You are currently viewing እነ ጋዜጠኛ ጎበዜ ሲሳይ፣ መዓዛ መሀመድ እና አሳዬ ደርቤ ጠቅላይ ፍ/ቤት ቀርበው የባንክ አካውንታቸው ይታግድልኝ የሚል አቤቱታ በከሳሽ ዐቃቢ ህግ ቀርቦባቸዋል።  አማራ ሚዲያ ማዕከል/አሚማ…

እነ ጋዜጠኛ ጎበዜ ሲሳይ፣ መዓዛ መሀመድ እና አሳዬ ደርቤ ጠቅላይ ፍ/ቤት ቀርበው የባንክ አካውንታቸው ይታግድልኝ የሚል አቤቱታ በከሳሽ ዐቃቢ ህግ ቀርቦባቸዋል። አማራ ሚዲያ ማዕከል/አሚማ…

እነ ጋዜጠኛ ጎበዜ ሲሳይ፣ መዓዛ መሀመድ እና አሳዬ ደርቤ ጠቅላይ ፍ/ቤት ቀርበው የባንክ አካውንታቸው ይታግድልኝ የሚል አቤቱታ በከሳሽ ዐቃቢ ህግ ቀርቦባቸዋል። አማራ ሚዲያ ማዕከል/አሚማ ጥቅምት 1 ቀን 2015 ዓ.ም አዲስ አበባ ሸዋ አማራ ሚዲያ ማዕከል (አሚማ) የእነ ጋዜጠኛ ጎበዜ ሲሳይ ጉዳይን በተመለከተ ከጠበቃ ሰለሞን ገዛኽኝ ጋር ቆይታ አድርጓል። አሚማ ከነበረው ቆይታ እንደተረዳው መስከረም 27/2015 በዋስ እንዲፈቱ የወሰነላቸው እነ ጋዜጠኛ ጎበዜ ሲሳይ፣ መዓዛ መሀመድ እና አሳዬ ደርቤ ጥቅምት 1/2015 ጠዋት ላይ በፌደራል ጠቅላይ ፍ/ቤት ቀርበዋል። በእለቱ በችሎቱ የተገኘው ዐቃቢ ህግም የመጣነው የተከሳሾችን የባንክ አካውንት እንዲታገድልን ፍ/ቤቱን ስለመጠየቅ ነው የሚል ምላሽ ሰጥቷል። ጠቅላይ ፍ/ቤቱም የታል ይግባኙ? እስካሁን የደረሰን የይግባኝ ጥያቄ የለም ስለማለቱ ጠበቃ ሰለሞን አውስቷል። ችሎቱም ተጠርጣሪዎቹ ከፍ/ቤቱ ትዕዛዝ ውጭ ለምንድን ነው እስካሁን ያልተፈቱት የሚል ጥያቄ ለዐቃቢ ህግ አንስቶ ነበር። ዐቃቢ ህግም በምላሹ ዛሬ የመጣነው ለባንክ እግድ ነው፣ ይግባኝም ጠይቀናል ማለቱ ተገልጧል። ዐቃቢ ህግ ይግባኝ ብሏል መባሉን ተከትሎ በችሎት መገኘታቸውን ለፍ/ቤቱ የገለጹት ደግሞ ጠበቃ ሰለሞን ገዛኽኝ ናቸው። መስከረም 27/2014 በእለተ አርብ እና ሰኞ ያልተፈቱት ዐቃቢ ህግ ይግባኝ ልጠይቅ እችላለሁ ብሏል የሚል ምክንያት በፖሊስ በኩል በመቅረቡ መሆኑ ይታወሳል። ይግባኙ ያስቀርባል ወይስ አያስቀርብም በሚለው ጉዳይ ላይ ገና በዳኛ አስተያየት ባልተሰጠበት ሁኔታ የፍ/ቤት ትዕዛዝ ተጥሶ የግፍ እስረኞችን አለመፍታት በብዙዎች ላይ እየተደጋገመ ያለ ወንጀል ስለመሆኑ ብዙዎች ይገልጣሉ። የባንክ አካውንት እግዱን በተመለከተ የህግ ስነ ስርዓቱ በማይፈቅደው መልኩ አሳልፎ ወደ ጠቅላይ ፍ/ቤት መውሰዱም አግባብ አለመሆኑ ተጠቁሟል። የተጠርጣሪ ጠበቆች ሄኖክ አክሊሉ እና ሰለሞን ገዛኽኝ መስከረም 27/2015 በዋስ ይፈቱ በሚል የተሰጠው የፍ/ቤት ትዕዛዝ በፌደራል ፖሊስ ባለመከበሩ ተፈጻሚ አልሆነም በማለት ወደ ፌደራል ከፍተኛ ፍ/ቤት ልደታ ተረኛ ምድብ ችሎት አቅንተው ጥቅምት 1/2015 ከሰዓት በኋላ አቤቱታ አቅርበዋል። ይሁን እንጅ የተጠርጣሪ ቤተሰቦች በሜክሲኮ የሚገኘው ፌደራል ፖሊስ ቢሮ ኮምሽነርንና የሽብር ወንጀል ምርመራ ኃላፊዎችን ስለምንድን ነው የማይፈቱ በሚል አመሻሹን አነጋግረው ነበር። በእለቱም እነ ጋዜጠኛ ጎበዜ ሲሳይ፣ ጋዜጠኛ መዓዛ መሀመድ እና ደራሲ አሳዬ ደርቤ መዝገብ ይግባኝ ስለተጠየቀ ለጥቅምት 3/2015 እንዲቀርቡ ቀጠሮ ተሰጧል የሚል ምላሽ እንደተሰጣቸው ለአሚማ ተናግረዋል።

Source: Link to the Post

Leave a Reply