ከህወሀት ቡድን ነጻ በወጡ ቦታዎች የሰብአዊ ድጋፍ ለማድረግ የሚያጠና ሀይል መላኩን ጠቅላይ ሚንስትር ዶክተር አብይ አህመድ ተናገሩ። ጠቅላይ ሚንስትሩ በትግራይ ክልል እየተካሄደ ስለሚገኘው…

ከህወሀት ቡድን ነጻ በወጡ ቦታዎች የሰብአዊ ድጋፍ ለማድረግ የሚያጠና ሀይል መላኩን ጠቅላይ ሚንስትር ዶክተር አብይ አህመድ ተናገሩ።

ጠቅላይ ሚንስትሩ በትግራይ ክልል እየተካሄደ ስለሚገኘው ኦፐሬሽን፣ ስለ ሰብዓዊ ድጋፎች፣ የክልሉን ነዋሪዎች ደህንነት ስለማስጠበቅ መልዕክት አስተላልፈዋል።

ጠቅላይ ሚንስትሩ በመልዕክታቸው “ሕግ ማስከበር ተልዕኮው የኢትዮጵያ የመከላከያ ሠራዊት ባለፉት ጥቂት ቀናት ያስመዘገበው ድል የሚደነቅ ነው።

ሠራዊታችን ትናንት ምሽት በአዲግራት ዙሪያ ያሉትን አካባቢዎች ከተቆጣጠረ በኋላ፣ ዛሬ ደግሞ አዲግራትን ከሕወሓት ኃይል ሙሉ በሙሉ ነፃ አውጥቷል።

የፌደራል መንግሥት በተቆጣጠራቸው ከተማዎችና አካባቢዎች የሚገኙ ዜጎች፣ በጸጥታ ኃይሎች ጥበቃ እየተደረገላቸው ወደ ዕለት ተዕለት እንቅስቃሴያቸው መመለስ ጀምረዋል።

ከመላው የኢትዮጵያ ሕዝብ ጋር በመሆን፣ ሰብአዊና ማኅበራዊ ፍላጎቶች የሚሟሉበትን መንገድ እናመቻቻለን።

የሰብአዊ ድጋፍ ክንውኖችን ለመከታተል በፌደራል መንግሥት የተዋቀረው ከፍተኛ ኮሚቴ፣ ተመጣጣኝ እና ወቅታዊ ድጋፍ ለማቅረብ የሚያስችል መረጃን እንዲያሰባስቡ ተጨባጭ ሁኔታውን የሚያጣሩ ልዑካንን ወደ ስፍራው ልኳል።

በተጨማሪም፣ ይህ ኮሚቴ ባለፉት ቀናት መኖሪያቸውን ጥለው የተሰደዱትን ዜጎች ሁሉ ወደ ቀያቸው ለመመለስ እና ለማቋቋም ከባለ ድርሻ አካላት ጋር መሥራቱን ይቀጥላል።

የፌደራል መንግሥት ለትግራይ ሕዝብ አጠቃላይ ደኅንነት እና ጤንነት ከፍተኛ ዋጋ የሚሰጥ ስለ ሆነ፣ በትግራይ ክልል መረጋጋት እንዲሰፍን እና ዜጎቻችን ከጉዳት እና እጦት ነፃ እንዲሆኑ አስፈላጊውን ሁሉ እናደርጋለን” ብለዋል።

ኢትዮ ኤፍ ኤም የኢትዮጵያውያን
ሕዳር 12 ቀን 2013 ዓ.ም

Source: Link to the Post

Leave a Reply