You are currently viewing እንኳን ለትንሳኤ በዓል አደረሳችሁ! አማራ ሚዲያ ማዕከል/አሚማ   ሚያዝያ 16 ቀን 2014 ዓ.ም         አዲስ አበባ ሸዋ ለመላው የክርስትና እምነት ተከታዮች እንኳን ለእየሱስ ክርስቶስ…

እንኳን ለትንሳኤ በዓል አደረሳችሁ! አማራ ሚዲያ ማዕከል/አሚማ ሚያዝያ 16 ቀን 2014 ዓ.ም አዲስ አበባ ሸዋ ለመላው የክርስትና እምነት ተከታዮች እንኳን ለእየሱስ ክርስቶስ…

እንኳን ለትንሳኤ በዓል አደረሳችሁ! አማራ ሚዲያ ማዕከል/አሚማ ሚያዝያ 16 ቀን 2014 ዓ.ም አዲስ አበባ ሸዋ ለመላው የክርስትና እምነት ተከታዮች እንኳን ለእየሱስ ክርስቶስ የትንሳኤ በዓል አደረሳችሁ ለማለት እንወዳለን። በዓሉን ስናከብር እንደ ወትሮው ሁሉ በመተሳሰብ፣ በመደጋገፍ፣ በመናበብ፣ በመከባበር፣ በአብሮነት እና ወንድማማችነት መንፈስ ሊሆን ይገባል። ለዘመናት ከሚኖሩበት ቀዬ መንግስታዊ እና መዋቅራዊ ድጋፍ ጭምር ባልተለያቸው አሸባሪዎችና ወራሪዎች በጅምላ የተገደሉ የሰማዕታት ቤተሰቦችን፣ የተፈናቀሉ እና በየጎዳናው ያሉ ወገኖችን በማሰብ ጭምር እንዲሆን እንጠይቃለን። እንዲሁም ይህን የሴረኞችን የዘር ማጥፋት አካሄድ ለማሸነፍ እና አማራን ብሎም ሀገርን እንደ ሀገር ለማስቀጠል በየግንባሩ፣ በየጋራ፣ሸንተረሩ እና በተለያዩ አካባቢዎች ሌት ተቀን የሚደክሙ የጸጥታ አካላትን እያሰብንና ማዕድም እያጋራን በዓሉን ብናከብር መልካም መሆኑን እንገልጻለን። በመጨረሻም ሞረሽ ወገኔ የአማራ ድርጅት (ሞወአድ) እና አማራ ሚዲያ ማዕከል (አሚማ) በመረጃ የበለጸገ ማህበረሰብ ይኖር ዘንድ አቅማችን በፈቀደው መጠን ልክ የምንችለውን ሁሉ ለማድረግ ዝግጁ መሆናችን ስንገልጽ ዛሬም እንደተለመደው ከጎናችን እንደምትሆኑ በመተማመን ነው። በተመሳሳይ በእስልምና እምነት ተከታዮች ዘንድ ከቀናት በኋላ በድምቀት ለሚከበረው የኢድ አል ፈጥር በዓልም እንኳን አደረሳችሁ እንላለን። ወንድማማችነቱ፣ አንድነቱ፣ መተሳሰቡ እና መደጋገፉ እንዲቀጥል መልካሙን ሁሉ እንመኛለን። በድጋሜ መልካም የትንሳኤ በዓል ይሁንላችሁ!

Source: Link to the Post

Leave a Reply