You are currently viewing እንደ ሳሙኤል አወቀ እንደሚገደል የተዛተበት የፋኖ አስተባባሪ ሙሉጌታ መንግሥት ለሦስተኛ ጊዜ ታስሯል። አማራ ሚዲያ ማዕከል/አሚማ  ሀምሌ 6 ቀን 2014 ዓ.ም         አዲስ አበባ ሸዋ…

እንደ ሳሙኤል አወቀ እንደሚገደል የተዛተበት የፋኖ አስተባባሪ ሙሉጌታ መንግሥት ለሦስተኛ ጊዜ ታስሯል። አማራ ሚዲያ ማዕከል/አሚማ ሀምሌ 6 ቀን 2014 ዓ.ም አዲስ አበባ ሸዋ…

እንደ ሳሙኤል አወቀ እንደሚገደል የተዛተበት የፋኖ አስተባባሪ ሙሉጌታ መንግሥት ለሦስተኛ ጊዜ ታስሯል። አማራ ሚዲያ ማዕከል/አሚማ ሀምሌ 6 ቀን 2014 ዓ.ም አዲስ አበባ ሸዋ ፖሊስ ተገዶ ፍርድ ቤት ቢያቀርበውም የምርመራ መዝገብ ሳይከፍት መልሶታል። የአማራ ሕዝባዊ ኃይል (ፋኖ) አደረጃጀት መስራች አባልና አስተባባሪ የሆነው ሙሉጌታ መንግሥት ከግንቦት 10 ቀን 2014 ዓ.ም. ጀምሮ በደብረ ማርቆስ ከተማ እና በየትሮራ ማጎሪያ ማዕከል በግፍ ታስሮ ቆይቷል። ከዚህ እስር በገንዘብ ዋስትና ቢፈታም በተያዘው የጅምላ እስር ዘመቻ ውስጥ ለሦስተኛ ጊዜ ታስሯል። ከመጀመሪያው እስር እንደተፈታ በደብረ ማርቆስ ፖሊስ ጣቢያ ለሰዓታት ለሁለተኛ ጊዜ ታስሮ የነበረ ሲሆን በወቅቱ እንደ ሳሙኤል አወቀ እንደሚገደል ተዝቶበታል፤ ትግሉን እንዲያቆም ጠንከር ያለ ማስፈራሪያም ደርሶታል። ሙሉጌታ በዛቻው መሰረት ለሦስተኛ ጊዜ ከታሰረ በርካታ ቀናት ተቆጥረዋል። ፍርድ ቤት ሳይቀርብ ለረጅም ጊዜ ከቆየ በኋላ ፖሊስ ፍርድ ቤቱ በላከለት አስገዳጅ ትዕዛዝ መሰረት በእለተ ማክሰኞ ሐምሌ 5 ቀን 2014 ዓ.ም. አቅርቦታል። ሆኖም ከፌዴራል ፖሊስ እና ከአማራ ፖሊስ ኮሚሽን በአደራ እንዲያቆየው መታዘዙን ገልጾ የምርመራ መዝገብ ሳይከፍት ወደ እስር ቤት መልሶታል። ከዚህ ቀደም “ስልክህን ክፈትና እንጎርጉረው” የተባለው ፋኖ ሙሉጌታ፣ “ያለ ፍርድ ቤት ትዕዛዝ አልከፍትም” ማለቱን ተከትሎ በፖሊስ ቢሮ ውስጥ መደብደቡ ተነግሯል። “እንደ ሳሙኤል አወቀ እንገድልሀለን፤ አርፈህ ተቀመጥ” የሚል ዛቻም ተዝቶበታል። ሳሙኤል በ2007 ዓ.ም. በጎጃም በግፍ የተገደለ የቀድሞው ሰማያዊ ፓርቲ እጩ ተመራጭ መሆኑ ይታወሳል ሲል የዘገበው ንስር ብሮድካስት ነው።

Source: Link to the Post

Leave a Reply