You are currently viewing እናት ፓርቲ ለሶማሌ ክልል መንግስትና በግንባር ለሚዋደቁት የጸጥታ ኃይሎች አጋርነቱን ገለጸ፤ አባላትና ደጋፊዎቹን በማስተባበር የአቅሙን እንደሚያደርግም ቃል እንገባለን ብሏል፡፡   አማራ ሚዲ…

እናት ፓርቲ ለሶማሌ ክልል መንግስትና በግንባር ለሚዋደቁት የጸጥታ ኃይሎች አጋርነቱን ገለጸ፤ አባላትና ደጋፊዎቹን በማስተባበር የአቅሙን እንደሚያደርግም ቃል እንገባለን ብሏል፡፡ አማራ ሚዲ…

እናት ፓርቲ ለሶማሌ ክልል መንግስትና በግንባር ለሚዋደቁት የጸጥታ ኃይሎች አጋርነቱን ገለጸ፤ አባላትና ደጋፊዎቹን በማስተባበር የአቅሙን እንደሚያደርግም ቃል እንገባለን ብሏል፡፡ አማራ ሚዲያ ማዕከል/አሚማ ሀምሌ 26 ቀን 2014 ዓ.ም አዲስ አበባ ሸዋ እናት ፓርቲ በሶማሌ ክልል የአልሸባብን እንቅስቃሴ እና የተሰጠውን የአጸፋ ምላሽ በተመለከተ “አልሸባብ በጀግኖቹ ተመትቷል፤ ይበልጥ ግን ትኩረት ይሻል!” በማለት የሚከተለውን መግለጫ አጋርቷል:_ በወቅታዊ ጉዳይ ላይ ከእናት ፓርቲ የተሰጠ መግለጫ በአንጻራዊነት ሰላም በሰፈነበት እና ለሌሎች ክልሎች ምሳሌ መሆን በሚችለው የሦማሌ ክልል ላይ የአልሸባብ የሽብር ቡድን ሀገርን ለማተራመስ ከቀናት በፊት በአፍዴር ዞን መግባቱን ተከትሎ በክልሉ ልዩ ኃይል ነበልባል ክንድ ተደቁሶ ሕልሙ ሳይሳካ ሀሳቡም ሳይሞላ ለእኩይ ዓላማው መጠቀሚያ የያዛቸው ተሽከርካሪዎች ተቃጥለዋል፣ ትጥቁም፣ ስንቁም ተማርኳል። የዚህን የሽብር ቡድን ለመመከት የአባቶቻችንን ፈለግ በመከተል የሦማሌ ክልል ሕዝብ፣ የክልሉ አመራርና የጸጥታ አካላት እያደረጉት ያለው ርብርብ በእጅጉ የሚያኮራ ተግባር ነው። በአሁኑ ሰዓት የሀገር መከላከያ ሰራዊት ከሦማሌ ክልል ልዩ ኃይል ጋር በመቀናጀት እየወሰደ ያለው እርምጃ የሚበረታታ ነው። የሽብር ቡድኑ በተለያየ ጊዜ ኢትዮጵያን ለማተራመስ በተደጋጋሚ ጊዜ ሲሞክር ባለበት ለማምከን በሚል ዘልቀን እስከመግባት ደርሰናል፤ ከነችግሩ ውጤትም አምጥቶ ነበር፡፡ ቡድኑ አኹን ላይ እንዴት አንሰራርቶና የልብ ልብ አግኝቶ ድንበር ተሻግሮ የሚፈራትን ኢትዮጵያ ለመውጋት አሰበ? የሚለው እንደ ሀገር ከባድ የቤት ሥራ እንዳለብን ያሳያል፡፡ የሆነው ሆኖ የአካባቢው የፖለቲካ ኹኔታ እየተቀየረ መምጣቱን ወዲህም በሀገር ውስጥ ያለው ግርግር ጅቡ አንገቱን ለማስገባት እንዲሞክር ገፋፍቶትም ይሆናል፡፡ ምናልባትም ይህ የሽብር ቡድን በግብር ከሚመስሉት የውስጥ ጠላቶቻችን ጋር ለመገናኘት የሚያደርገው ጥረት ሊሆንም ስለሚችል በብዙ ችግር ውስጥ ብንሆንም ይህን ሀገር ላይ የተቃጣ ጥቃት ለመመከት ከኹሉም ችግሮቻችን ቅድሚያ ሰጥተን ያለምንም ልዩነት ለመፋለም በጋራ ልንቆም ይገባል እንላለን። ስለሆንም:_ 1. በጥሩ አጋጣሚ አልሻባብ በዓለምአቀፍ ደረጃ በአሸባሪነት የተፈረጀ በመሆኑ ለትኩረቱም ለጥረቱም ሀገራት እንዲተባበሩ መንግስት ጥሪ እንዲያቀርብ እናሳስባለን፡፡ 2. የፌዴራልና የክልሉ የጸጥታ ኃይሎች እያደረጉ ያለውን ቅንጅት በማጠናከር የሽብር ቡድኑን በማዳከምና እንዲህ ያለውን ትንኮሳ ዳግም እንዳይሞክረው በመቅጣት እንዲረባረቡ ጓዳዊ ጥሪያችንን እናስተላለፍለን፡፡ 3. መላው ኢትዮጵያውያን ይህ የሽብር ቡድን እስኪደመስስ ድረስ በነብሳቸው ተወራርደው ለሚፋለሙ የጸጥታ ኃይሎቻችን ኹለንተናዊ ድጋፍ እንዲያደርጉ፤ ወዲህም በድርቅ ተመትቶ በችግር የከረመው የክልሉ መንግስት የብቻ እዳ እንዳይሆን ኹሉም እንዲረባረብ ጥሪያችንን እናስተላልፋለን፡፡ በመጨረሻም ፓርቲያችን ለክልሉ መንግስትና በግንባር ለሚዋደቁት የጸጥታ ኃይሎች አጋርነቱን እየገለጠ አባላትና ደጋፊዎቹን በማስተባበር የአቅሙን እንደሚያደርግ ቃል እንገባለን፡፡

Source: Link to the Post

Leave a Reply