የወቅቱ የመንግስት አመራር ነው ሲል የአማራ ህዝባዊ ሀይል (ፋኖ) ስራ አስፈፃሚ ኮሚቴ ገለጸ። አማራ ሚዲያ ማዕከል/አሚማ ጥቅምት 27 ቀን 2014 ዓ.ም አዲስ አበባ ሸዋ የአማራ ህዝባዊ ሀይል (ፋኖ) ስራ አስፈፃሚ ኮሚቴ እነ ታጋይ ዘመነ ካሴ የይግባኝ መልስ አቅርቡ በተባሉበት ጉዳይ ላይ የሚከተለውን ምላሽ ሰጥቷል። መጥሪያውን ያልተመለከትን ቢሆንም ከሰኔ 15ቱ የክስ መዝገብ ጋር በተያያዘ የፌደራል ጠቅላይ ፍርድ ቤት አርበኛ ዘመነ ካሴን ጨምሮ የተወሰኑ ሰዎች የይግባኝ መልስ እንዲያቀርቡ ትዕዛዝ ስለመሰጠቱ መረጃ የደረሰን ከሳምንት በፊት ነው። ሆኖም ጉዳዩ “የህግ ጉዳይ” መሆኑ እንደተጠበቀ ሆኖ ትዕዛዙ ለልጆች ካለመድረሱም ባሻገር ህዝባችን ካለበት ወቅታዊ ችግር አንፃር ለህዝብ እና መንግስት ተጨማሪ አጀንዳ ላለመስጠት ስንል ለህዝብ ይፋ ከማድረግ ተቆጥበን ቆይተናል። ይሁን እንጅ አንዳንድ ወገኖች ይህን ጉዳይ ወደ ሶሻል ሚዲያው ስላመጡት እና በርካታ ሰዎችም ጥያቄ እያቀረቡልን ስለሆነ ሂደቱን እና አቋማችንን ግልፅ ማድረግ አስፈልጓል። እነ ሻምበል መማር ጌትነት (55 ሰዎች) በተከሰሱበት መዝገብ 14ኛ ተከሳሽ የነበረው ወንድማችን ዘመነ ካሴ በሌለበት በተደረገው ክርክር ከሌሎች 16 ተከሳሾች ጋር በወ/መ/ስ/ስ/ህ/ቁጥር 141 መሰረት መከላከል አያስፈልገውም ተብሎ በነፃ የተለቀቀው በ2013 ዓ.ም ነበር። ትዕዛዙ ሊመጣ “የሚችለው” መልስ ሰጭወች ነፃ መለቀቃቸውን ተከትሎ የክልሉ ዐቃቤ ሕግ በተሰጠው ውሳኔ ባለመስማማት ለፌደራል ጠቅላይ ፍርድ ቤት የይግባኝ ቅሬታ ካቀረበ እና ፍርድ ቤቱም ይግባኝ የተጠየቀባቸው ግለሰቦች ለይግባኙ መልስ መስጠት እንዳለባቸው ሲያምን ነው። የይግባኙ እና የትዕዛዙ ተገቢነት ላይ አስተያየት መስጠት ባንፈልግም ይህ ትዕዛዝ ሊሰጥ የሚችለውም ሆነ ይግባኙ የሚጠየቀው በቅርብ ግዜ ከጀመርነው አዲስ አደረጃጀት እና ትግል ጋር በተያያዘ ስለመሆኑ በተጨባጭ ማስረጃ አላረጋገጥንም። ጉዳዩ በህጋዊ ስርዓቱ መፈታት የሚችል ከመሆኑም ባሻገር፣ ትዕዛዙ በእርግጥም ተልኮ ከሆነ የዋስትና መብት ተነፍጎ ክርክር የሚደረግበት ስላልሆነ የመልስ ሰጭወችን መከራከር እንጅ መታሰር የሚፈልግ ሂደት የለዉም። እንዲሁም ይህ ሂደት የተጀመረው በህግ ስርዓት ሽፋን ፖለቲካዊ ዓላማን ለማሳካት እንዳልሆነ የማስረዳት ሸክም ያለበት የወቅቱ የመንግስት አመራር ነው። ሆኖ ከተገኘም በመንግስት በኩል “ችግሩን” በጥበብ ለመፍታት ጥረት መደረግ እንዳለበት እናምናለን። ስለሆነም ታጋይ ዘመነ ካሴ አሁን የጀመረውን ትግል በያዘው ኃላፊነት እንደሚቀጥል እየገለፅን ሁላችንም የአማራ ሕዝባዊ ኃይልን (ፋኖ) ትግል እንድንደግፍ እና እንድንቀላቀል በዚህ አጋጣሚ ጥሪ እናደርጋለን። የአማራ ህዝባዊ ሀይል (ፋኖ) ስራ አስፈፃሚ ኮሚቴ

Source: Link to the Post

Leave a Reply