You are currently viewing ከመተከል፣ከከማሼ እና ከኦሮሚያ ክልል የተለያዩ አካባቢዎች የተፈናቀሉ በብዙ ሽህ የሚቆጠሩ ተፈናቃይ አማራዎች ፍኖተ ሰላም ገብተዋል። አማራ ሚዲያ ማዕከል/አሚማ  የካቲት 29 ቀን 2014 ዓ….

ከመተከል፣ከከማሼ እና ከኦሮሚያ ክልል የተለያዩ አካባቢዎች የተፈናቀሉ በብዙ ሽህ የሚቆጠሩ ተፈናቃይ አማራዎች ፍኖተ ሰላም ገብተዋል። አማራ ሚዲያ ማዕከል/አሚማ የካቲት 29 ቀን 2014 ዓ….

ከመተከል፣ከከማሼ እና ከኦሮሚያ ክልል የተለያዩ አካባቢዎች የተፈናቀሉ በብዙ ሽህ የሚቆጠሩ ተፈናቃይ አማራዎች ፍኖተ ሰላም ገብተዋል። አማራ ሚዲያ ማዕከል/አሚማ የካቲት 29 ቀን 2014 ዓ.ም አዲስ አበባ ሸዋ እነዚህ በአማራዊ ማንነታቸው ብቻ ከመተከል፣ከከማሼ እና ከኦሮሚያ ክልል የተለያዩ አካባቢዎች የተፈናቀሉ ወገኖች በምዕራብ ጎጃም ዞን የተለያዩ ወረዳዎች አቅንተው የቆዩ ቢሆንም ተገቢ የሰብአዊ ድጋፍ አልተደረገላቸውም። ኑሮአቸውን ለመምራት ክፉኛ መቸገራቸውን ተከትሎ መንግስት ሊሰማን እና አንዳች መፍትሄ ሊሰጠን ይገባል በማለት ከየካቲት 28/2014 ጀምሮ ወደ ፍኖተ ሰላም ከተማ ገብተዋል፤ እየገቡም ነው። ተፈናቃዮች ከሰከላ፣ቋሪት፣ ከደንበጫ፣ ፣ቡሬ፣ ጎንጂ፣ፍኖተ ሰላም፣አዴት፣ ማንኩሳ፣ ጂጋ፣ደጋ ዳሞትና ከሌሎችም ወረዳዎች አቅንተው ከቆዩ በኋላ ነው ኑሮአችን ለመምራት ተቸግረናል፤ እየተራብን ነው፤ መፍትሄ ይሰጠን በሚል ለአቤቱታ ወደ ፍኖተ ሰላም የተመለሱት። ነገር ግን በፍኖተ ሰላም የመስተዳድር አካላት ተቀብለው ሊያስተናግዱን አልቻሉም ሜዳ ላይ ነው ያለንው በሚል አቤቱታ አቅርበዋል። ከ2010 ዓ/ም ጀምሮ ከቀያቸው እየተፈናቀሉ ወደ ምዕራብ ጎጃም ዞን ፍኖተ ሰላም የገቡ ከ220 ሽህ በላይ አማራዎች መኖራቸው ተገልጧል። ከሀምሌ 2013 ጀምሮ እየተፈናቀሉ ወደ ምዕራብ ጎጃም ዞን የሚመጡ ተፈናቃዮች ከመንግስት ምንም ዓይነት ሰብአዊ እርዳታ እንዳልተሰጣቸው ገልጸዋል። ነባር ተፈናቃይ አማራዎችም በቂ እርዳታ እየደረሰን አይደለም በሚል መጉላላትም አለ ሲሉ አማረዋል። በመጨረሻም መንግስት አፋጣኝ የሰብአዊ እርዳታ ለመስጠት ካልቻለ በርሃብ ምክንያት ከፍተኛ ጉዳት እንደሚደርስ አስታውቀዋል።

Source: Link to the Post

Leave a Reply